Read Nguna Togoa Etafe North NUMBERS 26 Bible Online

NUMBERS 26 - Nguna Togoa Etafe North bible

NUMBERS 26

¹Go ragi waina nasasanaana sa e nopu, e pakilina naga Yehovah e pasa paki Moses go paki Eleasar natu ni Aaron tea viri, po naga,

²Koroga midiri nagisa maga ni nasaisaiana mamau ni Israel natuna maga, tea maga waina eu pei tea ni natau rualima dua go do liu, ega vae nasum̃a maga ni tamada maga, tea mamau puti ni Israel waina eu mariatae paki navakalo.

³Go Moses go Eleasar tea viri ero pasa paki da Yeriko, malo matemate maga ni Moab nadigi ni Yordan, po naga,

⁴Kuga midiri nagisa maga ni narei, tea maga waina eu pei tea ni natau rualima dua go do liu; dapala waina Yehovah e dip̃aki Moses asa. Go Israel natuna maga waina eu m̃elu dua ki navanua ni Ityipt umai, eu pei tea maga waia.

⁵Reuben, tea takalapa ni Israel: Reuben natuna naanoai maga; Hanok naworana maga: Pallu naworana maga:

⁶Hesron naworana maga: Karmi naworana maga.

⁷Nara eu pei Reuben naworana maga: go tea mamau puti kakada waina eu pei tea veveana, eu pei naatam̃oli tivilia pati manu dolu p̃onotia larua rualima takuna dolu.

⁸Go Pallu natuna naanoai maga; Eliab.

⁹Go Eliab natuna naanoai maga; Nemuel, go Dathan, go Abiram. E pei nara, Dathan go Abiram nogo, waina ero pei tea matadoaana m̃elu nasaisaiana, waina nara ma taua maga ki Korah eu pululu dip̃a Moses go dip̃a Aaron, ragi waina eu pululu dip̃a Yehovah:

¹⁰Go natano e maga po dinomi puti ra ma Korah, ragi waina taua wanogoe eu mate; ragi waina nakapu vavaga e gani dinomi naatam̃oli p̃onotia dua rualima takuna lima, go eu po pei navaivaiana sikai.

¹¹Ma Korah natuna naanoai maga eu da mate mau.

¹²Simeon natuna naanoai maga pae naworada maga: Nemuel naworana maga: Yamin naworana maga: Yakin naworana maga:

¹³Serah naworana maga: Shaul naworana maga.

¹⁴Tea maga wanogoe eu pei Simeon naworana maga, naatam̃oli tivilia dua manu dua go p̃onotia dua.

¹⁵Cad natuna naanoai maga pae naworada maga: Sefon naworana maga: Hakki naworana maga: Shuni naworana maga:

¹⁶Osni naworana maga: Eri naworana maga:

¹⁷Arod naworana maga: Areli naworana maga.

¹⁸Tea maga wanogoe eu pei Cad natuna naanoai naworada maga, waina eu pei tea veveana, naatam̃oli tivilia pati go p̃onotia lima.

¹⁹Yudah natuna maga, Er go Onan: go Er go Onan ero mate navanua ni Kanaan.

²⁰Go Yudah natuna naanoai maga pae naworada maga; Shelah naworana maga: Peres naworana maga: Serah naworana maga.

²¹Go Peres natuna naanoai maga; Hesron naworana maga: Hamul naworana maga.

²²Tea maga wanogoe eu pei Yudah naworana maga waina eu pei tea veveana, naatam̃oli tivilia larua manu latesa go p̃onotia lima.

²³Issakar natuna naanoai maga pae naworada maga: Tola naworana maga: Puvah naworana maga.

²⁴Yashub naworana maga: Shimron naworana maga.

²⁵Tea maga wanogoe eu pei Issakar naworana maga waina eu pei tea veveana, naatam̃oli tivilia latesa manu pati go p̃onotia dolu.

²⁶Sebulun natuna naanoai maga pae naworada maga: Sered naworana maga: Elon naworana maga: Yahleel naworana maga.

²⁷Tea maga wanogoe eu pei Sebulun naworana maga waina eu pei tea veveana, naatam̃oli tivilia latesa go p̃onotia lima.

²⁸Yosef natuna naanoai maga pae naworada maga: Manasseh go Efraim.

²⁹Manasseh natuna naanoai maga: Makir naworana maga: go Makir e pesi Cilead: Cilead naworana maga.

³⁰Cilead natuna naanoai maga: Ieser naworana maga: Helek naworana maga:

³¹Go Asriel naworana maga: go Shekem naworana maga:

³²Go Shemida naworana maga: go Hefer naworana maga:

³³Go Selofehad natu ni Hefer e dika natuna naanoai, ma e peani natuna nagoroi maga: go Selofehad natuna nagoroi maga nagisada maga, Mahlah, go Noah, Hoklah, Milkah, go Tirsah.

³⁴Tea maga wanogoe eu pei Manasseh naworana maga: go tea maga kakada waina eu pei tea veveana eu pei naatam̃oli tivilia lima manu dua go p̃onotia larua.

³⁵Efraim natuna naanoai maga pae naworada maga: Shuthelah naworana maga: Beker naworana maga: Tahan naworana maga.

³⁶Go Shuthelah natuna naanoai maga: Eran naworana maga.

³⁷Tea maga wanogoe eu pei Efraim natuna naanoai maga naworada maga waina eu pei tea veveana, tivilia dolu manu dua go p̃onotia lima. Tea maga wanogoe eu pei Yosef natuna naanoai maga pae naworada maga.

³⁸Benyamin natuna naanoai maga pae naworada maga: Bela naworana maga: Ashbel naworana maga: Ahiram naworana maga:

³⁹Shefufam naworana maga: Hufam naworana maga.

⁴⁰Go Bela natuna naanoai maga, Ard go Naaman: Ard naworana maga: Naaman naworana maga.

⁴¹Tea maga wanogoe eu pei Benyamin natuna naanoai maga pae naworada maga: go tea maga kakada waina eu pei tea veveana eu pei naatam̃oli tivilia pati manu lima go p̃onotia latesa.

⁴²Tea maga wanogoe eu pei Dan natuna naanoai maga pae naworada maga: Shuham naworana maga. Tea maga wanogoe eu pei Dan natuna naanoai maga pae naworada maga.

⁴³Shuham naworana maga mamau puti waina eu pei tea veveana eu pei naatam̃oli tivilia latesa manu pati go p̃onotia pati.

⁴⁴Asher natuna naanoai maga pae naworada maga: Imnah naworana maga: Ishvi naworana maga: Beriah naworana maga.

⁴⁵Beriah natuna naanoai maga: Heber naworana maga: Malkiel naworana maga:

⁴⁶Go Asher natuna nagoroi nagisana Serah.

⁴⁷Tea maga wanogoe eu pei Asher natuna naanoai maga naworada maga waina eu pei tea veveana, naatam̃oli tivilia lima manu dolu go p̃onotia pati.

⁴⁸Naftali natuna naanoai maga pae naworada maga: Yahseel naworana maga:

⁴⁹Cuni naworana maga: Yeser naworana maga: Shillem naworana maga.

⁵⁰Tea maga wanogoe eu pei Naftali naworana maga pae naworada maga: go tea maga wanogoe waina eu pei tea veveana eu pei naatam̃oli tivilia pati manu lima go p̃onotia pati.

⁵¹Tea maga wanogoe eu pei Israel natuna maga waina eu pei tea veveana, naatam̃oli manu p̃onotia latesa go manu sikai p̃onotia larua rualima takuna dolu.

⁵²Go Yehovah e pasa paki Moses, po naga,

⁵³Navanua ega vei tea tap̃otawotaeana naga ega vei tea veanipiolikiana sikai agi tea maga wanogoe pae naveveana ni nagisada maga.

⁵⁴P̃a tua naworawora warua naveanipiolikiana warua, go naworawora kiki naveanipiolikiana kiki: p̃a tua sara naworawora sikasikai naveanipiolikiana adeada, ega vataka ni naveveana adeada.

⁵⁵Ma navanua ega wo pei tea tap̃otawotaeana pae gole: pae nagisa maga ni naworawora ni tamada maga, euga veanipioli.

⁵⁶Naveanipiolikiana adeada ega vei tea tap̃otawotaeana pae gole namawota ni naworawora warua go ni naworawora kiki.

⁵⁷Go tea maga waia eu pei naworawora ni Levi waina eu pei tea veveana pae naworada maga: Cershon naworana maga: Kohath naworana maga: Merari naworana maga.

⁵⁸Tea maga waia eu pei Levi naworaworana maga: nawora ni Libni, nawora ni Hebron, nawora ni Mahli, nawora ni Mushi, nawora ni Korah. Go Kohath e pesi Amram.

⁵⁹Go Amram anagoroi nagisana Yokebed, Levi natuna nagoroi, waina e magi Levi pakilina Ityipt: go e magi Amram dape Aaron go Moses, go goreda Miriam.

⁶⁰Go Nadab go Abihu, Eleasar go Ithamar eu magi Aaron pakilina.

⁶¹Go Nadab ma Abihu ero mate, ragi waina ero pitua ki nakapu vanop̃ota narae ni Yehovah.

⁶²Go tea maga wanogoe waina eu pei tea veveana, naanoai maga mamau puti waina eu pei tea ni atelagi sikai go do liu, eu pei naatam̃oli tivilia dua manu dolu: nalakena nara eu da pei tea veveana sikoti Israel natuna maga mau, nalakena naveanipiolikiana e da pei tea vituakiana paki da sikoti Israel natuna maga mau.

⁶³Tea maga wanogoe Moses go Eleasar tea viri ero peve ra, ragi waina ero peve Israel natuna maga malo matemate maga ni Moab nadigi ni Yordan, m̃aladigi ki Yeriko.

⁶⁴Ma te naata sikai kakada e da pea pei tea veveana pae Moses go Aaron tea viri mau, ragi waina ero peve Israel natuna maga masop̃alo ni Sinai.

⁶⁵Nalakena Yehovah e noa nalo kakada, e naga, Euga wo mate masop̃alo. Go te naata sikai kakada e da pei tea toropusiana e mauri doko mau, ma Kaleb natu ni Yefuneh, go Yoshua natu ni Nun ero sikida.