Read Nguna Togoa Etafe North ESEKIEL 35 Bible Online

ESEKIEL 35 - Nguna Togoa Etafe North bible

ESEKIEL 35

¹Go navasaana ki Yehovah e moro umai paki nau, po naga.

²Naatamoli natuna, p̃a lawo ki naraem̃a dip̃a tava Seir, po peanoasai dip̃a e.

³Go p̃a noa ki nia, p̃a naga, Yehovah Sup̃e e noa dapala nea, e naga p̃a leo, kinau a mari dip̃a ko tava Seir o, go aga wo sai ki nam̃elearugu dip̃a ko, go aga wo mari ko p̃a vei maso maladi sikai go tea ni nasaram̃akotoana sikai.

⁴Aga wo mari natokoana kakam̃a maga euga makaka one, go p̃a wo pei maso maladi doko, go p̃a wo atae naga kina a pei Yehovah .

⁵Nalakena ku midoa ki parati ki nakokonaana sikai pitip̃atip̃a, po pitua ki Israel natuna maga paki nakasuaana ni lova ragi ni narogokitesaana adeada, ragi ni navaratiana edaku mau adeada

⁶Nalakena tea wanogoe, kinau a mauri, Yehovah Supe e noa e, go aga wopitua kigo paki nada, go nada wo kopasi ko: nalakena sogi ni nada e liko ako, nalakena tea wanogoe nada ega wo kopasi ko.

⁷Dapala nogoe aga wo mari tava Seir ega vei nasaram̃akotoana sikai, go maso m̃aladi sikai; go aga wo daelua m̃elu dua ki nia naata waina e surata umai paki asa,go naata waina e moro surata pano.

⁸Go aga wo pakavuro tava kakana maga ki tea atugiana kakana maga: nara waina eu pei tea atugiana ki lova euga wo dowo tava kakam̃a maga go nap̃aloa kakam̃a maga go nap̃ap̃a noaisara kakam̃a maga mamau puti.

⁹Aga wo mari ko p̃a vei maso maladi doko mau doko, go naatamoli ega wo dika natokoana kakam̃a maga: go kuga atae naga kinau a pei Yehovah.

¹⁰Nalakena ku naga, nalauna dua waia go navanua dua waia eroga wo pei tea aginau, go nigida tuga wo peani ra; go Yehovah e dogo e:

¹¹Nalakena tea waganoe kinau a mauri, Yehovah Sup̃e e noa e, go kinau aga wo mari paki go ega tapala namaetoana anigo, go ega tapala naroitoiana anogo waina ku pisei ki nia nalakena natokoaana anigo dip̃a ra; go aga wo dum̃agu mari au aga tea ataeana ako,ragi waian aga wo pasap̃otae ko.

¹²Go p̃a wo atae naga kinau Yehova a dogo navasasakiana anigo maga mamau puti waina nigo ku laelaea ragi waina ku pasa asa dip̃a tava maga ni Israel, doko naga, eu pei tea maraiana eu pei maso maladi one, eu pei tea vituakiana paki gida naga tga dinomi ra.

¹³Go ki dum̃amu mari lagilagi dip̃a au: go kinau a dogo e.

¹⁴Yehovah Sup̃e e noa dapala nea, e naga. Aga wo mari ko pa vei maso maladi one, go maramana mamau ega wo laelaea.

¹⁵Dapala waina nigo ku laelaea ragi waina tea veani piolikiana ki nasum̃a ni Israel e pei maso maladi doko tava Seir o, go Edom mamau, tea mamau puti kakana: go euga wo atae naga kinau apei Yehovah.