Read Nguna Togoa Etafe North PAKI TEA NI KORINTHO 12 Bible Online

PAKI TEA NI KORINTHO 12 - Nguna Togoa Etafe North bible

PAKI TEA NI KORINTHO 12

¹E one au one naga aga vakavakae, ma a da marim̃ataki mau; ma aga wo umai paki navunusiana maga go nanoapakasakiana maga ki Nawota.

²A atae naatam̃oli sikai waina e doko Kristo pea ki natau rualima sikai tamate pati waina eu pano (e pe toko nap̃atokona, a da atae a mau; kite e pe toko etaku ni nap̃atokona, a da atae a mau; Sup̃e e atae a), tea tapala nogoe sikai e pei tea vualuaana pa pa paki nakoroatelagi ketolu.

³Go a atae naatam̃oli tapala nogoe sikai (e pe doko nap̃atokona, kite e pe toko masale ki nap̃atokona, a da atae a mau;

⁴Sup̃e e atae a), naga waina e pei tea vualuaana paki Paradeiso pano, po dogo navasaana maga waina eu mari sa pei tea noaana, waina e da pei tea suasuakiana mau paki te naatam̃oli sikai naga ega vasa ara.

⁵Aga wo pakavakae nalo ni tea tapala nogoe: ma aga wo da pakavakae nalo kakagu mau, ma nalo ni namanainaiana aginau maga aga wo pakavakae.

⁶Nalakena a pe masauna naga aga vakavakae, a pe wo da pei tea manumatavusa mau; nalakena a pe wo noa nalomauana: ma a dum̃agu dugoro au asa, naga te naata sikai ega ta midoaki nau pakilagi liu tea waina e punusi au, kite waina e dogo e kiagu mau.

⁷Go naga nap̃op̃ogu ega ta pakilagi p̃arua mau ki nawarualiuana ni nanoapakasakiana maga, natip̃a sikai doko nap̃okasigu e pei tea vituakiana paki nau, agelo sikai ki Satan naga ega tip̃a au, naga nap̃op̃ogu ega ta pakilagi p̃arua mau.

⁸Nalo ni tea wanogoe a pavarani Nawota paka tolu, naga ega m̃elu dua ki nau pano.

⁹Go e noa ki nau, Nasaup̃iaana aginau e patakam̃a: nalakena nakasuaana aginau e pei tea mariana e matua doko namanainaiana. Nalakena tea wanogoe a laelaea p̃arua liu naga aga vakavakae nalo ni namanainaiana aginau maga, naga nakasuaana ki Kristo ega kovagoro au.

¹⁰Nalakena tea wanogoe a midoaki m̃ata ki namanainaiana maga, ki namarisakiana maga, ki namaridieana maga, ki nakopaleleana maga, ki nariesokipulutiana maga, nalakena Kristo: nalakena ragi waina a manainai, ragi wanogoe a kasua.

¹¹A po pei tea manumatavusa: nimu ku maridie au; nalakena e one au one naga aga vei tea vasap̃iakinoaana pae mu: nalakena a da edaku te navatuna ki tea warua liu ni apostolo maga, waina a da pei te navatuna mau.

¹²Navaivaiana maga ki apostolo eu pei tea mariana lomau m̃aleoputo kakamu doko sara nasokiana, ki navaivaiana maga go ki tea ni namagaana maga go ki namariana kasua maga.

¹³Nalakena nasava e doko waina ku pei tea mariana ku sa liu ekalesia p̃ota maga asa, e pe ta pei naga kinau a da pei tea madaga one mu mau? Kuga maginau midoakikorokoro namarinaleotageleana wanogoe.

¹⁴Kuga leo, a marim̃ata sua naga aga valoti punusi mu sala ketolu waia; go aga wo da pei tea madaga one mu mau: nalakena a da laaga te navatuna animu sikai mau, ma a laaga mu: nalakena e da one natu maga one mau naga euga magi tea matua adeada maga doropusi dauaki, ma e one tea matua maga naga euga magi natuda maga mari a.

¹⁵Go kinau aga wo laelaea p̃arua naga aga magi naatamu sori po pei tea soriana nopu. A pe dodomi p̃aruwarua ki mu, a pe vei tea dodomiana kiki asa kite?

¹⁶Ma ega tapala nogoe, kinau a da pei tea madaga one mu mau; ma, ku pe noa naga, a pei tea marimanumatua po puati mu ki nasorosoroana.

¹⁷A m̃aukarolua mau pae te naata sikai ni tea maga waina a dip̃aki lua ra paloti punusi mu kite?

¹⁸A pavarani Tito, go a dip̃aki lua taigida e sikoti a paloti. Tito e m̃aukarolua mu te navatuna kite? Aro da surata pae Naatana sikai maau kite? Aro da surata pae naatum̃eleana maga sikai maau kite?

¹⁹Ku midoaki nia pae tuai naga au do dum̃agami maginami pasa korokoro gami paki mu. Au do pasa narae ni Sup̃e doko Kristo. Ma naleo maga mamau puti, tea dodomiana maga, eu magi natavagi‐mu‐ana doko.

²⁰Nalakena a mataku, mase ragi waina aga valoti a pe vap̃ai mu ku da dapala waina a masauna mau, go kinau a pe vei tea vap̃aiana pae mu dapala waina ku da masauna mau; mase navileana, naroitoiana, namaritausuana maga, namariputuakiana maga, navasapinoakiana maga, navasadalakolakoana maga, naveip̃op̃ovukaana maga, navariana maga eu pe toko;

²¹mase ragi waina aga moro paloti, Sup̃e aginau e pe mari au a pe vakitano naraemu, go a pe susue tea laapa ni tea maga waina eu pea mari naleo sa, po da midoaki doa mau nalo ni naloaana go namaripeleana go namasausauana waina eu mari a.