Read Nguna Togoa Etafe North LEVITIKO 15 Bible Online

LEVITIKO 15 - Nguna Togoa Etafe North bible

LEVITIKO 15

¹Go Yehovah e pasa paki Moses go Aaron,

²po naga, Koroga vasa paki Israel natuna maga, po noa ki da, po naga, Waina naata sikai e pe veani nasaraana sikai waina e sara m̃elu nap̃atokona, nae e pe loa nalakena nasaraana aneana.

³Go tea waia e pei nawotaeana nalo ni naloaana aneana ni nasaraana aneana: nap̃atokona e pe sara ki nasaraana aneana, kite nap̃atokona e pe wono ki nasaraana aneana, ma e pe vei naloaana aneana.

⁴Te nawewele waina tea waina e peani nasaraana e pe one asa, e po loa: go te naleo waina e pe tasake asa, e po loa.

⁵Go te naata e pe kisidogo nawewele aneana, ega sarue sugoro aneana maga, po loloso noai, go e po loa pa pa paki ragi melu mau.

⁶Go te naata e pe tasake doko tokora waina tea waina e peani nasaraana e pea dasake doko asa, ega sarue sugoro aneana maga, po loloso noai, go e po loa pa pa paki ragi melu mau.

⁷Go te naata e pe kisidogo nap̃atoko ni tea waina e peani nasaraana, ega sarue sugoro aneana maga, po loloso noai, go e po loa pa pa paki ragi melu mau.

⁸Go waina tea waina e peani nasaraana e pe taniu paki naata waina e dautau; ragi wanogoe ega sarue sugoro aneana maga, po loloso noai, go e po loa pa pa paki ragi melu mau.

⁹Go te sawagoro nam̃adu ni ass waina naata waina e peani nasaraana e pe sakesaake asa, e po loa.

¹⁰Go te naata e pe kisidogo te navatuna sikai waina e pea doko etano ki nia, ega wo loa pa pa paki ragi melu mau: go naata waina e pe tapetape naleo maga wanogoe, ega sarue sugoro aneana maga, po loloso noai, go e po loa pa pa paki ragi melu mau.

¹¹Go naata waina e peani nasaraana e pe ta pavano noai mau, go e pe kisidogo te naata, naata wanogoe ega sarue sugoro aneana maga, po loloso noai, go e po loa pa pa paki ragi melu mau.

¹²Go tea waina e peani nasaraana, e pe kisidogo lasa ni naruku, lasa wanogoe ega vei tea marip̃oraeana: kite e pe vei lasa ni nakau, ega vei tea sarue‐lua‐ana ki noai.

¹³Go ragi waina tea waina e peani nasaraana e po pei tea mari‐dautau‐kiana m̃elu dua ki nasaraana aneana, ragi wanogoe ega tum̃ana peve parati ki nakup̃a larua raki namari‐dautau‐ki‐nia‐ana, go ega sarue sugoro aneana maga; go ega sarue nap̃atokona ki noai tautau, go ega wo dautau.

¹⁴Go nakup̃a kelatolu, ega maneana tape taroa dua, kite tokopea vusavusa dua umai, paki narae ni Yehovah, paki namata ni tap̃aup̃au ni nasaisaiana, po dua tea viri asa:

¹⁵Go tea viri ega vitua ki da, sikai ega vei navituaana ni namarinaleosaana, go kerua ega vei navituaana tap̃arakiana; go tea viri ega maneana mari natap̃augoroana narae ni Yehovah nalo ni nasaraana aneana.

¹⁶Go waina naata sikai e pe veani nasua tare aneana e pe m̃elu asa, ragi wanogoe ega sarue nap̃atokona mamau ki noai, go e po loa pa pa paki ragi melu mau.

¹⁷Go sara sugoro go sara nawili waina nasua tare e puluti a, euga vei tea sarueana ki noai, go eu po loa pa pa paki ragi melu mau.

¹⁸Go nagoroi ma, waina naanoai wanogoe e pe one sikoti a, nara ma naanoai eroga wo dua loloso noai, go ero po loa pa pa paki ragi melu mau.

¹⁹Go waina nagoroi sikai e pe veani nasaraana sikai, go nasaraana aneana m̃elu nap̃atokona e pe vei nada, ega toko p̃aova aneana nakup̃a larua pataka ni nakup̃a maga ni namamaragokiana: go naata waina e kisidogo e, e po loa pa pa paki ragi melu mau.

²⁰Go sara naleo waina e one asa doko ragi ni namamaragokiana aneana eu po loa: go sara naleo ma waina e dasake ara eu po loa.

²¹Go naata waina e kisidogo nawewele aneana, ega sarue sugoro aneana maga, po loloso noai, go e po loa pa pa paki ragi m̃elu mau.

²²Go naata waina e pe kisidogo te navatuna waina nagoroi wanogoe e dasake asa, ega sarue sugoro aneana maga, po loloso noai, go e po loa pa pa paki ragi melu mau.

²³Go e pe kisidogo nawewele kite te navatuna waina e dasake asa, naata waina e kisidogo e, e po loa pa pa paki ragi melu mau.

²⁴Go waina naanoai sikai e pe one sikoti nagoroi, go tea mamaragokiana ki nagoroi e pe liko asa, e po loa, go ega wo loa nakup̃a larua; go nawewele waina e pe one asa, e po loa.

²⁵Go waina nagoroi sikai e pe veani nasaraana ni nada aneana, go e pe sara naaleatia laapa waina e da pei ragi ni natoko‐p̃aova‐ana aneana mau, kite e pe veani nasaraana aneana e pe liu ragi ni natoko‐p̃aovaana aneana; sara naaleatia waina e do sara, e po loa, dakiusi naaleatia maga ni natoko‐p̃aova‐ana aneana: e po loa.

²⁶Te nawewele waina e pe one asa ni sara naaleatia ni nasaraana aneana, e pe wo dakiusi nawewele ni p̃aova aneana: go te navatuna waina e pe tasake asa, e po loa, dakiusi naloaana ni namamaragokiana aneana.

²⁷Go naata waina e pe kisidogo naleo maga wanogoe e po loa, go ega sarue sugoro aneana maga, po loloso noai, go e po loa pa pa paki ragi melu mau.

²⁸Ma waina e po pei tea mari‐dautau‐kiana m̃elu dua ki nasaraana aneana, ragi wanogoe ega wo dum̃ana peve parati ki naaleatia larua, go edaku ki tea wanogoe ega wo dautau.

²⁹Go nakup̃a kelatolu, ega wo dape taroa dua, kite tokopea vusavusa dua, po piragi ra umai punusi tea viri, paki namata ni tap̃aup̃au ni nasaisaiana.

³⁰Go tea viri ega vitua ki sikai ega vei navituaana ni namarinaleosaana, go kerua ega vei navituaana tap̃arakiana; go tea viri ega maneana mari natap̃augoroana narae ni Yehovah nalo ni nasaraana ni naloaana aneana.

³¹Dapala nogoe kuga vavaigoro Israel natuna maga euga tautau m̃elu dua ki naloaana adeada; naga euga ta mari tokora tapu aginau waina e doko m̃aleoputo kakada ega loa mau, po mate naloaana adeada.

³²Tea waia e pei nawotaeana nalo ni naata waina e peani nasaraana sikai, go nalo ni naata waina nasua tare aneana e m̃elu asa, waina e loa asa;

³³Go nalo ni nagoroi waina e sua namasakiana aneana, go nalo ni naata waina e peani nasaraana sikai, go nalo ni nagoroi go nalo ni naanoai waina e one sikoti a, waina e loa.