Read Nguna Togoa Etafe North NUMBERS 3 Bible Online

NUMBERS 3 - Nguna Togoa Etafe North bible

NUMBERS 3

¹Go tea maga waia eu pei tagona maga ni Aaron go Moses ragi waina Yehovah e pasa paki Moses tava Sinai.

²Go tea maga waia eu pei Aaron natuna maga nagisada maga; Nadab takalapa, go Abihu, Eleasar, go Ithamar.

³Tea maga wanogoe eu pei Aaron natuna maga nagisada maga, eu pei tea viri maga waina eu pei tea vuvuraikiana, waina e dapugoro ra naga euga suasua nawosiana ki tea viri.

⁴Ma Nadab go Abihu ero mate narae ni Yehovah, ragi waina ero pitua ki nakapu vanop̃ota narae ni Yehovah masop̃alo ni Sinai, go ero dika natuda: go Eleasar go Ithamar ero suasua nawosiana ki tea viri narae ni tamada Aaron.

⁵Go Yehovah e pasa paki Moses, po naga,

⁶P̃a viragi naworawora ni Levi umai paki m̃aladigi, po lawo ki da narae ni Aaron tea viri, naga euga maneana suasua.

⁷Go euga vavaigoro natip̃akiana aneana, go natip̃akiana ni nasaisaiana mamau narae ni tap̃aup̃au ni nasaisaiana, naga euga to mari nawosiana ni tap̃aup̃au.

⁸Go euga leo parati ki naleo maga mamau puti ni tap̃aup̃au ni nasaisaiana, po pavaigoro natip̃akiana ni Israel natuna maga, naga euga to mari nawosiana ni tap̃aup̃au.

⁹Go p̃a vitua ki naworawora ni Levi paki Aaron go paki natuna maga: nara euga vei tea aneana m̃elu Israel natuna maga.

¹⁰Go p̃a lawo ki Aaron go natuna maga, go nara euga vavaigoro nawosiana adeada ni navei‐teaviriana: go tea p̃ota sikai e pe umai paki m̃aladigi, e pe wo pei tea toropusiana paki namateana.

¹¹Go Yehovah e pasa paki Moses, po naga,

¹²Go kinau, p̃a leo, kinau a po dum̃agu piragi lua naworawora ni Levi m̃elu dua ki Israel natuna maga oli takalapa maga mamau puti ni Israel natuna maga; go naworawora ni Levi euga vei tea aginau:

¹³Nalakena tea takalapa maga mamau puti eu pei tea aginau; doko naaleatia waina a atugi puti tea takalapa maga ni navanua ni Ityipt, a dum̃agu dapugoro tea takalapa maga mamau puti ni Israel naga euga vei tea aginau, naatam̃oli go nalo tuavati: euga vei tea aginau; kinau a pei Yehovah.

¹⁴Go Yehovah e pasa paki Moses masop̃alo ni Sinai, po naga,

¹⁵P̃a veve Levi natuna maga, ega vae nasum̃a maga ni tamada maga, ega vae naworada maga: sara naanoai waina eu pei tea ni atelagi sikai go do liu, p̃a veve parati ki da.

¹⁶Go Moses e peve ra pataka ni navasaana ki Yehovah, dapala waina e pei tea tip̃akiana asa.

¹⁷Go tea maga waia eu pei Levi natuna naanoai maga pae nagisada maga; Cershon, go Kohath, go Merari.

¹⁸Go tea maga waia eu pei nagisa maga ni Cershon natuna naanoai maga pae naworada maga; Libni go Shimei.

¹⁹Go Kohath natuna naanoai maga pae naworada maga; Amram, go Ishar, Hebron, go Ussiel.

²⁰Go Merari natuna naanoai maga pae naworada maga; Mahli go Mushi. Tea maga wanogoe eu pei Levi natuna maga naworada maga pae nasum̃a maga ni tamada maga.

²¹Nawora ni Libni go nawora ni Shimei eu pei tea ni Cershon natuna maga: tea maga waia eu pei Cershon natuna maga pae naworada maga.

²²Tea maga mamau puti waina eu pei tea veveana, sara naanoai waina eu pei tea ni atelagi sikai go do liu, totowo kakada e pei manu larua p̃onotia lima.

²³Cershon natuna maga naworada maga euga m̃enaki etaku ni nasum̃atokoana doko taleva ni elo musu.

²⁴Go tea maraki ni nasum̃a ni tamada maga ni Cershon natuna maga, ega vei Eliasaf natu ni Lael.

²⁵Go naleoparatikiana ki Cershon natuna maga ekopu ni tap̃aup̃au ni nasaisaiana, ega vei nasum̃atokoana, go Tap̃aup̃au ni Nasaisaiana, go tap̃aup̃au go tap̃aukovagoro kakana, go tea tausiliki agi namata ni tap̃aup̃au ni nasaisaiana,

²⁶Go tea kovagoro maga ni roara, tea tausiliki agi namata ni roara waina e doko dalivirigoro nasum̃atokoana go wede ni naviriana, go viria kakana maga doko sara nasuasuaana kakana maga.

²⁷Go Kohath natuna maga, nawora ni Amram, go nawora ni Ishar, go nawora ni Hebron, go nawora ni Ussiel: tea maga wanogoe eu pei Kohath natuna maga pae naworada maga.

²⁸Tea mamau puti ni naanoai maga waina eu pei tea ni atelagi sikai go do liu eu pei manu latolu p̃onotia latesa waina eu do pavaigoro naleoparatikiana ni tokora tapu.

²⁹Kohath natuna maga naworada maga euga m̃enaki taleva ni nasum̃atokoana waina e paki etua.

³⁰Go tea maraki ni nasum̃a maga ni tamada maga ni Kohath natuna maga naworada maga, ega vei Elisafan natu ni Ussiel.

³¹Go naleoparatikiana adeada ega vei areka, go wede, go nakau ni nasulu, go wede ni naviriana maga, go lasa maga ni tokora tapu waina eu mari nawosiana ni nasuasuaana ara, go tea tausiliki, go sara nasuasuaana kakana maga.

³²Go Eleasar natu ni Aaron tea viri ega vei tea maraki dap̃au tea maraki maga ni naworawora ni Levi, ega leo parati ki dap̃au tea maga waina eu do pavaigoro naleoparatikiana ni tokora tapu.

³³Ni Merari natuna maga, nawora ni Mahli, go nawora ni Mushi: tea maga wanogoe eu pei Merari natuna maga pae naworada maga.

³⁴Go tea maga mamau puti kakada waina eu pei tea veveana, sara naanoai waina eu pei tea ni atelagi sikai go do liu, eu pei manu latesa p̃onotia dua.

³⁵Go tea maraki ni nasum̃a ni tamada maga ni naworawora ni Merari, ega vei Suriel natu ni Abihail: nara euga m̃enaki taleva ni nasum̃atokoana waina e paki ep̃au.

³⁶Go Merari natuna maga euga leo parati ki napapa matolu maga ni nasum̃atokoana, go tea walagoto kakana maga, go tea lawodu kakana maga, go laketano kakana maga, go sara naleo kakana maga mamau puti, go sara naloriki maga doko nasuasuaana kakana;

³⁷Go tea lawodu maga ni roara dalivirigoro e, go laketano kakana maga, go pin kakana maga, go viria kakana maga.

³⁸Go tea maga waina euga m̃enaki kivea ni nasum̃atokoana taleva waina e paki ist, kivea ni tap̃aup̃au ni nasaisaiana taleva waina e leo paki elo sake, euga vei Moses go Aaron natuna maga, euga vavaigoro naleoparatikiana ni nasum̃atokoana, euga magi Israel natuna maga pavaigoro e; go tea p̃ota sikai e pe umai paki m̃aladigi, e pe wo pei tea toropusiana paki namateana.

³⁹Tea mamau puti ni naworawora ni Levi waina eu pei tea veveana, waina Moses go Aaron ero peve ra dapala waina Yehovah e dip̃aki da asa, pae naworada maga, naanoai maga mamau puti waina eu pei tea ni atelagi sikai go do liu, eu pei tivilia dua manu dua.

⁴⁰Go Yehovah e noa ki Moses, e naga, P̃a veve tea takalapa mamau puti ni Israel natuna maga, naanoai maga waina eu pei tea ni atelagi sikai go do liu, go p̃a veve parati ki da ega vae nagisada maga.

⁴¹Go p̃a maginau piragi lua naworawora ni Levi (kinau a pei Yehovah) euga oli tea takalapa mamau puti ni Israel natuna maga; go katel ki naworawora ni Levi euga oli tea takalapa maga ni katel ki Israel natuna maga.

⁴²Go Moses e peve tea takalapa mamau puti ni Israel natuna maga dapala waina Yehovah e dip̃aki nia asa.

⁴³Go tea takalapa mamau puti, naanoai maga, pae naveveana ni nagisada maga, tea maga waina eu pei tea ni atelagi sikai go do liu, eu pei tivilia dua manu dua, p̃onotia dua rualima takuna larua tamate dolu.

⁴⁴Go Yehovah e pasa paki Moses, po naga,

⁴⁵P̃a viragi lua naworawora ni Levi euga oli tea takalapa mamau puti ni Israel natuna maga, go katel ni naworawora ni Levi euga oli katel adeada: go naworawora ni Levi euga vei tea aginau; kinau a pei Yehovah.

⁴⁶Go raki natauluaana ni tea takalapa p̃onotia dua rualima takuna larua tamate dolu ni Israel natuna maga, waina eu laapa do liu naworawora ni Levi,

⁴⁷P̃a tape shekel ega lima sikasikai sarasara ra; ega takiusi shekel ni tokora tapu, p̃a tape ra (shekel wanogoe e pei cerah rualima dua):

⁴⁸Go m̃ane wanogoe waina ega taulua tea laapa do liu wanogoe, p̃a tua Aaron go natuna maga asa.

⁴⁹Go Moses e dape m̃ane ni natauluaana wanogoe ki tea maga waina eu laapa do liu tea maga waina naworawora ni Levi eu daulua ra:

⁵⁰E dape lua m̃ane wanogoe ki tea takalapa maga ni Israel natuna maga; e pei shekel manu sikai p̃onotia dolu rualima takuna latesa tamate lima, dakiusi shekel ni tokora tapu:

⁵¹Go Moses e dua Aaron go natuna maga m̃ane ni natauluaana wanogoe, pataka ni navasaana ki Yehovah, dapala waina Yehovah e dip̃aki Moses asa.