Read Nguna Togoa Etafe North HOSEA 1 Bible Online

HOSEA 1 - Nguna Togoa Etafe North bible

HOSEA 1

¹Navasaana ki Yehovah waina e umai paki Hosea, natu ni Beeri, doko naaleatia maga ki Ussiah, Yotham, Ahas, go Hesekiah, nawota maga ni Yudah, go doko naaleatia maga ki Yeroboam natu ni Yoash, nawota ni Israel.

²Ragi waina Yehovah e pea pasa paki Hosea, Yehovah e noa ki Hosea, e naga, P̃a vano, p̃a tawiri nagoroi sikai ni namaripeleana, po peani natu maga ni namaripeleana: nalakena navanua e do maripele p̃arua, doko do m̃elu dua ki Yehovah pano.

³Dapala nogoe e pano po piragi Comer, Diblaim natuna nagoroi; go e diena po maneana dape natuna naanoai sikai.

⁴Go Yehovah e noa ki nia, e naga, P̃a salagisana ki Yesreel; nalakena ragi ega wo kiki, go aga wo siko nada ni Yesreel paki nasum̃a ni Yehu, go aga wo mari namarakiana ki nasum̃a ni Israel ega wo makoto.

⁵Go ega wo pakilina naaleatia wanogoe naga aga wo p̃ori kotovi naasu ni Israel doko nap̃aloa ni Yesreel.

⁶Go e moro diena, po dape natuna nagoroi sikai. Go Yehovah e noa ki nia, e naga, P̃a salagisana ki Lo‐ruhamah: nalakena aga wo da moro maritadodomi nasum̃a ni Israel mau, aga wo da madeada midoakikorokoro mau.

⁷Ma aga wo maritadodomi nasum̃a ni Yudah, go aga wo mautipauri ra pae Yehovah Sup̃e adeada; aga wo da mautipauri ra pae naasu mau, kite pae lova, kite pae navakalo, kite pae horse maga, kite pae naatam̃oli sakesaake horse maga mau.

⁸Go ragi waina e pakasue susu ki Lo‐ruhamah, e moro diena, po moro dape natuna naanoai sikai.

⁹Go Yehovah e noa ki nia, e naga, P̃a salagisana ki Lo‐ammi: nalakena nimu ku da pei narei aginau mau, go kinau a da pei Sup̃e animu mau.

¹⁰Ma naveveana ni Israel natuna maga ega wo dakiusi naworaone ni natasi, waina e mari sap̃o pei tea rowogiana kite veve‐atae‐ana; go ega wo pakilina naga, doko tokora waina e pei tea noaana paki da naga, Nimu ku da pei narei aginau mau; ega wo pei tea noaana paki da naga, Nimu ku pei Sup̃e mauri natuna maga.

¹¹Go Yudah natuna maga go Israel natuna maga euga wo pei tea viragi‐saisai‐kiana, go euga wo dum̃ada madeada pasa dawona ki napua sikai maau, go euga wo m̃elu dua ki navanua po sake pano: nalakena naaleatia ni Yesreel ega wo p̃arua.