Read Nguna Togoa Etafe North PAKI TEA NI KORINTHO 3 Bible Online

PAKI TEA NI KORINTHO 3 - Nguna Togoa Etafe North bible

PAKI TEA NI KORINTHO 3

¹Au atulake naga auga moro dum̃agami pasap̃iakinoa gami? Kite au dapala waina auga masau, dapala te naata seara, epistole maga ni navasap̃iakinoaana paki mu kite m̃elu mu kite?

²Nimu ku pei epistole aginami; tea midiriana doko nap̃op̃ogami maga, tea ataeana go tea veveana pae naatam̃oli maga mamau puti;

³tea mariana ku doko lina naga ku pei epistole sikai ki Kristo, tea suasuakiana pae gami, tea midiriana ki tea waina e da pei noai loa mau, ma ki Naata ni Sup̃e mauri; e da doko tea welewelea maga ni vatu mau, ma e doko tea welewelea maga waina eu pei nap̃op̃o maga ni nap̃okasi.

⁴Go au peani navavatuana dapala nogoe pae Kristo paki Sup̃e:

⁵au da noa naga au dum̃agami pataka ni waina auga midoaki te navatuna dapala e pe m̃elu gami mau; ma navatakaana aginami e m̃elu Sup̃e;

⁶waina ma e mari gami au pataka ni waina auga vei tea suasua maga ni navasasokiana vau; au da pei tea suasua maga ni namidiriana mau, ma au pei tea suasua maga ni Naatana; nalakena namidiriana e mari punue, ma Naatana e pakamauri.

⁷Ma nasuasuaana ni namateana, waina e pei tea midiriana, go e pei tea taemidiriana doko vatu maga, e pe vilake nasamasamaana umai, dapala waina Israel natuna maga eu mari sa leosoki narae ni Moses nalakena natawarawaraana ni naraena; waina e do pei tea maripuolikiana;

⁸nasuasuaana ni Naatana ega wo da pilake nasamasamaana waina e p̃arua liu sa kite?

⁹Nalakena nasuasuaana ni natip̃akotoviana e pe vei nasamasamaana, nasuasuaana ni namarinaleoleanaana e pei tea ni nasamasamaana warua liu.

¹⁰Go nalakena tea waina e pei tea mariana e pei tea ni nasamasamaana e da pei tea ni nasamasamaana mau nalo ni tea waia, nalakena nasamasamaana waina e p̃arua liu sa.

¹¹Nalakena tea waina e pei tea maripuolikiana e pe vae nasamasamaana, tea waina e pei tea toko e doko nasamasamaana warua liu.

¹²Nalakena tea wanogoe go waina au peani naleogoroana tapala nogoe, au do mari navasapiviariana warua, go au da dapala Moses mau,

¹³waina e doropusi tea taugoro‐rae sikai doko naraena, naga Israel natuna maga euga ta leosoki paki ragi edaku kaka ni tea waina e do pei tea maripuolikiana:

¹⁴ma namidodoana adeada maga eu pei tea mariana eu kasua: nalakena tea taugoro‐rae sikai maau wanogoe e doko pa pa paki naaleatia ni masoso ragi ni naveveana ni navasasokiana tuai, e da pei tea tapeluaana mau, nalakena e pei tea maripuolikiana doko Kristo.

¹⁵Ma ragi waina Moses e pei tea veveana, tea taugoro‐rae e one nap̃op̃oda pa pa paki masoso.

¹⁶Ma te ragi waina e pe maradoa paki Nawota, tea taugoro‐rae e pe wo pei tea tapeluaana.

¹⁷Ma Nawota e pei Naatana: go tokora waina Naata ni Nawota e doko asa, naveresiana e doko asa.

¹⁸Ma nigida maga mamau puti, waina naraegida e pei tea maripakasakiana, tu do ditiro ki nasamasamaana ki Nawota, po pei tea maridoaana tu panop̃ota paki nunu sikai maau pae nasamasamaana paki nasamasamaana, dapala tu m̃elu Nawota waina e pei Naatana.