Read Nguna Togoa Etafe North YEREMIAH 4 Bible Online

YEREMIAH 4 - Nguna Togoa Etafe North bible

YEREMIAH 4

¹Ku pe masau liliu, Israel O, Yehovah e noa e, ku pe wo liliu umai punusi au: go ku pe mari puoli ki tea mamaragokiana anigo maga m̃elu dua ki namatagu pano, ku pe wo da pei tea tapeluaana mau.

²Go ku pe vivisa doko nalomauana, go namarinaleoleanaana, go naleanaana, po naga, Yehovah e mauri: nalauna maga eu pe wo pei tea vasap̃iakiana asa, go eu pe wo pakavakae asa.

³Nalakena Yehovah e noa dapala nea paki naatam̃oli maga ni Yudah go paki naatatoko maga ni Yerusalem, e naga, Kuga kili natano vea animu, go kuga ta sapuraki m̃aleoputo ni tea makalikali maga mau.

⁴Kuga tum̃amu dovadavivi mu paki Yehovah, po dape lua nawili vea maga ni nap̃op̃omu, nimu naatam̃oli maga ni Yudah go naatatoko maga ni Yerusalem: mase namaritausuana aginau e pe tave pano dakiusi nakapu, po pavaga, go te naata e pe ta mariatae pue punue a mau, nalakena namarinaleosaana animu maga.

⁵Kuga noasai a Yudah, po dogorogo ki nia Yerusalem, kuga naga, Kuga sui paiga usuraki navanua: kuga vioso kasua, po naga, Kuga tum̃amu saisai ki mu, go tuga vaki natokoana p̃aakagoroana maga pano.

⁶Kuga sike lawo ki manututu sikai paki Sion: kuga sava raki namautiana, kuga ta doko mau: nalakena aga wo piragi nasaana pae north umai, go namarisakiana warua liu sikai.

⁷Laion sikai e m̃elu mala ni nakau wono aneana po sake pano, go tea waina ega mari sa sa ki nalauna maga e doko pano; e m̃elu dua ki naliana po do usi napua aneana; naga ega mari navanua anigo ega vei maso maladi, naga natokoana animu maga euga sapuraki one, naatatoko ega tika ara.

⁸Nalakena tea wanogoe, p̃a tum̃am̃a dasoki ko ki nakulukulu ni sak, p̃a susue po lalagaarova: nalakena namaetoana vivitinu ki Yehovah e da pa dua ki gida pano mau.

⁹Go ega wo pakilina naaleatia wanogoe, Yehovah e noa e, naga nap̃op̃o ni nawota ega wo sirinopu, go nap̃op̃o ni tea maraki maga; go tea viri maga euga wo saram̃akoto, go profeta maga euga wo mataku p̃arua.

¹⁰Go kinau a noa, Yehovah Sup̃e O! E da pei naga ku surue p̃arua ki narei waia go ki Yerusalem, doko do naga, Kuga wo peani natam̃ateana, kite? Ma lova e do pa parati ki namauriana adeada.

¹¹Doko ragi wanogoe ega wo pei tea noaana paki narei waia go paki Yerusalem, euga wo naga, Nalagi vivitinu sikai ega wo pae tokora vakilagi maga ni masop̃alo umai paki narei aginau natuna nagoroi, ega ta pei naga ega nivenive, kite mari dautau mau;

¹²Nalagi matua sikai ega wo maginau pae tokora maga wanogoe umai: go kinau aga wo lua ki navasap̃otaeana dip̃a ra.

¹³P̃a leo, ega wo sake umai dapala napopouru maga, go kariot aneana maga euga wo dakiusi suitaviro: horse aneana maga eu sava m̃araverave liu ikila maga. Ai ki gida! Nalakena tu po puoli.

¹⁴Yerusalem O, p̃a sarue nap̃op̃om̃a ega tautau m̃elu dua ki nasigisigileoana, naga p̃a vei tea mautiana. Namidodoana sa anigo maga euga wo doko nap̃alaum̃a doko pa pa paki seve ragi?

¹⁵Nalakena nadaleo sikai e do noasai m̃elu Dan, e do dogorogo ki narogorogoana sa m̃elu tava sula maga ni Efraim:

¹⁶E naga, Kuga vasa lagati a paki nalauna maga; kuga leo, kuga rogorogo ki nia dip̃a Yerusalem, naga tea leleogoro maga eu do pae navanua sikai ni uvea umai, doko do darasa dip̃a natokoana maga ni Yudah.

¹⁷Dapala tea vavaigoro maga ni vanua sikai, eu marigoro e daliviri; nalakena e mari p̃auluulu dip̃a au, Yehovah e noa e.

¹⁸Napua anigo go namariana anigo maga eu mari tea maga wanogoe eu pakilina ki‐go; e pei nasigisigileoana anigo; go e pei tea kokona, nalakena e paka pule nap̃op̃om̃a.

¹⁹Namaritagu maga, namaritagu maga! A pitivitinu nap̃alau ni nap̃op̃ogu; nap̃op̃ogu e do dotorosova doko au; a da mariatae punuta mau; nalakena ku dogo nadaleo ni paiga, naatagu O, naviosoana paki navakalo.

²⁰Namarisakiana e sokari namarisakiana; nalakena navanua mamau e pei tea mari‐pavakotoana: m̃araverave tap̃aup̃au aginau maga eu pei tea tape‐pavakotoana, go tea taugorop̃otae aginau maga doko ragi ni nawilimatana sikai.

²¹Pa pa paki seve ragi aga wo punusi manututu, po dogo nadaleo ni paiga?

²²Nalakena narei eu manumatavusa, eu da atae au mau; eu pei lala natuna maga, go eu dika namidoakiataeana: eu manumatua naga euga mari tea waina e sa, ma eu dika naataeana naga euga mari tea waina e p̃ia.

²³A leo paki maramana, go p̃a leo, e pinovinoi go e p̃alo; go paki nakoroatelagi maga, go namarama kakada e dika.

²⁴A leo paki tava warua maga, go p̃a leo, eu duruuru, go tava sula maga eu mamau puti parivari.

²⁵A leo, go p̃a leo, naatam̃oli e dika, go manu maga mamau puti ni nakoroatelagi maga eu diri pano po puoli.

²⁶A leo, go p̃a leo, navanua ni namasu e pei masop̃alo sikai, go natokoana kakana maga mamau puti eu sapuraki one narae ni Yehovah, go narae ni namaetoana vivitinu aneana.

²⁷Nalakena Yehovah e noa dapala nea, e naga, Navanua mamau ega wo pei maso maladi sikai; ma aga wo da mari sa ki nia ega nopu mau.

²⁸Nalakena tea wanogoe maramana ega wo malepu, go nakoroatelagi maga ni elagi euga wo maligoligo: nalakena kinau a noa e, kinau a midoa ki nia, go a da midoaki piri a mau, go aga wo da dawasi m̃elu dua ki nia mau.

²⁹Natokoana mamau e do sava pano nalakena nasaruruana ni naatam̃oli sakesaake horse maga go ni tea vua naasu maga; eu sava sili mala ni nakau wono, po sake paki m̃aleoputo ni vatu laketoko maga: sara natokoana eu pei tea toropusiana, naatam̃oli e dika ara, e dika sa.

³⁰Go nigo, ragi waina p̃a vei tea tape‐pavakotoana, p̃a wo mari nasava? Ku pe suni tea suniana miala kesakesa, go ku pe tum̃am̃a dekei ki‐go ki naleo maga ni narekeikiana ni kold, go ku pe vitai namatam̃a maga ki natai, ma ku pe tum̃am̃a dekei ki m̃oli ki‐go; tea dodomi ko maga eu midoaki p̃alo ki‐go, eu laaga namauriana anigo.

³¹Nalakena a dogo nadaleo sikai dapala nadaleo ni nagoroi sikai waina e dogo navitinuana ni navisolaana, narogokitesaana ki tea sikai waina e do dape natuna takalapa, nadaleo ni Sion natuna nagoroi, waina e do marousu naga ega maromaro, waina e do darasike nam̃elearuna maga, doko do naga, Ai kinau! Nalakena naatagu e sirinopu narae ni tea mari punue naatam̃oli maga.