Read Nguna Togoa Etafe North ESEKIEL 33 Bible Online

ESEKIEL 33 - Nguna Togoa Etafe North bible

ESEKIEL 33

¹Go navasaana ki Yehovah e umai I paki nau, po naga,

²Naatamoli natuna, pa vasa paki narei anigo natuda maga, po noa ki da, pa naga. Kinau a pe mari lova e pe va paratiki navanua sikai,naatatoko maga ni navanua wanogoe eu pe viragi lua naatamoli siaki melu maleoputo kakada, po lawo ki nia e pe vei tea vavaigoro adeada.

³Go e pe vunusi lova ragi waina e do umai wanogoe doko umai dipa navanua wanogoe, go epe sui paiga po noakisai narei asa.

⁴Go naata sikai e pe rogo nadaleo ni paiga, po da midoa ki nia mau,go lova e pe umai po mari puoli ki nia, nadana ega wo doko napua.

⁵E dogo nadaleo ni paiga po da midoa ki nia mau, nadana ega wo doko asa,ma e pe rogo paratikinia e pe mauti namauriana aneana.

⁶Ma tea vavaigoro e pe vunusi ragi waina e do umai, go e Pe ta sui paiga mau, gp lova e pe umai, po dape lua te naata sukai melu dua ki maleoputo kakada, naatamoli wanogoe e pei tea maripuolikiana doko namarinaletageleana aneana, ma kinau aga wo datagovi nadana ki namelearu ni tea vavaigoro wanogoe.

⁷Go nigo naatamoli nautna, kinau a lawo kigo ku pei tea vavaigoro sikai ni nasum̃a ni Israel. Nalakena tea wanogoe pa rogo navasaana ni nawokagu, po pasa parati ki da ki navasaana aginau.

⁸Kinau a pe noa ki tea sigsigleo ape naga Naatamoli sigsigleo o,p̃a wo mate lomau go nigo kupe ta pas mau kupe ta noa ki tea sigsigleo naga ega melu dua ki napua adeada, naatamoli sigsigleo wanogoe ega wo mate doko namari naleotageleana aneana,ma kinau aga wo datagovi nadana ki nam̃elearum̃a.

⁹Ma ku pe vasa parati ki tea sigsigleo wanogoe naloni napua aneana naga ega melu dua ki nia,go epe ta melu dua ki napua aneana mau, nae ega wo mate doko namarinaleotageleana aneana, ma nigo ku mauti namauriana anigo.

¹⁰Go nigo naatamoli natuna, p̃a noa ki nasum̃a ni Israel, p̃a naga Natapiriana anigida go namarinaleosaana anigida eu doko gida doko, go tu mavunvunu nalakena nara, go tu mariatae mauri tapale save?

¹¹Pa noa ki da, p̃a naga, kinau a mauri Yehovah Sup̃e e noa e, go ada maro namateana ki tea sigsigleo mau, ma naga tea sigsigleo ega maradoa melu dua ki napua aneana po mauri.Kuga maradoa pa dua ki napua sa animu maganalakena ekasana kuga wo mate, nasum̃a ni Israel o?

¹²Go nigo naatamoli natuna, pa noa ki narei anigo natuda maga pa naga Namarinaleoleanaana ki tea leana ega wo da pualua e naaleatia ni natapiriana aneana mau,go nalo ni nasigsigleoana ki tea sigsigleo,nae ega wo da dowo asa naaleatia waina ega maradoa pa dua kinasigsigleoana aneana mau, go tea waina e leana ega wo da mariatae mauri pae namarinaleoleanaana aneana mau,naleatia waina ega mari naleo sa.

¹³A pe noa ki tea leana naga ega wo mauri lomau,ma e pe vavatu namarinaleoleanaana anean po mari namarinaleotageleana nawosiana leana aneana maga te sikai kakada e pe wo da pei tea midoakiparatikiana mau,ma ega wo mate doko namarinaleotageleana aneana waina e mari dagele asa

¹⁴Go a pe noa ki tea sigsigleo a pe naga p̃a wo mate, go nae e pe maradoa m̃elu dua ki namarinaleosaana aneana po mari tea waina e pae nawotaeana go e leana.

¹⁵Tea sigsigleo wanogoe e pe vitua liliua ki nanadisokiana,e pe vitua liliua ki tea waina e dape pavakoto asa e pe surata natawonakiana maga ni namauriana, po da mari namarinaleotageleana mau, nae ega womauri ega da mate mau.

¹⁶Namarinaleosaana aneana maga waina e mari naleo sa asa te sikai kakada ega wo da pei tea midoakiana dip̃a e mau, e mari tea waina e pae nawotaeana go e leana ega wo mauri lomau.

¹⁷Ma narei anigo natuda maga eu naga, Napua aginau maga eu da leana, ma nara e pei napua adeada waina e da leana.

¹⁸Ragi waina tea leana e maradoa m̃elu dua ki namarinaleoleanaana aneana, po mari namarinaleotageleana, nae ega wo mate asa lomau.

¹⁹Go ragi waina tea sigsigleo e maradoa m̃elu dua ki nasigsigleoana aneana, po mari tea waina e pae nawotaeana go e leana, nae ega wo mauri pae asa.

²⁰Ma nimu ku naga napua aginau e da leana mau, Nasum̃a ni Israel o, kinau aga wo pasap̃otae mu sara naata sikasikai kakamau pataka ni napua animu maga.

²¹Go e pakilina natau kerualima sikai tamate dua ni naviragiluapavakotoana anigida doko atelagi kerualima kakana, nakup̃a kelima ni atelagi, naga tea sikai waina e sava m̃elu dua Yerusalem e umai punusi au, doko do naga natokoana pei tea atugiana

²²Ragimelu wanogoe pea ki e umai, a dogo nakasuana kasua ki Yehovah. Go waina naatamoli wanogoe e pakilina malipongi, Yehovah e dua au nakasuaana ni navasaana.

²³Go navasaana ki Yehovah e umai paki nau, po naga.

²⁴Naatamoli natuna nara waina eu doko maso maladi maga wanogoe ni navanua ni Israel eu pasa: doko do naga Abraham e sikina doko go nae e peani pioli ki navanua ma nigida tu laapa navanua e pei tea vituakiana paki gida e pei naveani pioli kiana sikai.

²⁵Nalakena tea wanogoe p̃a noa ki da, p̃a naga Yehovah Sup̃e e noa dapala nea, e naga. Nimu ku ganikani tava maga po sike namatamu maga paki idolo animu maga, po paki nada go kuga wo peani pioli ki navanua kite?

²⁶Ku pavatau lova animu, ku mari tea mamaragokiana go ku sikasikai mari nagoroi ki tea ni m̃aladigi kigo e pei tea mamaragokiana go kuga wo peani pioli ki navanua kite?

²⁷Pa noa dapala nea paki da, p̃a naga kinau a mauri go nara waina eu doko maso maladi maga euga wo dowo ki lova go nae waina e doko vanua welewela kinau aga wo pitua ki nia paki nalo tuavati naga ega vei tea kanidinomiana go nara waina eu doko tokora kasua paakagoroana maga go valea maga euga wo mate ki nasasanaanasa.

²⁸Go aga wo mari navanua ega vei maso maladi sikai, go tea ni nasaram̃agotoana sikai go navakilagiana ni nakasuana kakana ega wo makoto. Go tava maga ni Israel euga wo pei maso maladi dokogo te naata ega wo da surata duaduru asa mau.

²⁹Ragi wanogoe euga wo atae naga kinau a pei Yehovah ragi waina aga wo mari navanua ega vei maso maladi sikai nalakena tea mamaragokiana adeada maga mamu puti waina eu mari ra.

³⁰Go nigo naatamoli natuna narei anigo natuda maga eu pasa nalo kakana doko paaka maga go doko namata duaduru maga ni nasum̃a maga, eu pasa dum̃ada paki da sara naata paki taina eu naga, kuga umai a pavara ni mu asa po dogo navasana waina e dave m̃elu Yehovah.

³¹Go eu rumai punusi ko pae taua maga, go eu doko natano naraem̃a eu pei narei aginau, go eu daki dorogo paki navasaana anigo maga ma eu kara mari pataka da nalakena eu pasa m̃om̃oa ki nawokada ma nap̃op̃oda e dausi tea ni natauluaana adeada.

³²Go p̃a leo eu midoa ki nia naga ku pei tea lega ki nalegaana maga ni nadodomiana, ki nadaleo wia lua sikai go tea wokati atae p̃ia nagalo sikainalakena eu daki dorogo paki navasaana anigo maga ma eu da mari pataka da mau.

³³Go ragi waina tea wanogoe ega wo pakilina p̃a leo e do umai ragi wanogoe euga wo atae naga profeta sikai e doko maleoputo kakada.