Read Nguna Togoa Etafe North NUMBERS 29 Bible Online

NUMBERS 29 - Nguna Togoa Etafe North bible

NUMBERS 29

¹Go atelagi kelarua, nakup̃a vea ni atelagi, kuga veani nasososaisaikiana tapu sikai; kuga ta mari te nawosiana kasua seara asa mau: e manimu pei naaleatia sikai waina kuga sui paiga maga asa.

²Go kuga vitua ki navituaana tap̃arakiana sikai tea ni nap̃o wia paki Yehovah; kau anoai vusavusa sikai, shiip anoai sikai, shiip natuna anoai larua ni natau sikai tea mamaau p̃ia:

³Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai, namagovai kerualima dua ega vilake shiip anoai,

⁴Go namagovai kerualima sikai ega vilake shiip natuna larua sikasikai sarasara ra:

⁵Go naninani anoai sikai ega vei navituaana sikai ni namarinaleosaana, naga ega manimu pei natap̃augoroana:

⁶Ega sokari navituaana tap̃arakiana ni atelagi vau, go navituaana ni flaur kakana, go navituaana tap̃arakiana ni sara ragi go navituaana ni flaur kakana, go navituaana takiana kakada maga, ega tapala natawonakiana kakada, ega vei tea ni nap̃o wia, navituaana sikai pae nakapu paki Yehovah.

⁷Go nakup̃a kerualima ni atelagi kelarua wanogoe, kuga veani nasososaisaikiana tapu sikai; go kuga mari naatamu euga rogokitesa ki navaliana; kuga ta mari te nawosiana seara asa mau:

⁸Ma kuga vitua ki navituaana tap̃arakiana sikai paki Yehovah ega vei tea ni nap̃o wia; kau anoai vusavusa sikai, shiip anoai sikai, shiip natuna anoai larua ni natau sikai; euga vei tea mamaau p̃ia:

⁹Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai wanogoe, namagovai kerualima dua ega vilake shiip anoai wanogoe,

¹⁰Go namagovai kerualima sikai ega vilake shiip natuna larua sikasikai sarasara ra:

¹¹Naninani anoai sikai ega vei navituaana sikai ni namarinaleosaana: ega sokari navituaana sikai ni namarinaleosaana ni natap̃augoroana, go navituaana tap̃arakiana ni sara ragi, go navituaana ni flaur kakana, go navituaana takiana kakana maga.

¹²Go nakup̃a kerualima sikai tamate lima ni atelagi kelarua, kuga veani nasososaisaikiana tapu sikai; kuga ta mari te nawosiana kasua seara asa mau, go kuga vavaigoro nasaisaiana tatutakiana sikai paki Yehovah naaleatia ega larua:

¹³Go kuga vitua ki navituaana tap̃arakiana sikai, navituaana sikai pae nakapu, tea ni nap̃o wia paki Yehovah; kau anoai vusavusa rualima sikai tamate dolu, shiip anoai dua, shiip natuna anoai rualima sikai tamate pati tea ni natau sikai; euga vei tea mamaau p̃ia:

¹⁴Go navituaana ni flaur kakada, flaur wia tea sarisariana pilake naroro, namagovai kerualima dolu ega vilake kau anoai rualima sikai tamate dolu wanogoe sikasikai sarasara ra, namagovai kerualima dua ega vilake shiip anoai dua wanogoe sikasikai,

¹⁵Go namagovai kerualima sikai ega vilake shiip natuna rualima sikai tamate pati wanogoe sikasikai sarasara ra:

¹⁶Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.

¹⁷Go nakup̃a kerua kuga vitua ki kau anoai vusavusa rualima sikai tamate dua, shiip anoai dua, shiip natuna rualima sikai tamate pati tea ni natau sikai, tea mamaau p̃ia:

¹⁸Go navituaana ni flaur kakada, go navituaana takiana maga ega vilake kau anoai vusavusa maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

¹⁹Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakada maga.

²⁰Go nakup̃a ketolu kau anoai rualima sikai tamate sikai, shiip anoai dua, shiip natuna anoai rualima sikai tamate pati, tea ni natau sikai tea mamaau p̃ia;

²¹Go navituaana ni flaur kakada go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

²²Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.

²³Go nakup̃a kevati kau anoai rualima sikai, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia:

²⁴Navituaana ni flaur kakada, go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

²⁵Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.

²⁶Go nakup̃a kelima kau anoai loveti, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia:

²⁷Go navituaana ni flaur kakada, go navituaana takiana kakada maga, ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

²⁸Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.

²⁹Go nakup̃a kelatesa kau anoai latolu, shiip anoai dua, shiip natuna anoai rualima sikai tamate pati tea ni natau sikai tea mamaau p̃ia:

³⁰Go navituaana ni flaur kakada, go navituaana takiana kakada, ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

³¹Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana maga.

³²Go nakup̃a kelarua kau anoai larua, shiip anoai dua, shiip natuna anoai rualima sikai tamate pati, tea ni natau sikai tea mamaau p̃ia:

³³Go navituaana ni flaur kakada, go navituaana takiana kakada maga ega vilake kau anoai maga, go shiip anoai maga, go shiip natuna maga, pataka ni naveveana kakada, ega vae natawonakiana kakana:

³⁴Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, navituaana ni flaur kakana, go navituaana takiana kakana.

³⁵Go nakup̃a kelatolu kuga veani nasososaisaikiana tapu sikai: kuga ta mari te nawosiana kasua seara asa mau:

³⁶Ma kuga vitua ki navituaana tap̃arakiana sikai, navituaana sikai pae nakapu, tea ni nap̃o wia paki Yehovah: kau anoai sikai, shiip anoai sikai, shiip natuna anoai larua ni natau sikai, tea mamaau p̃ia:

³⁷Go navituaana ni flaur kakada, go navituaana takiana kakada maga ega vilake kau anoai, go shiip anoai, go shiip natuna maga, pataka ni naveveana kakada, ega vae natawonakiana kakana:

³⁸Go naninani anoai sikai ega vei navituaana sikai ni namarinaleosaana; ega sokari navituaana tap̃arakiana ni sara ragi, go navituaana ni flaur kakana, go navituaana takiana kakana.

³⁹Tea maga wanogoe kuga vitua ki da paki Yehovah nasaisaiana tatutakiana animu maga, euga sokari tea ni nasaiana animu maga, go navituaana suasuakiana animu maga, ni navituaana tap̃arakiana animu maga, go ni navituaana ni flaur animu maga, go ni navituaana takiana animu maga, go ni navituaana animu maga ni natam̃ateana.

⁴⁰Go Moses e noakisai Israel natuna maga asa, pataka ni tea mamau puti waina Yehovah e dip̃aki Moses asa.