Read Nguna Togoa Etafe North SEKARIAH 13 Bible Online

SEKARIAH 13 - Nguna Togoa Etafe North bible

SEKARIAH 13

¹Naaleatia wanogoe namata noai putaputa sikai ega wo magi nasum̃a ki David go naatam̃oli maga ni Yerusalem pakilina, raki namaripakasakiana ni namarinaleosaana go naloaana.

²Go ega wo pakilina naaleatia wanogoe, Yehovah ki taua maga e noa e, naga aga wo kasi lua nagisa ni idolo maga pa dua ki navanua, go euga wo da moro pei tea midoaki‐parati‐kiana mau: go aga wo moro mari profeta maga go naatana sa euga wo mamau pano puoli pa dua ki navanua.

³Go ega wo pakilina, ragi waina naatam̃oli sikai e pe wo moro peanoasai, go tamana go p̃ilana waina ero pesi a, eroga wo noa ki nia naga, P̃a wo da mauri mau; nalakena ku do pasa nasorosoroana maga pae nagisa ni Yehovah: go tamana go p̃ilana waina ero pesi a, eroga wo puri duru asa ragi waina ega mari naveanoasaiana.

⁴Go ega wo pakilina naaleatia wanogoe, naga profeta maga euga sikasikai maliere nalo ni navunusiana aneana waina e punusi a, ragi waina e do peanoasai; go euga wo da suni sugoro kovagoro ni nam̃au naga ega vei namarisoreana mau:

⁵Ma ega wo naga, Kinau a da pei profeta mau, kinau a pei tea kili natano; nalakena a pei tea mariana naga a pei naviti pae ragi ni naveinatureai‐ana aginau.

⁶Go naata sikai ega wo noa ki nia, ega wo naga, Wotu maga waia waina eu doko namawota ni narum̃a eu pei nasava? Go ega wo pasadara, po naga, Eu pei tea maga waina a pei tea atugiana asa nasum̃a ki tagu ri maga.

⁷P̃a tarapa lova O, dip̃a tea leo parati ki aginau, go dip̃a naatam̃oli waina e pei tagu ri sikai, Yehovah ki taua maga e noa e: p̃a atugi tea leo parati ki, go shiip euga wo pei tea taperaverakiana; go aga wo doa nam̃elearugu dip̃a tea vusavusa maga.

⁸Go ega wo pakilina doko navanua mamau, Yehovah e noa e, naga namagovai dua eroga wo pei tea taeluaana po mate; ma namagovai ketolu ega wo pei tea toropusiana ega toko.

⁹Go aga wo maridogo namagovai ketolu ki nakapu vavaga, po mari dautau ki da, dakiusi waina silver e pei tea mari‐dautau‐kiana, po maridogo ra dakiusi waina kold e pei tea maridogoana: go euga wo soso nagisagu, go aga wo dogo ra: aga wo naga, E pei narei aginau; go nara euga wo naga, Yehovah e pei Sup̃e aginau.