Read Nguna Togoa Etafe North ESEKIEL 15 Bible Online

ESEKIEL 15 - Nguna Togoa Etafe North bible

ESEKIEL 15

¹Go navasaana ki Yehovah e umai paki nau,

²po naga, Naatam̃oli natuna, nakau vaine e p̃ia ki nasava liu nakau p̃ota maga ni mala ni nakau?

³Eu mari napapa asa po p̃osiwosi ki nia naga euga mari te nawosiana sikai asa, kite? Kite naatam̃oli maga eu mari pin sikai asa naga euga sara ki te lasa sikai asa, kite?

⁴P̃a leo, e pei tea nadikiana paki nakapu naga ega vei tea tap̃arakiana: nakapu e gani namatap̃agona dua, go m̃aleoputo kakana e pei tea tap̃arakiana; e p̃ia raki te nawosiana sikai, kite?

⁵P̃a leo, ragi waina e mamaau p̃ia, e da p̃ia raki te nawosiana sikai: ma ragi waina nakapu e gani sua e, go e pei tea tap̃arakiana sua, e mariatae p̃ia raki te nawosiana sikai, kite?

⁶Nalakena tea wanogoe Yehovah Sup̃e e noa dapala nea, e naga, Dapala nakau vaine m̃aleoputo ni nakau maga ni mala ni nakau, waina a pitua ki nia paki nakapu ega vei navinaga kakana, dapala nogoe aga wo pitua ki naatatoko maga ni Yerusalem.

⁷Go aga wo lawo ki naraegu dip̃a ra; euga wo m̃elu dua ki nakapu, ma nakapu ega wo gani puoli ki da; go kuga wo atae naga kinau a pei Yehovah, ragi waina aga wo lawo ki naraegu dip̃a ra.

⁸Go aga wo mari navanua ega wo pei maso maladi, nalakena eu mari nasorosoroana paki nau, Yehovah Sup̃e e noa e.