Read Nguna Togoa Etafe North PAKI TEA NE EFESO 3 Bible Online

PAKI TEA NE EFESO 3 - Nguna Togoa Etafe North bible

PAKI TEA NE EFESO 3

¹Nalakena tea wanogoe kinau Paulo, waina a manimu tea ni nalauna p̃ota maga pei tea soliana ki Yesu Kristo,

²―ku pe rogo lomau ki naleoparatikiana ni nasaup̃iaana ki Sup̃e waina e pei tea vituakiana paki nau raki mu;

³naga p̃aia e pei tea mariana e pei tea ataeana paki nau pae nanoapakasakiana, dapala waina a pea midiri a ki navasaana vuru,

⁴waina ragi waina kuga veve a kuga wo mari atae pae asa midoakipunusi namidoakiataeana aginau doko p̃aia ni Kristo;

⁵waina e da pei tea mariana e pei tea ataeana paki naatam̃oli natuda maga tagona p̃ota maga mau, dapala waina e pei tea noapakasakiana ragi waia paki apostolo tautau aneana maga go profeta maga pae Naatana;

⁶naga tea ni nalauna p̃ota maga eu pei tea mamau peani, go tea mamau pei tea ni nap̃atokona, go tea mamau pei tea veanip̃otae nasaiana doko Kristo Yesu pae narogorogoana wia,

⁷waina a pei tea mariana a pei tea suasua sikai kakana, pae navituam̃olikiana ni nasaup̃iaana ki Sup̃e waina e pei tea vituakiana paki nau pae nawosiwosiana ni nakasuaana aneana.

⁸Nasaup̃iaana wanogoe e pei tea vituakiana paki nau, waina a kiki liu tea kiki sa ni tea tautau maga mamau puti, naga aga rogorogo paki tea ni nalauna p̃ota maga nasogolapaana usisap̃oana ki Kristo;

⁹go naga aga mari tea maga mamau puti euga vunusi naleoparatikiana ni p̃aia e pei nasava waina e pei tea tasurukiana pae tuai maga pa pa doko Sup̃e waina e dawona ki naleo maga mamau puti;

¹⁰naga namanumatuaana visarasara ki Sup̃e ega vei tea mariana ega vei tea ataeana ragi waia pae ekalesia paki tea maraki maga go tea kasua maga tokora maga ni nakoroatelagi,

¹¹pae namidoakisokiana waina e du mau du waina e mari a doko Kristo Yesu Nawota anigida:

¹²waina tu peani naviviariana asa go navaki‐m̃aladigiana doko navavatuana pae nasaralomau‐asa‐ana.

¹³Nalakena tea wanogoe a pavarani mu naga kuga ta pei tea p̃op̃otoro mau nalo ni nariesoki‐au‐ana maga manimu, waina eu pei nasamasamaana animu.

¹⁴Nalakena tea wanogoe a ditip̃atua paki Tamagida,

¹⁵waina sara naworawora waina eu doko nakoroatelagi go waina eu doko maramana eu pei tea salagisana m̃elu asa,

¹⁶naga ega tua mu, ega vae nasogolapaana ni nasamasamaana aneana, naga kuga vei tea mariana kuga tagaragara ki nakasuaana pae Naatana aneana paki naatam̃oli ni nap̃alaumu;

¹⁷naga Kristo ega toko nap̃op̃omu doko pae nasaralomauana; naga, ragi waina kuga vei tea koakoa go tea laketanokiana doko nadodomiana,

¹⁸kuga kasua naga kuga midoaki atae sikoti tea tautau maga mamau puti naweleweleana e pei nasava go navarauana go navakilagiana go navakipuaana,

¹⁹go naga kuga atae nadodomiana ki Kristo waina e p̃arua liu naataeana, naga kuga vei tea vakavuroana pa pa paki navakavuroana mamau ki Sup̃e.

²⁰Ma agi tea waina e mari atae mari p̃arua liu naleo maga mamau puti p̃arua liu tea maga waina tu datago ara kite waina tu midoa ki da, pae nakasuana waina e do p̃osiwosi nap̃alaugida,

²¹nasamasamaana ega vei aneana doko ekalesia go doko Kristo Yesu pa pa paki tagona maga mamau puti pa pa ega tu du po du mau du. Amen.