Read Nguna Togoa Etafe North YONAH 2 Bible Online

YONAH 2 - Nguna Togoa Etafe North bible

YONAH 2

¹Go Yonah e dapasavasa paki Yehovah Sup̃e aneana dave nap̃ele ni naika wanogoe.

²Go e noa, A pioso nalakena nariesoki‐au‐ana paki Yehovah, Go e pasadara au; A kuapioso dave nap̃ele ni Sheol, Go ku dogo nadaleogu.

³Nalakena ku nadi ki nau paki epua, paki nap̃alau ni natasi maga, Go noaisara e dalivirigoro au; Natavara anigo maga go napeao anigo maga eu mamau puti dap̃augoro au pano.

⁴Go kinau a noa, A pei tea nadikiana m̃elu dua ki kivea ki namatam̃a maga; Ma aga wo moro leo paki nasum̃a tapu anigo.

⁵Noai maga eu dalivirigoro au pa pa paki naatagu; Epua e dalivirigoro au; Nam̃om̃o e pivisigoro nap̃augu.

⁶A siwo paki nalake ni tava maga; Navanua tea walagoto kakana maga eu dokogoro au Pa pa e du po du mau du: Ma ku po piragi namauriana aginau e sake m̃elu dua ki m̃orutano, Yehovah Sup̃e aginau O.

⁷Ragi waina naatagu e matakimala doko au, a midoa ki Yehovah: Go natapasavasaana aginau e paloti punusi ko paki nasum̃a tapu anigo.

⁸Tea maga waina eu pavaigoro nalo p̃alo maga ni nasorosoroana, Eu doropusi nadodomi‐ra‐ana.

⁹Ma kinau aga wo mari naviriana paki‐go ega vilake nadaleo ni navasadodom̃atakiana; Aga wo lagati pitua ki tea waina a sai a. Namautiana e pei tea ki Yehovah.

¹⁰Go Yehovah e pasa ki naika wanogoe, go e lua ki Yonah paki navanua garagara.