Read Nguna Togoa Etafe North ESEKIEL 2 Bible Online

ESEKIEL 2 - Nguna Togoa Etafe North bible

ESEKIEL 2

¹Go e noa ki nau, e naga, Naatam̃oli natuna, p̃a lawodu leana, go aga wo pasa paki‐go.

²Go naatana e puvua umai doko au ragi waina e pasa paki nau, po sike au a lawodu leana; go a dogo e ragi waina e pasa paki nau.

³Go e noa ki nau, e naga, Naatam̃oli natuna, kinau a dip̃aki lua ko pano punusi Israel natuna maga, paki nalauna maga waina eu do mari p̃auluulu, waina eu do mari p̃auluulu dip̃a au: nara ma tamada maga eu dapiri dip̃a au pa pa paki naaleatia waia.

⁴Go narei wanogoe eu pei rae kasua go p̃op̃o kasua; kinau a dip̃aki lua ko pano punusi ra: go p̃a noa ki da, p̃a naga, Yehovah Sup̃e e noa dapala nea.

⁵Go eu pe suasua daki dorogo, kite eu pe ta suasua mau, (nalakena eu pei nasum̃a vei p̃auluulu sikai,) ma eu pe wo atae naga profeta sikai e doko m̃aleoputo kakada.

⁶Go nigo, naatam̃oli natuna, p̃a ta matau ki da mau, go p̃a ta mataku nalo ni navasaana adeada maga mau, namatagauta go tea vivitip̃a maga eu pe sikoti ko doko, go ku pe toko m̃aleoputo ni mataloa maga: eu pei nasum̃a vei p̃auluulu sikai, ma p̃a ta mataku navasaana adeada maga mau, kite m̃anaunau naraeda mau.

⁷Go p̃a noa ki da navasaana aginau maga, eu pe suasua daki dorogo, kite eu pe karai: nalakena eu pei nasum̃a vei p̃auluulu p̃arua.

⁸Ma nigo, naatam̃oli natuna, p̃a rogo tea waina aga noa ki‐go asa; p̃a ta mari p̃auluulu mau dakiusi nasum̃a vei p̃auluulu wanogoe: p̃a maga, po gani tea waina aga tua ko asa.

⁹Go a leo punusi, go p̃a leo, nam̃elearu sikai e pei tea saikiana paki nau; go p̃a leo, tusi lulukiana sikai e doko asa;

¹⁰Go e p̃elesa ki nia naraegu; go e pei tea midiriana nap̃elena go natakuna: go tea waina e pei tea midiriana asa e pei nalalagaarovaana, go nasusueana, go narogokitesaana.