Read Nguna Togoa Etafe North MALAKAI 4 Bible Online

MALAKAI 4 - Nguna Togoa Etafe North bible

MALAKAI 4

¹Nalakena kuga leo, naaleatia ega umai, ega soro dakiusi upu ni nakapu; go tea vei p̃op̃ovakilagi maga mamau puti, go tea maga mamau puti waina eu do mari nasigisigileoana euga wo pei nap̃olagana: go naaleatia wanogoe ega wo dap̃ara ki da, go te nakoa kite te ara ega wo da madeada pei tea toropusiana ega toko mau, Yehovah ki taua maga e noa e.

²Ma elo ni namarinaleoleanaana ega wo magi tea maga waina eu matau ki nagisagu sake pilake namaripauriana ni nalivaruna maga; go kuga wo dave pano, po katakata dapala kau natuna maga ni kelu.

³Go kuga wo pasisoki tea sigisigileo maga; go nara euga wo pei natanoapu etano ni nam̃ele natuamu maga naaleatia waina aga wosiwosi asa, Yehovah ki taua maga e noa e.

⁴Kuga midoaki parati ki nawotaeana ki Moses tea suasua aginau, natawonakiana maga go navasap̃otaeana maga, waina a dip̃aki nia asa Horeb raki Israel mamau.

⁵Kuga leo, aga wo manimu dip̃aki lua profeta Eliyah ega va punusi mu pea ki na‐umai‐ana ni naaleatia warua go mataukiana ki Yehovah.

⁶Go nae ega wo puadoa nap̃op̃o ni tamada maga paki natuda maga, go nap̃op̃o ni natuda maga paki tamada maga; mase a pe umai po parati navanua ki namarisakiana sikai.