Read Nguna Togoa Etafe North DEUTERONOMY 34 Bible Online

DEUTERONOMY 34 - Nguna Togoa Etafe North bible

DEUTERONOMY 34

¹Go Moses e pae malo matemate maga ni Moab sake pano paki tava Nebo, paki nam̃asua ni Piskah, waina e doko kivea ki Yeriko. Go Yehovah e pisei ki nia navanua mamau ni Cilead, pa pa paki Dan;

²Go Naftali mamau, go navanua ni Efraim go ni Manasseh, go navanua mamau ni Yudah, pa pa paki natasi elo musu;

³Go Sauth, go Malo Matemate ni nap̃aloa ni Yeriko, natokoana ni nakau paama, pa pa paki Soar.

⁴Go Yehovah e noa ki nia, e naga, Tea wanogoe e pei navanua waina a pivisa asa paki Abraham, go paki Isaak, go paki Yakob, doko do naga, Aga wo dua naworaworam̃a asa: A mari ko ku punusi a ki namatam̃a, ma p̃a wo da duagoto paki asa pano mau.

⁵Go Moses, tea suasua ki Yehovah, e mate tokora wanogoe, navanua ni Moab, dapala navasaana ki Yehovah.

⁶Go e pei tea ovakiana nap̃aloa ni navanua ni Moab kivea ki Beth‐peor: ma te naata sikai e da atae namatigona mau pa pa paki masoso.

⁷Go Moses e peani natau p̃onotia sikai rualima takuna dua ragi waina e mate: go namatana e da kesa mau, go nakasuaana ni nap̃atokona e da pakitano mau.

⁸Go Israel natuna maga eu dagisi Moses naaleatia rualima dolu malo matemate maga ni Moab: go naaleatia maga ni natagisiana ni Moses eu nopu.

⁹Go Yoshua, natu ni Nun, e pura ki naata ni namanumatuaana; nalakena Moses e pusake nam̃elearuna maga asa: go Israel natuna maga eu dogo parati ki nia, po mari dapala waina Yehovah e dip̃aki Moses asa.

¹⁰Go te profeta sikai dakiusi Moses e da moro pakilina Israel mau, waina Yehovah e atae a naraena paki naraena;

¹¹Sara navaivaiana, go tea ni namagaana maga, waina Yehovah e dip̃aki nia asa naga ega mari ra navanua ni Ityipt paki Faraoh, go paki tea suasua aneana maga mamau puti go paki navanua mamau aneana;

¹²Go nam̃elearu kasua mamau, go tea mataukiana warua mamau puti waina Moses e mari a namata ni Israel mamau.