Read Nguna Togoa Etafe North PAKI TEA NI KORINTHO 5 Bible Online

PAKI TEA NI KORINTHO 5 - Nguna Togoa Etafe North bible

PAKI TEA NI KORINTHO 5

¹Nalakena au atae naga nasum̃a ni tap̃aup̃au aginami ni maramana e pe vei tea rakaiana, au pe veani nasum̃a tavagiana sikai waina e m̃elu Sup̃e, nasum̃a sikai waina e da pei tea mariana ki nam̃elearu maga mau, waina e du mau du, doko nakoroatelagi.

²Nalakena lomau au do gi doko tea waia, au do masau p̃arua ki naga auga vei tea sugorokovagoroana ki natokoana aginami waina e m̃elu nakoroatelagi:

³nalakena au pe vei tea sugoroana au pe ta pei tea vap̃aiana au pei tea m̃alam̃ala mau.

⁴Nalakena lomau kinami waina au doko tap̃aup̃au waia au do gi, nalakena au pei tea sokiana pakitano ki tea madaga; au da masauna nalakena tea wanogoe naga auga sawo lua e mau, ma au masauna naga auga vei tea sugorokovagoroana, naga tea waina e mate atae ega vei tea tinomiana pae namauriana.

⁵Ma tea waina e mari m̃ataki gami raki tea wanogoe e pei Sup̃e, waina e dua gami nanadisokiana ni Naatana.

⁶Nalakena tea wanogoe au do marasike sara ragi, go au atae naga, ragi waina au doko kiagami ni nap̃atokogami, au puoli ki kiagami

⁷sikoti Nawota (nalakena au surata pae nasaralomauana, au da surata pae tea vunusiana mau);

⁸ma au marasike, go au suasua naga auga va dua ki kiagami ni nap̃atokogami, go naga auga va doko kiagami sikoti Nawota.

⁹Go nalakena tea wanogoe au do maridutuaki naga, au pe toko kiagami kite au pe vuoli ki nia, auga vei tea midoakim̃atakiana aneana.

¹⁰Nalakena e one gida maga mamau puti one naga tuga vei tea mariana tuga toko lina narae ni malo tasake ni navasap̃otaeana ki Kristo; naga sara naata euga sikasikai dape naleo maga waina eu pei tea mariana pae nap̃atokoda, ega vae tea maga waina eu mari ra, e pe vei tea wia kite tea sa.

¹¹Nalakena tea wanogoe go waina au atae namatau‐ki‐Nawota‐ana, au do pasa die naatam̃oli maga, ma au pei tea mariana au doko lina ki Sup̃e; go a pavatu naga au pei tea mariana au doko lina natum̃amuatae‐ana.

¹²Au da moro dum̃agami pasap̃iakinoa gami paki mu mau, ma au pasa dapala au dua mu tea ni navakavakacana nalo kakagami, naga kuga veani a dip̃a tea maga waina eu pakavakae tea ni naraeda, go eu da pakavakae tea ni nap̃op̃oda mau.

¹³Nalakena au pe daratara, e magi Sup̃e; kite au pe midodoa p̃ia, e manimu.

¹⁴Nalakena nadodomiana ki Kristo e do die disua ki gami; nalakena au midoaki p̃otae dapala waia, naga sikai e mate oli tea maga mamau puti, nalakena tea wanogoe tea maga mamau puti eu mate;

¹⁵go e mate oli tea maga mamau puti, naga tea maga waina eu mauri euga ta moro dum̃ada madeada mauri mau, ma euga magi tea waina e mate oli ra po moro duleana mauri.

¹⁶Nalakena tea wanogoe au da atae pae ragi waia pa pa te naata pae nap̃okasi mau: go au pe atae sua Kristo pae nap̃okasi, ma ragi waia au da moro atae a dapala nogoe mau.

¹⁷Nalakena tea wanogoe te naata e pe toko Kristo e pei tea tawonakiana vau: naleo tuai maga eu pano puoli, kuga leo, eu po pei tea vau.

¹⁸Ma naleo maga mamau puti eu m̃elu Sup̃e, waina e mari gida tu pei p̃op̃o wia paki nia pae Kristo, po dua gami nasuasuaana ni namarip̃op̃owiaana;

¹⁹nalakena Sup̃e doko Kristo e do mari maramana eu pei p̃op̃o wia paki nia, e da midoaki dip̃a ra natapiriana adeada maga mau, go e doropusi doko gami navasaana ni namarip̃op̃owiaana.

²⁰Nalakena tea wanogoe au pei tea tautauana maga oli Kristo, dapala Sup̃e e do pasa parati ki mu pae gami, au pavarani mu oli Kristo, kuga vei p̃op̃o wia paki Sup̃e.

²¹E mari tea waina e da atae te namarinaleosaana mau, e pei namarinaleosaana oli gida, naga nigida tuga vei namarinaleoleanaana ki Sup̃e doko asa.