Read Nguna Togoa Etafe North ESEKIEL 13 Bible Online

ESEKIEL 13 - Nguna Togoa Etafe North bible

ESEKIEL 13

¹Go navasaana ki Yehovah e umai paki nau, po naga,

²Naatam̃oli natuna, p̃a veanoasai dip̃a profeta maga ni Israel waina eu peanoasai, go p̃a noa ki tea maga waina eu dum̃ada peanoasai namidodoana adeada, p̃a naga, Kuga rogo navasaana ki Yehovah;

³Yehovah Sup̃e e noa dapala nea, e naga, Ai ki profeta manumatavusa maga, waina eu dum̃ada dausi namidodoana adeada, go eu da punusi te navatuna mau!

⁴Israel O, profeta anigo maga eu dakiusi koria mila maga doko maso maladi maga.

⁵Ku da sake paki tokora marip̃oraeana maga mau, kite magi nasum̃a ni Israel davagi p̃aaka sikai mau, waina ega lawodu kasua doko navakalo naaleatia ki Yehovah.

⁶Nara eu punusi navunusiana p̃alo maga go nakikitaana sorosoro maga, doko do naga, Yehovah e noa e; ragi waina Yehovah e da dip̃aki lua ra mau: go eu leogoro naga navasaana adeada maga euga wo pei tea vakavuroana.

⁷Ku da punusi navunusiana p̃alo sikai mau, go ku da pasa ki nakikitaana sorosoro sikai mau, ragi waina ku noa naga, Yehovah e noa e; ma kinau a da pasa mau, kite?

⁸Nalakena tea wanogoe Yehovah Sup̃e e noa dapala nea, e naga, Nalakena ku lua ki navasaana p̃alo, po punusi nasorosoroana maga, nalakena tea wanogoe kuga leo, kinau a mari dip̃a mu, Yehovah Sup̃e e noa e.

⁹Go nam̃elearugu ega wo mari dip̃a profeta maga waina eu punusi navunusiana p̃alo maga, go waina eu peanoasai naveanoasaiana sorosoro maga: nara euga wo da doko nasaisaiana ki tea vusum̃aki maga ki narei aginau mau, go euga wo da pei tea midiriana namidiriana ni nasum̃a ni Israel mau, go euga wo da sili paki navanua ni Israel mau; go kuga wo atae naga kinau a pei Yehovah Sup̃e.

¹⁰Nalakena, io e pei nalakena eu piragi sasap̃o ki narei aginau, doko do naga, Natam̃ateana; ragi waina natam̃ateana e dika; go nalakena ragi waina narei eu davagi p̃aaka sikai, kuga leo, profeta maga wanogoe eu puluti a ki napulu tare:

¹¹Pa noa ki tea maga waina eu do puluti a ki napulu tare naga ega wo dowo: usa matua ega wo umai; usa ni vatu warua maga ega wo p̃owo; go nalagi atu ega wo mari p̃orae a.

¹²Go kuga leo, ragi waina p̃aaka wanogoe ega wo pevera, euga wo da noa ki mu naga, Napulu waina ku puluti a asa wai?

¹³Nalakena tea wanogoe Yehovah Sup̃e e noa dapala nea, e naga, Kinau aga wo mari p̃orae a ki nalagi atu sikai doko namaritausuana aginau; go usa matua ega wo umai namaetoana aginau, go usa ni vatu warua maga ni namaritausuana ega wo mari puoli ki nia.

¹⁴Dapala nogoe aga wo mari p̃orae p̃aaka waina ku puluti a ki napulu tare, po mari a ega vakitano paki natano, dapala waina laketano kakana ega wo doko lina: go ega wo pevera, go kuga wo mate puoli m̃aleoputo kakana; go kuga wo atae naga kinau a pei Yehovah.

¹⁵Dapala nogoe aga wo pakavuro namaritausuana aginau dip̃a p̃aaka wanogoe, go dip̃a tea maga waina eu puluti a ki napulu tare; go aga wo noa ki mu, aga wo naga, P̃aaka wanogoe e pano puoli, go nara waina eu puluti a eu mate puoli;

¹⁶Profeta maga ni Israel nogo, waina eu peanoasai nalo ni Yerusalem, go waina eu maneana punusi navunusiana maga ni natam̃ateana, ragi waina natam̃ateana e dika, Yehovah Sup̃e e noa e.

¹⁷Go nigo, naatam̃oli natuna, p̃a lawo ki naraem̃a dip̃a narei anigo natuna nagoroi maga, waina eu peanoasai tea waina eu dum̃ada midoa ki nia namidodoana adeada;

¹⁸go p̃a veanoasai dip̃a ra, P̃a naga, Yehovah Sup̃e e noa dapala nea, e naga, Ai ki nagoroi maga waina eu dutisoki natali maga naru ni sara naatam̃oli, po mari tea taugoro‐rae maga agi naatam̃oli p̃atoko visarasara maga, naga euga vuasoki naatam̃oli maga! Kuga wo palako ki naata ni narei aginau, naga kuga wo daua ki nataluaana asa, kite?

¹⁹Ku mari au a pei tea m̃oli m̃aleoputo ni narei aginau, dip̃a barle nam̃elearu sikai, go dip̃a bred matele sikai, doko do doropusi paki namateana naatam̃oli maga waina e da p̃ia mau naga euga mate, po mauti naatam̃oli maga eu mauri waina e da p̃ia mau naga euga mauri, pae nasorosoroana animu maga paki narei aginau waina eu daki dorogo paki nasorosoroana maga.

²⁰Nalakena tea wanogoe Yehovah Sup̃e e noa dapala nea, e naga, Kuga leo, kinau a mari dip̃a natali animu maga waina ku palako ki naatam̃oli maga ara dakiusi manu maga, go aga wo pua p̃orae ra m̃elu dua ki narumu maga; go aga wo peresi naatam̃oli maga wanogoe waina ku palako ki da dakiusi manu maga, go euga vano.

²¹Go tea taugoro‐rae animu maga nara ma aga wo pua p̃oraworae ra, po pualua narei aginau m̃elu dua ki nam̃elearumu, go euga wo da moro doko nam̃elearumu naga euga vei tea valakokiana mau; go kuga wo atae naga kinau a pei Yehovah.

²²Nalakena ki nasorosoroana maga ku mari nap̃op̃o ni tea leana e dogokitesa, waina kinau a da mari a e dogokitesa mau; go ku mari nam̃elearu ni tea sigisigileo e kasua naga ega ta maradoa liliu pa dua ki napua sa aneana po pei tea mautiana mau:

²³Nalakena tea wanogoe kuga wo da moro punusi navunusiana p̃alo maga mau, kite kikita ki nakikitaana maga mau: go aga wo pualua narei aginau m̃elu dua ki nam̃elearumu; go kuga wo atae naga kinau a pei Yehovah.