Read Nguna Togoa Etafe North YEREMIAH 45 Bible Online

YEREMIAH 45 - Nguna Togoa Etafe North bible

YEREMIAH 45

¹Navasaana waina profeta Yeremiah e noa ki Baruk natu ni Neriah asa, ragi waina e midiri navasaana maga waia tusi sikai m̃elu nawoka ni Yeremiah, natau kevati ki Yehoiakim natu ni Yosiah, nawota ni Yudah, e naga,

²Yehovah Sup̃e ki Israel e noa dapala nea paki‐go Baruk O, e naga, Nigo ku naga, Ai kinau!

³Nalakena Yehovah e dua au narogokitesaana e moro sokari navitivitinuana aginau; a mawosa ki nagiana aginau, go a da pap̃ai te namaromaroana mau.

⁴P̃a noa ega tapala nea paki nia, p̃a naga, Yehovah e noa dapala nea, e naga, P̃a leo, tea waina a davagi a, aga wo moro dakai a, go tea waina a lawo ki nia, aga wo moro paku dakati a; navanua mamau nogo.

⁵Go ku do dum̃am̃a manigo laaga naleo warua maga, kite? P̃a ta laaga ara mau: nalakena p̃a leo, aga wo mari nasaana ega wo pakilina ki nap̃okasi mamau puti, Yehovah e noa e: ma namauriana anigo aga wo dua ko asa ega vei tea vutilua‐pavakotoana sikai sara tokora waina p̃a vaki asa pano.