Read Nguna Togoa Etafe North NUMBERS 33 Bible Online

NUMBERS 33 - Nguna Togoa Etafe North bible

NUMBERS 33

¹Tea maga waia eu pei nasurataana maga ni Israel natuna maga, ragi waina eu m̃elu dua ki navanua ni Ityipt pae taua adeada maga, doko etano ki nam̃elearu ni Moses go ni Aaron.

²Go pae natip̃akiana ki Yehovah, Moses e midiri natavepano‐ana adeada, pataka ni nasurataana adeada maga sikasikai: go tea maga waia eu pei nasurataana adeada maga pae natave‐pano‐ana adeada maga sikasikai.

³Go atelagi vea, nakup̃a kerualima sikai tamate lima ni atelagi wanogoe, eu m̃elu dua ki Rameses po surata pano; go matamai ki nia, ragi waina navakalauana e nopu, Israel natuna maga eu m̃elu pano ki nam̃elearu sikeana sikai narae ni namata ni naka ni Ityipt mamau puti,

⁴Ragi waina naka ni Ityipt eu do ova ki tea takalapa adeada maga, waina Yehovah e atugi ra m̃aleoputo kakada: go Yehovah e moro mari navasap̃otaeana paki sup̃e adeada maga.

⁵Go Israel natuna maga eu doropusi Rameses po surata pano, po m̃enaki doko Sukkoth.

⁶Go eu doropusi Sukkoth po surata pano, po m̃enaki doko Etham, waina e doko nadigi ni masop̃alo.

⁷Go eu doropusi Etham po surata pano, po moro maradoa paki Pi‐hahiroth, waina e doko leana dip̃a Baal‐sefon paki elo sake: go eu m̃enaki doko leana dip̃a Miktol.

⁸Go eu doropusi Hahiroth po surata pano, po duagoto m̃aleoputo ni natasi paki masop̃alo pano: go eu surata nasurataana ni naaleatia dolu masop̃alo ni Etham doko Marah.

⁹Go eu doropusi Marah po surata pano, po umai paki Elim: go namata noai rualima sikai tamate dua eu doko Elim, go nakau paama rualima larua; go eu m̃enaki tokora wanogoe.

¹⁰Go eu doropusi Elim po surata pano, po m̃enaki doko nadigi ni Natasi ni Nam̃om̃o.

¹¹Go eu doropusi Natasi ni Nam̃om̃o po surata pano, po m̃enaki doko masop̃alo ni Sin.

¹²Go eu doropusi masop̃alo ni Sin po surata pano, po m̃enaki doko Dofkah.

¹³Go eu doropusi Dofkah po surata pano, po m̃enaki doko Alush.

¹⁴Go eu doropusi Alush po surata pano, po m̃enaki doko Refidim, go tokora wanogoe noai waina narei euga munugi a e dika.

¹⁵Go eu doropusi Refidim po surata pano, po m̃enaki doko masop̃alo ni Sinai.

¹⁶Go eu doropusi masop̃alo ni Sinai po surata pano, po m̃enaki doko Kibroth‐hattaavah.

¹⁷Go eu doropusi Kibroth‐hattaavah po surata pano, po m̃enaki doko Haseroth.

¹⁸Go eu doropusi Haseroth po surata pano, po m̃enaki doko Rithmah.

¹⁹Go eu doropusi Rithmah po surata pano, po m̃enaki doko Rimmon peres.

²⁰Go eu doropusi Rimmon peres po surata pano, po m̃enaki doko Libnah.

²¹Go eu doropusi Libnah po surata pano, po m̃enaki doko Rissah.

²²Go eu doropusi Rissah po surata pano, po m̃enaki doko Kehelathah.

²³Go eu doropusi Kehelathah po surata pano, po m̃enaki doko tava Shefer.

²⁴Go eu doropusi tava Shefer po surata pano, po m̃enaki doko Haradah.

²⁵Go eu doropusi Haradah po surata pano, po m̃enaki doko Makheloth.

²⁶Go eu doropusi Makheloth po surata pano, po m̃enaki doko Tahath.

²⁷Go eu doropusi Tahath po surata pano, po m̃enaki doko Terah.

²⁸Go eu doropusi Terah po surata pano, po m̃enaki doko Mithkah.

²⁹Go eu doropusi Mithkah po surata pano, po m̃enaki doko Hashmonah.

³⁰Go eu doropusi Hashmonah po surata pano, po m̃enaki doko Moseroth.

³¹Go eu doropusi Moseroth po surata pano, po m̃enaki doko Bene‐yaakan.

³²Go eu doropusi Bene‐yaakan po surata pano, po m̃enaki doko Hor‐hakkitkad.

³³Go eu doropusi Hor‐hakkitkad po surata pano, po m̃enaki doko Yotbathah.

³⁴Go eu doropusi Yotbathah po surata pano, po m̃enaki doko Abronah.

³⁵Go eu doropusi Abronah po surata pano, po m̃enaki doko Esion‐ceber.

³⁶Go eu doropusi Esion‐ceber po surata pano, po m̃enaki doko masop̃alo ni Sin (e pei Kadesh nogo).

³⁷Go eu doropusi Kadesh po surata pano, po m̃enaki doko tava Hor, nadigi ni navanua ni Edom.

³⁸Go Aaron tea viri e sake paki tava Hor pae natip̃akiana ki Yehovah, po mate tokora wanogoe, natau kerualima pati edaku ki ragi waina Israel natuna maga eu m̃elu dua ki navanua ni Ityipt umai, atelagi kelima, nakup̃a vea ni atelagi wanogoe.

³⁹Go Aaron e pei tea ni natau p̃onotia sikai rualima takuna dua tamate dolu ragi waina e mate tava Hor.

⁴⁰Go naatam̃oli ni Kanaan, nawota ni Arad, waina e doko taleva ni Sauth ni navanua ni Kanaan, e dogo narogorogoana nalo ni naumaiana ni Israel natuna maga.

⁴¹Go eu doropusi tava Hor po surata pano, po m̃enaki doko Salmonah.

⁴²Go eu doropusi Salmonah po surata pano, po m̃enaki doko Punon.

⁴³Go eu doropusi Punon po surata pano, po m̃enaki doko Oboth.

⁴⁴Go eu doropusi Oboth po surata pano, po m̃enaki doko Iye‐abarim, waina e doko kokoi ni Moab.

⁴⁵Go eu doropusi Iyim po surata pano, po m̃enaki doko Dibon‐cad.

⁴⁶Go eu doropusi Dibon‐cad po surata pano, po m̃enaki doko Almon‐diblathaim.

⁴⁷Go eu doropusi Almon‐diblathaim po surata pano, po m̃enaki doko tava maga ni Abarim, leana dip̃a Nebo.

⁴⁸Go eu doropusi tava maga ni Abarim po surata pano, po m̃enaki doko malo matemate maga ni Moab, nadigi ni Yordan, leana dip̃a Yeriko.

⁴⁹Go eu m̃enaki doko nadigi ni Yordan, malo matemate maga ni Moab, pae Beth‐yeshimoth pa pa liliu Abelshittim.

⁵⁰Go Yehovah e pasa paki Moses malo matemate maga ni Moab nadigi ni Yordan leana dip̃a Yeriko, po naga,

⁵¹P̃a vasa paki Israel natuna maga, po noa ki da, p̃a naga, Ragi waina kuga tuagoto Yordan po paki navanua ni Kanaan pano,

⁵²Kuga kopasi lua naatatoko maga mamau puti ni navanua pa dua ki naraemu pano, po mari puoli ki vatu tae‐midimidiriana adeada maga, po mari puoli ki nasup̃e takiana adeada maga, po dakai tokora vakilagi adeada maga:

⁵³Go kuga veani navanua, po doko asa doko: nalakena a dua mu navanua wanogoe naga ega vei tea veanipiolikiana animu.

⁵⁴Go kuga tap̃otawotae navanua pae gole naga ega vei tea veanipiolikiana animu pae naworaworamu maga; kuga tua naworawora warua tea veanipiolikiana warua, go kuga tua naworawora kiki tea veanipiolikiana kiki: dapala waina gole ega magi naata sikai dowo, dapala nogoe ega vei aneana; kuga veani pioli ki tea animu ega vae naworawora ni tamamu maga.

⁵⁵Ma ku pe karai kopasi lua naatatoko maga ni navanua pa dua ki naraemu; tea kakada maga waina ku pe suasua ki da naga euga ko doko, eu pe wo dakiusi tea vivitip̃a maga namatamu maga, go dakiusi tea makalikali maga nap̃irikiamu maga, go eu pe wo diesoki mu navanua waina kuga wo doko asa doko.

⁵⁶Go ega wo pakilina naga dapala waina a midoa ki nia naga aga mari a paki da, dapala nogoe aga wo moro mari a paki mu.