Read Nguna Togoa Etafe North MATAIO 1 Bible Online

MATAIO 1 - Nguna Togoa Etafe North bible

MATAIO 1

¹Tusi ni navakilinaana ki Yesu Kristo, natu ni David, natu ni Abraham.

²Abraham e pesi Isaak; go Isaak e pesi Yakob; go Yakob e pesi Yudah go taina maga;

³go Yudah e pesi Peres go Serah ki Tamar; go Peres e pesi Hesron; go Hesron e pesi Ram;

⁴go Ram e pesi Amminadab; go Amminadab e pesi Nahshon; go Nahshon e pesi Salmon; go Salmon e pesi Boas ki Rahab;

⁵go Boas e pesi Obed ki Ruth; go Obed e pesi Yesse;

⁶go Yesse e pesi David nawota. Go David e pesi Solomon ki Uriah anagoroi; go Solomon e pesi Rehoboam;

⁷go Rehoboam e pesi Abiyah;

⁸go Abiyah e pesi Asa; go Asa e pesi Yehoshafat; go Yehoshafat e pesi Yoram; go Yoram e pesi Ussiah;

⁹go Ussiah e pesi Yotham; go Yotham e pesi Ahas; go Ahas e pesi Hesekiah; go Hesekiah e pesi Manasseh;

¹⁰go Manasseh e pesi Amon; go Amon e pesi Yosiah;

¹¹go Yosiah e pesi Yekoniah go taina maga, ragi ni naviragiluaana paki Babelon.

¹²Go ragi edaku ki naviragiluaana paki Babelon, Yekoniah e pesi Shealtiel; go Shealtiel e pesi Serubbabel;

¹³go Serubbabel e pesi Abiud; go Abiud e pesi Eliakim; go Eliakim e pesi Asor;

¹⁴go Asor e pesi Sadok; go Sadok e pesi Akim; go Akim e pesi Eliud;

¹⁵go Eliud e pesi Eleasar; go Eleasar e pesi Matthan; go Matthan e pesi Yakob;

¹⁶go Yakob e pesi Yosef Maria anawota, go Maria Yesu e pakilina m̃elu asa, waina e pei tea sosoana ki Kristo.

¹⁷Dapala nogoe tagona maga mamau puti pae Abraham pa pa paki David eu pei tagona rualima sikai tamate pati; go pae David pa pa paki naviragiluaana paki Babelon tagona rualima sikai tamate pati; go pae naviragiluaana paki Babelon pa pa paki Kristo tagona rualima sikai tamate pati.

¹⁸Go navakilinaana ki Yesu Kristo e dapala waia; Ragi waina p̃ilana Maria e magi Yosef pei tea vasasokiana sua, ragi waina ero ko da saisai mau e pei tea vap̃aiana e magi Naatana Tapu diena.

¹⁹Go anawota Yosef, waina e pei tea leana sikai, po da masauna mau naga ega mari a ega vei tea vasap̃otaeana lina, e midoa ki nia naga ega tip̃aki lua panako e.

²⁰Ma ragi waina e do midoa ki tea maga wanogoe, kuga leo, agelo sikai ki Yehovah e pakilina ki nia nap̃erea sikai, po naga, Yosef, natu ni David, p̃a ta mataku piragi Maria am̃agoroi mau: nalakena tea waina e diena ki nia e pei tea ni Naatana Tapu.

²¹Go ega wo dape natuna naanoai sikai; go p̃a wo salagisana ki YESU; nalakena nae ega wo mauti pauri narei aneana m̃elu dua ki namarinaleosaana adeada maga.

²²Go tea mamau wanogoe e pakilina, naga tea waina Yehovah e noa e pae profeta ega lolomana, e naga,

²³Kuga leo, nagoroi atara ega wo diena, go ega wo dape natuna naanoai sikai, Go euga wo soso nagisana ki Emmanuel; Waina e pei tea vasadoaana e pei Sup̃e sikoti gida.

²⁴Go Yosef e duleana m̃elu dua ki namaturuana aneana, po mari dapala waina agelo ki Yehovah e dip̃a ki nia asa, po piragi anagoroi;

²⁵go e da atae a mau pa pa e dape sua natuna naanoai sikai: go e salagisana ki YESU.