Read Nguna Togoa Etafe North ESEKIEL 46 Bible Online

ESEKIEL 46 - Nguna Togoa Etafe North bible

ESEKIEL 46

¹Yehovah Sup̃e e noa dapala nea, e naga, namata pua ni roara ni maleoputo waina e leo paki taleva ni elo sake, ega wo kokoro doko naaleatia latesa ni nawosiana; ma ega wo pei tea wolagatiana naaleatia ni sabbath, go naaleatia ni atelagi vau.

²Go tea maraki ega wo paki ekopu pae napua ni natarataup̃ani namata pua ni roara ni katama, go ega wo lawodu pisari nakautuni namata pua, go tea viri maga euga wo mari mata ki navituaana tap̃arakiana aneana go navituaana ni natamateana aneana maga, go ega wo lotu doko nakau tuasila ni namatapua; go ega wo dave pano: ma namatapua ega wo da pei tea kokoroana mau, pa pa paki ragi melu.

³Go naatatoko maga ni navanua euga wo lotu doko tokora ni nasiliana ni namatapua wanogoe narae ni Yehovah, doko sabbath maga go doko atelagi vau maga.

⁴Go navituaana tap̃arakiana waina tea maraki ega wo pitua ki nia paki Yehovah doko naaleatia ni sabbath, ega wo pei shiip natuna latesa tea mamaau p̃ia, go shiip anoai sikai tea mamaau p̃ia.

⁵Go navituaana ni flaur waina ega wo pitua ki nia ega vilake shiip anoai wanogoe ega wo pei efah sikai, go navituaana ni flaur waina ega wo pitua ki nia ega vilake shiip natuna maga ega wo dapala tea waina e mariatae pitua ki nia, go naroro hin sikai ega vilake efah sikai, sikasikai.

⁶Go doko naaleatia ni atelagi vau, ega wo pei kau anoai vusavusa sikai tea mamaau p̃ia, go shiip natuna latesa, go shiip anoai sikai; euga wo pei tea mamaau.

⁷Go ega wo mari mata ki navituaana sikai ni flaur, efah sikai ega vilake kau anoai wanogoe, go efah sikai ega vilake shiip, anoai, go tea waina e mariatae pitua ki nia ega vilake shiip natuna maga, go naroro hin sikai ega vilake efah sikai, sikasikai.

⁸Go ragi waina tea maraki ega wo paki ekopu, ega wo sili pae napua ni natarataup̃a, ni namatapua, go ega wo moro dave pano pae napua sikai maau wanogoe.

⁹Ma ragi waina narei ni navanua euga wo umai paki narae ni Yehovah ragi ni nasaisaiana tatutakiana maga, naata waina e sili pae napua ni namatapua ni north naga ega lotu, ega wo dave pano pae napua ni namatapua ni sauth; go naata waina e sili pae napua ni namatapua ni sauth, ega wo dave pano pae napua ni namatapua ni north: ega wo da liliu pae napua ni namatapua waina e sili pae asa mau, ma ega wo davepano leana kivea ki nia.

¹⁰Ragi waina eu sili paki ekopu tea rnaraki ega wo paki ekopu maleoputo kakada; go ragi waina euga wo dave pano, euga wo mamau dave pano.

¹¹Go ragi ni nasaisaiana maga go ragi ni nasaisaiana maga, navituaana ni flaur waina ega vilake kau anoai sikai, ega wo pei efah sikai, go tea waina ega vilake shiip anoai, ega wo pei efah sikai, go tea waina ega vilake shiip natuna maga ega wo dapala waina e mariatae pitua ki nia, go natoro hin sikai ega vilake efah rikai, Skasikui.

¹²Go ragi wair a tet maraki ega wo mari mata ki navituaana suasuakiana sikai, navituaana tap̃arakiana sikai, kite navituaana maga ni natam̃ateana naga ega vei navituaana suasuakiana sikai paki Yehovah, tea sikai ega wo maneana p̃olagati namatapua waina e leo paki laleva ni elo sake, go ega wo mari mata, ki navituaana tap̃arakiana aneana go navituaana ni natamateana aneana maga, dap̃ala waina e do mari a naaleatia ni sabbath: go ega wo dave pano: go edaku ki ragi waina ega wo pano sua, tea sikai ega wo lokoro namatapua.

¹³Go p̃a mari mata ki shiip natuna sikai tea ni natau sikai tea mamaau p̃ia, ega vei navituaana tap̃arakiana sikai paki Yehovah sara naaleatia: p̃a mari m̃ata ki nia sara malipogi.

¹⁴Go p̃a mari mata ki navituaana sikai ni flaur ega vilake a sara malipoi, ega vei efah namagovai kelatesa kakana, go naroro hin sikai namagovaiketolu kakana, naga ega mari, flaur wia ega melumelu; ega vei navituaana sikai ni flaur paki Yehovah pitip̃atip̃a pae natawonakiana sikai waina ega tu du po du mau du.

¹⁵Ega tapala nogoe euga wo mari mata ki shiip natuna, go navituaana ni flaur, go naroro, sara malipogi, ega vei navituaana tap̃arakiana sikai waina ega tu du po du mau du.

¹⁶Yehovah Sup̃e e noa dapala nea, e naga tea maraki e pe tua natuna nanoai maga te sikai kakada navituaana sikai m̃elu tea, veanipiolikiana aneana, e pe wo pei tea ki natuna naanoai wanogoe; e pel tea veaniana adeada waina eu peanipioli ki nia.

¹⁷Ma e pe tua tea suasua aneana maga sikai kakada navituaana sikai m̃elu, tea veanipiolikiana aneana, e pe wo pei tea aneana pa pa paki natau ni naveresiluaana ragi wanogoe ega wo liliu paki tea maraki, ma nalo ni tea veanipiolikiana aneana ega wo pei agi natuna naanoai maga.

¹⁸Go tea maraki ega wo da dape lua seara ni tea veanipiolikiana ki narei, po dielua ra m̃elu dua ki tea veaniana adeada pano mau; ega wo dua natuna naanoai maga tea veanipiolikiana m̃elu tea veaniana aneana: naga narei, aginau euga wo da pei tea taperaverakiana sara naata sikasikai m̃elu dua ki tea veaniana adeada mau.

¹⁹Go e piragi au duaduru tokora waina eu sili pae asa; waina e doko nadigi ni namata pua po piragi au umai paki em̃ago tapu maga agi tea viri maga, waina eu leo,paki taleva ni north: go p̃a leo, tokora sikai e doko namatap̃agona paki taleva ni elo musu.

²⁰Go e nba ki nau, e naga, tokora waia e pei tokora waina tea viri maga euga wo peni navituaana ni natapiriana go navituaana ni namarinaleosaana; po dao navituaana ni flaur asa, dapala waina euga wo da dape, ra paki etaku paki roara ni katama mau, po da mari narei euga tapu asa mau.

²¹Go e piragi au dave pano paki roara ni katama, po mari au a surata liu naweluki pati ni roara wanogoe, go p̃a leo roara kiki sikai e doko naweluki maga ni roara ni katama sikasikai sarasara ra.

²²Doko naweluki pati ni roara ni katama roara kiki marigoioana maga eu doko ara, navarauan kakada kubit rualima pati go naweleweleana kakada kubit rualima dolu, sikasikai sarasara ra tea vati wanogoe waina, eu doko naweluki maga sikasikai narowogiana kakada, e pataka sikai.

²³Go ovara sikai ni vatu taeana maga eu doko ekopu kakada diviri, eu daliviri tea vati wanogoe, go tokora maga waina eu peniveni asa eu doko etano kakada daliviri sikasikai sarasara ra.

²⁴Go e noa ki nau, e naga tokora maga waia eu pei tokora waina tea suasua maga ni nasum̃a tapu euga wo peni naviriana maga ki narei asa.