Read Nguna Togoa Etafe North ESEKIEL 18 Bible Online

ESEKIEL 18 - Nguna Togoa Etafe North bible

ESEKIEL 18

¹Go navasaana ki Yehovah e moro umai paki nau,

²po naga, Naluluakia waia waina ku noa e nalo ni navanua ni Israel, e manimu pei nasava, waina ku naga, Tamada maga eu gani nawa ni vaine malimali, go napati ni natuda maga eu mate?

³Kinau a mauri, Yehovah Sup̃e e noa e, go kuga wo da moro noa naluluakia waia Israel mau.

⁴P̃a leo, naatam̃oli mamau puti eu pei tea aginau; dakiusi namauriana ki tamana, namauriana ki natuna e moro dakiusi a, ero dua pei tea aginau: naatam̃oli waina e mari naleo sa ega wo mate.

⁵Ma naatam̃oli sikai e pe leana, go e pe mari tea waina e pae nawotaeana go e leana,

⁶Go e pe ta ganikani tava vakilagi maga mau, kite sike namatana maga paki idolo maga ni nasum̃a ni Israel mau, kite mari nagoroi ki tea ni m̃aladigi ki nia e pe vei tea mamaragokiana mau, go e pe ta umai punusi nagoroi sikai ragi ni natoko‐p̃aova‐ana aneana mau;

⁷Go e pe ta diesoki te naata mau, ma e pe liliua ki nanadisokiana ki tea waina e one asa one, e pe ta mari pavakoto mau, e pe tua tea vitolo navinaga aneana, go e pe sugoro tea m̃alam̃ala ki sugoro sikai;

⁸E pe ta pitua ki tea aneana raki narogoviana mau, kite dape te narogoviana mau, go e pe mauti nam̃elearuna pa dua ki namarinaleotageleana, go e pe mari navasap̃otaeana leana namawota ni naatam̃oli go ni naatam̃oli,

⁹E pe surata pae natawonakiana aginau maga, po pavaigoro navasap̃otaeana aginau maga, po mari lomau; nae e leana, go ega wo mauri lomau, Yehovah Sup̃e e noa e.

¹⁰E pe vesi natuna naanoai sikai waina e pe vei tea tape‐pavakoto sikai, kite tea taki nada sikai, kite waina e pe mari tea tapala nogoe maga te sikai kakada mau,

¹¹Go e pe kanikani tava vakilagi maga, kite mari nagoroi ki tea ni m̃aladigi ki nia e pe vei tea mamaragokiana,

¹²E pe riesoki tea tika go tea rogokitesa, po mari pavakoto, e pe ta liliua ki nanadisokiana mau, go e pe sike namatana maga paki idolo maga, e pe mari tea mamaragokiana,

¹³E pe vitua ki tea aneana raki narogoviana, po dape narogoviana: nae ega wo mauri, kite? Ega wo da mauri mau: e mari tea mamaragokiana maga mamau puti wanogoe: nae ega wo mate lomau; nadana ega wo doko asa.

¹⁴Go p̃a leo, e pe vesi natuna naanoai sikai, waina e pe vunusi namarinaleosaana maga mamau puti ki tamana waina e pe mari naleo sa asa, po mataku, po da dum̃ana mari tea maga wanogoe mau,

¹⁵Waina e pe ta ganikani tava vakilagi maga mau, kite sike namatana maga paki idolo maga ni nasum̃a ni Israel mau, go waina e pe ta mari nagoroi ki tea ni m̃aladigi ki nia e pe vei tea mamaragokiana mau,

¹⁶Kite diesoki te naata sikai mau, go e pe ta dape nanadisokiana mau, kite dape pavakoto mau, ma waina e pe tua tea vitolo navinaga aneana, go e pe sugoro tea m̃alam̃ala ki sugoro sikai,

¹⁷Waina e pe mauti nam̃elearuna pa dua ki namarinaleotageleana, waina e pe ta dape narogoviana kite nataluaana mau, waina e pe mari navasap̃otaeana aginau maga, go waina e pe surata pae natawonakiana aginau maga; nae ega wo da mate nalakena namarinaleotageleana ki tamana mau, ma ega wo mauri lomau.

¹⁸Go nalo ni tamana, nalakena e diesoki kasua po mari pavakoto taina sikai, po mari tea waina e da p̃ia mau m̃aleoputo ni narei aneana, p̃a leo, nae ega wo mate namarinaleotageleana aneana.

¹⁹Ma nimu ku naga, Ekasana natuna e da sua navaratiana ni namarinaleotageleana ki tamana mau? Ragi waina natuna e mari tea waina e pae nawotaeana go e leana, go e pavaigoro natawonakiana aginau maga mamau puti, po mari pataka da, nae ega wo mauri lomau.

²⁰Naatam̃oli waina e mari naleo sa, nae ega wo mate: natuna ega wo da sua navaratiana ni namarinaleotageleana ki tamana mau, go tamana ega wo da sua navaratiana ni namarinaleotageleana ki natuna mau; namarinaleoleanaana ki tea leana ega wo doko asa, go nasigisigileoana ki tea sigisigileo ega wo doko asa.

²¹Ma tea sigisigileo e pe maradoa m̃elu dua ki namarinaleosaana aneana maga mamau puti waina e mari naleo sa asa, po pavaigoro natawonakiana aginau maga, po mari tea waina e pae nawotaeana go e leana, nae ega wo mauri lomau, ega wo da mate mau.

²²Natapiriana aneana maga waina e mari ra sikai kakada ega wo da pei tea midoaki‐dip̃a‐ana asa mau: ega wo mauri nalakena namarinaleoleanaana aneana waina e mari a.

²³Kinau a masauna naga tea sigisigileo ega wo mate puoli, kite? Yehovah e noa e. E da pei naga a masauna naga ega midoakidoa, po mauri, kite?

²⁴Ma ragi waina tea leana e maradoa pa dua ki namarinaleoleanaana aneana, po mari namarinaleotageleana, po mari pataka ni tea mamaragokiana maga mamau puti waina naatam̃oli sigisigileo e mari a, nae ega wo mauri, kite? Nawosiana leana aneana waina e mari a sikai kakada ega wo da pei tea midoakiana mau: nae ega wo mate nalakena natapiriana aneana waina e mari dagele asa, go nalakena namarinaleosaana aneana waina e mari naleo sa asa.

²⁵Ma nimu ku naga, Napua ki Yehovah e da leana mau. Kuga taki dorogo, nasum̃a ni Israel O. Napua aginau e da leana mau, kite? Ma e da pei naga napua animu maga eu da leana mau, kite?

²⁶Ragi waina naatam̃oli leana e maradoa pa dua ki namarinaleoleanaana aneana, po mari dagele, po mate asa; ega wo mate nalakena namarinaleotageleana aneana waina e mari a.

²⁷Go ragi waina naatam̃oli sigisigileo e maradoa pa dua ki nasigisigileoana aneana waina e mari a, po mari tea waina e pae nawotaeana go e leana, nae ega wo mauti namauriana aneana, ega wo mauri.

²⁸Ega wo da mate mau, ma ega wo mauri lomau, nalakena e midoakiusiusi a, po maradoa pa dua ki natapiriana aneana maga mamau puti waina e mari ra.

²⁹Ma nasum̃a ni Israel e naga, Napua ki Yehovah e da leana mau. Nasum̃a ni Israel O, napua aginau maga eu da leana mau, kite? E da pei naga napua animu maga eu da leana mau, kite?

³⁰Nalakena tea wanogoe aga wo pasap̃otae mu, nasum̃a ni Israel O, sara naata sikasikai ega vataka ni napua aneana maga, Yehovah Sup̃e e noa e. Kuga midoakidoa, po maradoa pa dua ki natapiriana animu maga mamau puti; mase namarinaleotageleana e pe mari sa ki mu.

³¹Kuga nadi ki lua pa dua ki mu natapiriana animu maga mamau puti, waina ku mari dagele asa; go kuga tum̃amu manimu mari p̃op̃o vau sikai, go naatana vau sikai: nalakena ekasana kuga wo mate, nasum̃a ni Israel O?

³²Nalakena kinau a da masauna mau naga naata sikai ega wo mate puoli, Yehovah Sup̃e e noa e: nalakena tea wanogoe kuga midoakidoa, po mauri.