Read Nguna Togoa Etafe North NUMBERS 7 Bible Online

NUMBERS 7 - Nguna Togoa Etafe North bible

NUMBERS 7

¹Go e pakilina ragi waina Moses e sike lawo ki nasum̃atokoana, po puvurai ki nia po dapugoro e, go sara naleo kakana maga, go wede ni naviriana go lasa kakana maga mamau puti, po puvurai ki da po dapugoro ra, go e nopu, e pakilina naaleatia wanogoe;

²Naga tea maraki maga ni Israel, nap̃au maga ni nasum̃a maga ni tamada maga eu mari naviriana; nara eu pei tea maraki maga ni naworawora maga, eu pei tea maraki dap̃au tea maga waina eu pei tea veveana:

³Go eu dape naviriana ni navinaga adeada umai paki narae ni Yehovah, wakon latesa waina eu pei tea tapugoroana, go oks rualima sikai tamate dua; wakon sikasikai agi tea maraki duarua, go oks sikasikai sarasara ra: go eu dape ra umai paki narae ni nasum̃atokoana.

⁴Go Yehovah e pasa paki Moses, po naga,

⁵P̃a tape a kiada, naga euga vei tea ni nawosiana ni nasuasuaana ni tap̃aup̃au ni nasaisaiana; go p̃a vitua ki da paki naworawora ni Levi, sara naata sikasikai pataka ni nasuasuaana adeada.

⁶Go Moses e dape wakon maga go oks maga wanogoe, po pitua ki da paki naworawora ni Levi.

⁷E dua Cershon natuna maga wakon dua go oks pati, pataka ni nasuasuaana adeada:

⁸Go e dua Merari natuna maga wakon pati go oks latolu, pataka ni nasuasuaana adeada, doko etano ni nam̃elearu ni Ithamar natu ni Aaron tea viri.

⁹Ma e da dua Kohath natuna maga te navatuna mau: nalakena nasuasuaana ni tokora tapu e pei tea adeada; nara eu dapetape a napauda maga.

¹⁰Go tea maraki maga eu mari naviriana ni naveakotokotomauana ni wede ni naviriana naaleatia waina e pei tea vuvuraikiana asa, go tea maraki maga wanogoe eu mari naviriana ni navinaga narae ni wede ni naviriana.

¹¹Go Yehovah e noa ki Moses, e naga, Euga mari naviriana ni navinaga adeada sara tea maraki sikasikai naaleatia adeada, naga ega vei tea ni naveakotokotomauana ni wede ni naviriana.

¹²Go naata waina e mari naviriana ni navinaga aneana naaleatia vea kakana, e pei Nahshon natu ni Amminadab, tea ni naworawora ni Yudah:

¹³Go naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, go boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro naga ega vei navituaana sikai ni flaur;

¹⁴Spun sikai ni kold ni shekel rualima sikai, waina e pura ki tea ni nap̃o wia;

¹⁵Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

¹⁶Tea anoai sikai ni naninani maga naga ega vei navituaana sikai ni namarinaleosaana;

¹⁷Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana ni natam̃ateana: tea wanogoe e pei naviriana ni navinaga ki Nahshon natu ni Amminadab.

¹⁸Naaleatia kerua kakana Nethanel natu ni Suar, tea maraki ni Issakar, e mari naviriana aneana:

¹⁹Go naviriana ni navinaga aneana waina e pitua ki nia, e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro naga ega vei navituaana sikai ni flaur;

²⁰Spun ni kold sikai ni shekel rualima sikai, waina e pura ki tea ni nap̃o wia;

²¹Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

²²Tea anoai sikai ni naninani maga naga ega vei navituaana sikai ni namarinaleosaana;

²³Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana ni natam̃ateana; tea wanogoe e pei naviriana ni navinaga ki Nethanel natu ni Suar.

²⁴Naaleatia ketolu kakana e pei Eliab natu ni Helon, tea maraki ni Sebulun natuna maga:

²⁵Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro naga ega vei navituaana sikai ni flaur;

²⁶Spun sikai ni kold ni shekel rualima sikai, waina e pura ki tea ni nap̃o wia;

²⁷Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

²⁸Tea anoai sikai ni naninani maga naga ega vei navituaana sikai ni namarinaleosaana;

²⁹Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Eliab natu ni Helon.

³⁰Naaleatia kevati kakana e pei Elisur natu ni Shedeur, tea maraki ni Reuben natuna maga:

³¹Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro naga ega vei navituaana sikai ni flaur;

³²Spun sikai ni kold ni shekel rualima sikai, waina e pura ki tea ni nap̃o wia;

³³Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

³⁴Tea anoai sikai ni naninani maga naga ega vei navituaana sikai ni namarinaleosaana;

³⁵Go oks dua, shiip anoai lima, naninani anoai lima, shiip natuna anoai ni natau sikai elima naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Elisur natu ni Shedeur.

³⁶Naaleatia kelima kakana e pei Shelumiel natu ni Surishaddai, tea maraki ni Simeon natuna maga:

³⁷Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro naga ega vei navituaana sikai ni flaur;

³⁸Spun ni kold sikai ni shekel rualima sikai, waina e pura ki tea ni nap̃o wia;

³⁹Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁴⁰Tea anoai sikai ni naninani maga naga ega vei navituaana sikai ni namarinaleosaana;

⁴¹Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Shelumiel natu ni Surishaddai.

⁴²Naaleatia kelatesa kakana e pei Eliasaf natu ni Deuel, tea maraki ni Cad natuna maga:

⁴³Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁴⁴Spun sikai ni kold ni shekel rualima sikai, waina e pura ki tea ni nap̃o wia;

⁴⁵Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁴⁶Tea anoai sikai ni naninani maga, naga ega vei navituaana sikai ni namarinaleosaana;

⁴⁷Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Eliasaf natu ni Deuel.

⁴⁸Naaleatia kelarua kakana e pei Elishama natu ni Ammihud, tea maraki ni Efraim natuna maga:

⁴⁹Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁵⁰Spun sikai ni kold ni shekel rualima sikai, waina e pura ki tea ni nap̃o wia;

⁵¹Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁵²Tea anoai sikai ni naninani maga naga ega vei navituaana sikai ni namarinaleosaana;

⁵³Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Elishama natu ni Ammihud.

⁵⁴Naaleatia kelatolu e pei Camaliel natu ni Pedahsur, tea maraki ni Manasseh natuna maga:

⁵⁵Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁵⁶Spun sikai ni kold ni shekel rualima sikai, waina e pura ki tea ni nap̃o wia;

⁵⁷Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁵⁸Tea anoai sikai ni naninani maga naga ega vei navituaana sikai ni namarinaleosaana;

⁵⁹Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Camaliel natu ni Pedahsur.

⁶⁰Naaleatia keloveti kakana e pei Abidan natu ni Cideoni, tea maraki ni Benyamin natuna maga:

⁶¹Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁶²Spun sikai ni kold ni shekel rualima sikai, waina e pura ki tea ni nap̃o wia;

⁶³Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁶⁴Tea anoai sikai ni naninani maga naga ega vei navituaana sikai ni namarinaleosaana;

⁶⁵Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Abidan natu ni Cideoni.

⁶⁶Naaleatia kerualima e pei Ahieser natu ni Ammishaddai, tea maraki ni Dan natuna maga:

⁶⁷Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁶⁸Spun sikai ni kold ni shekel rualima sikai, waina e pura ki tea ni nap̃o wia;

⁶⁹Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁷⁰Tea anoai sikai ni naninani maga naga ega vei navituaana sikai ni namarinaleosaana;

⁷¹Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaaan maga ni natam̃ateana: tea wanogoe e pei naviriana ni navinaga ki Ahieser natu ni Ammishaddai.

⁷²Naaleatia kerualima sikai tamate sikai e pei Pakiel natu ni Okran, tea maraki ni Asher natuna maga:

⁷³Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁷⁴Spun sikai ni kold ni shekel rualima sikai, waina e pura ki tea ni nap̃o wia;

⁷⁵Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁷⁶Tea anoai sikai ni naninani maga, naga ega vei navituaana sikai ni namarinaleosaana;

⁷⁷Go oks dua, shiip anoai lima, naninani anoai lima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Pakiel natu ni Okran.

⁷⁸Naaleatia kerualima sikai tamate dua e pei Ahira natu ni Enan, tea maraki ni Naftali natuna maga:

⁷⁹Naviriana ni navinaga aneana e pei siloa warua sikai ni silver, narowogiana kakana e pei shekel p̃onotia sikai rualima takuna dolu, boul sikai ni silver ni shekel rualima larua, dakiusi shekel ni tokora tapu; ero dua puti pura ki flaur wia tea sarisariana pilake naroro, naga ega vei navituaana sikai ni flaur;

⁸⁰Spun sikai ni kold ni shekel rualima sikai, waina e pura ki tea ni nap̃o wia;

⁸¹Kau natuna anoai vusavusa sikai, shiip anoai sikai, shiip natuna anoai sikai ni natau sikai, naga ega vei navituaana tap̃arakiana sikai;

⁸²Tea anoai sikai ni naninani maga naga ega vei navituaana sikai ni namarinaleosaana;

⁸³Go oks dua, shiip anoai lima, naninani anoai elima, shiip natuna anoai ni natau sikai elima, naga ega vei naviriana ni navituaana maga ni natam̃ateana: tea wanogoe e pei naviriana ni navinaga ki Ahira natu ni Enan.

⁸⁴Tea waia e pei naveakotokotomauana ni wede ni naviriana, naaleatia waina e pei tea vuvuraikiana asa, waina tea maraki maga ni Israel eu mari a: siloa warua maga ni silver rualima sikai tamate dua, boul ni silver rualima sikai tamate dua, spun ni kold rualima sikai tamate dua:

⁸⁵Siloa warua maga ni silver narowogiana kakana e pei shekel p̃onotia sikai rualima takuna dolu sikasikai sarasara ra, go boul maga rualima larua sikasikai sarasara ra: silver mamau puti ni lasa maga wanogoe e pei shekel manu dua p̃onotia pati, dakiusi shekel ni tokora tapu;

⁸⁶Spun maga ni kold, waina eu pura ki tea ni nap̃o wia, narowogiana kakada e pei shekel rualima sikai sikasikai sarasara ra, dakiusi shekel ni tokora tapu: kold mamau puti ni spun maga e pei shekel p̃onotia sikai rualima takuna dua:

⁸⁷Oks maga mamau puti raki navituaana tap̃arakiana, rualima sikai tamate dua, shiip anoai rualima sikai tamate dua, shiip natuna anoai maga ni natau sikai, rualima sikai tamate dua, go navituaana ni flaur kakada: go tea anoai maga ni naninani maga raki navituaana sikai ni namarinaleosaana, rualima sikai tamate dua:

⁸⁸Go oks maga mamau puti raki naviriana ni navituaana maga ni natam̃ateana, rualima dua tamate pati, shiip anoai rualima latesa, naninani anoai rualima latesa, shiip natuna anoai ni natau sikai, rualima latesa. Tea wanogoe e pei naveakotokotomauana ni wede ni naviriana, ragi waina e pei tea vuvuraikiana sua.

⁸⁹Go ragi waina Moses e paki ekopu ni tap̃aup̃au ni nasaisaiana naga ega vasa pusum̃aki paki Yehovah, e dogo Nadaleo waina e pasa paki nia pae elagi ni tea tap̃augoro waina e doko areka ni nanoasokisokiana, pae namawota ni kerub dua: go e pasa paki nia.