Read Nguna Togoa Etafe North ESEKIEL 32 Bible Online

ESEKIEL 32 - Nguna Togoa Etafe North bible

ESEKIEL 32

¹Go e pakilina natau kerualima sikai tamate dua, doko atelagi kerualima sikai tamate dua kakana, nakupa vea ni atelagi, naga. Navasaana ni Yehovah e umai paki nau, po naga

²Naatamoli natuna, pa sike nalalagaarovaana sikai nalo ni Faraoh nawota ni Ityipt, po noa ki nia, pa naga, Nigo ku dumama midoa kigo naga ku pei laion tureai sikai maleoputo ni nalauna maga: ma ku dakiusi aliketa sikai doko natasi maga; ku sui pugaaga ki noaisara anigo maga ki nagisuma, po pa duletulea ki noai maga ki namelema maga, po mari paipai loa ki noaisara adeada maga.

³Yehovah Supe e noa dapala nea, e naga, Aga wo kupenagoro ko ki kupena aginau, go aga wo pua dakati ko doko kupena aginau.

⁴Go Aga wo nadi kigo paki natano, aga wo sila kigopaki tokora welewelea sikai, go aga wo mari sara manu maga ni namalopa euga lawo doko ako, go aga womari nalo tuavati maga ni maramana euga vuka ako.

⁵Go aga wo sapura ki napokasima doko tava maga, po pakavuro napaloa maga ki napatoko mate kakama.

⁶Go aga wo puevue navanua ki nadama pa pa paki tava maga; go napapa noaisara maga nara ma euga wo malnau puti Pura.

⁷Go ragi waina aga wo mari punue ko, aga wo kovagoro nakoroatelagi aga, po mari masoe kakana maga euga maligo; aga wo kovagoro elo ki napopouru sikai, go atelagi ega wo da pitua ki namarama kakana mau.

⁸Sara nasulu maga ni nakoroatelagi, aga wo mari ra euga melugoro ko, go aga wo lawo ki namaligoligo ega toko navanua anigo, Yehovah Supe e noa e.

⁹Aga wo mari napopo ni narei laapa ega rogokitesa, ragi waina aga wo piragi lua pavakoto ako melu maleoputo ni nalauna maga pano paki navanua maga waina oku da pea atae ra mau.

¹⁰Aga wo mari nalauna laapa euga saramakoto ako, go nawota adeada maga euga wo mataku parua nalo kakama, ragi waina aga wo sike lova aginau naraeda; go euga wo duruuru pitipatipa, sara naata sikasikai raki namauriana adeada, naalealia ni narowoana anigo.

¹¹Nalakena Yehovah Supe e noa dapala nea, e naga, Lova ki nawota ni Babelon ega wo pa parati kigo.

¹²Aga wo mari taua warua ni naatamoli anigo maga euga rowo ki lova maga ki tea marimatua firaga, tea mataukiana warua maga ni nalauna maga: go euga wo mari napopovakilagiana ni Ityipt ega vei tea moli, go taua mamau ni naatamoli kakana euga wo pei tea maripuolikiana.

¹³Go aga wo mari puoli ki nalo tuavati kakana maga mamau puti melu dua ki nadigi ni noai laapa; te namele sikai ni naatamoli ega wo da moro pasi ra mau, go namele ni nalo tuavati maga euga wo da moro Pasi mau.

¹⁴Ragi wanogoe aga wo mari noai adeada maga euga maaru, Po mari noaisara adeada maga euga sara dakiusi naroro, Yehovah Supe e noa e.

¹⁵Ragi waina aga wo navanua ni Ityipt ega wo Pei maso maladi po makaka one, navaua sikai waina ega tika ki tea waina e pea pura asa, ragi waina aga wo atugi tea mamau puti waina du doko asa, ragi wanogoe euga wo atae naga kinau a pei Yehovah.

¹⁶Tea wanogoe e pei lalagaarovaana waina euga lalagaarova asa; nalauna maga natuda nagoroi maga eugai wo lalagaarova asa, euga wo lalagaarova asa nalo ni Ityipt, go nalo ni taua warua ni naatamoli kakana maga,Yehovah Supe e noa e.

¹⁷Go e moro pakilina natau kerualima sikai tamate dua, atelagi vea kakana, doko nakupa kerualima sikai tamate lima ni atelagi, naga navasaana ki Yehovah e umai paki nau, Po naga,

¹⁸Naatamoli natuna, pa lalagaarova nalo ni taua ni naatamoli ni Ityipt, po dipaki lua ra pano, nara ma nalauna rogoana maga natuda nagoroi maga, euga vaki Pokasi euga toko sikoti tea maga waina eu siwo paki morutano pano.

¹⁹Pa noa kida: Ku midoakinia naga Ku pei tea leomatakiana parua liu sei? Pa siwo pano paki maramana ni namateaana, Po pei tea lesiana sikoti tea tika natovadaviviana.

²⁰Euga wo dowo maleoputo ni tea maga waina eu pei tea atugiana ki lova: e pei tea vituakiana paki lova: go taua ni naatamoli kakana maga euga wo maturu sikoti a.

²¹Tea kasua maga ni tea marimatua maga doko maleoputo ni Sheol, euga wo noa nalo kakana go nalo ni tea silae aneana maga, euga wo naga, Eu po siwo umai, eu maturu one, tea tika natovadaviviana, eu Pei tea atugiana ki lova.

²²Ashur e doko tokora wanogoe, nara ma taua warua kakana; matigoda eu doko daliviri goro e, eu pei tea atugiana Puti, eu dowo ki lova:

²³Matigoda eu doko. Etanomau ni morutano, go taua maga ni naatamoli kakana e doko daliviri go matigon: eu pei tea atugiana puti, eu dowo ki lova, ma salavea eu pei tea mataukiana navanua ki tea mauri maga.

²⁴Ki tea mauri maga. Elam e doko tokora wanogoe, go taua warua kakana eu doko dalivirigoro matigona: eu pei tea atugiana puti, eu dowo ki lova, eu siwo paki pokasi po da pei tea tovadaviviana mau, ma sala vea eu pei tea mataukiana usuraki navanua ki tea mauri maga, go eu dapetape namaliereana adeada sikoti tea maga waina eu siwo paki morutano pano.

²⁵Eu maneana mari mata ki nawewele sikai e doko maleoputo ni tea atugiana maga, go taua ni naatamoli aneana maga eu doko dalivirigoro l matigona, eu dika natovadaviviana, eu pei tea toropusiana paki lova, ma sala vea eu pei tea mataukiana iusuraki navanua ki tea mauri maga, go eu dapetape namaliereana adeada sikoti tea maga waina eu siwo paki morutano pano; eu pei tea toropusana eu doko maleoputo ni tea pagiana maga.

²⁶Meshek go Tubal erp doko tokora wanogoe, nara ma tatra mamau ni naatamoli kakada, matigoda eu doko dalivirigoro ra, eu dika natovadaviviana, eu pei tea atugiana ki lova; nalakena eu pea pei tea mataukiana usuraki navanua

²⁷Go eu da maturu sikoti maau maga waina eu dowo ragi ni tuai mau, tea maga waina eu siwo paki Sheol pano pilake nalikau adeada maga, waina eu paua lova adeada maga, go nakokoro adeada eu pei tea sawakiana doko navatuda maga; nalakena nara eu pei tea mataukiana sikai doko navanua ki tea mauri maga.

²⁸Ma nigo pa wo pei tea mariporaeana po one maleoputo ni tea tika natovadaviviana maga, go pa wo maturu sikoti tea maga waina eu pei tea atugiana ki lova.

²⁹Edom e doko tokora wanogoe, nara ma nawota kakana maga go tea maraki kakana maga mamau puti, eu pei m̃aau maga ma eu maturu sikoti tea maga waina eu pei tea atugianaki lova: eu maturu sikoti tea tika natovddaviviana maga, sikoti tea maga waina eu siwo paki morutano pano. Tea maraki maga ni north eu doko

³⁰Tokora wanogoe, tea mamau puti kakada, nara ma naka ni Sidon mamau puti, eu siwo sikoti tea atugiana maga pano, ma eu pei tea mataukiana nalakena namarimatuaana adeada; eu pei tea tika natovadaviviana go eu maturu sikoti tea maga waina eu pei tea atugiana ki lova, go eu dapetape namaliereana adeada sikoti tea maga waina eu siwo paki morutano pano.

³¹Faraoh ega wo punusi ra, go ega wo pei tea vakavakaleana nalo ni taua mamau ni naatamoli aneana maga: Faraoh go naatamoli maga mamau puti ni navakalo aneana, waina eu pei tea atugiana ki lova, Yehovah Supe e noa e.

³²Nalakena e doropusi tea ni namatakuana e doko navanua ki tea mauri maga,go nae go taua ni naatamoli ni navakalo aneana maga mamau euga vei tea maripunueana po pei toropusiana ega maturu ki namaromaroana sikoti tea tika natovadaviviana maga, sikoti tea maga waina eu pei tea atugiana doko navakalo. Yehovah Supe e noa e.