Read Nguna Togoa Etafe North 1 PAKI TEA NI THESSALONIKA 5 Bible Online

1 PAKI TEA NI THESSALONIKA 5 - Nguna Togoa Etafe North bible

1 PAKI TEA NI THESSALONIKA 5

¹Ma nalo ni ragi maga go sala maga, tai maga, ku da pei sap̃o mau naga te navatuna ega vei tea midiriana paki mu.

²Nalakena ku dum̃amu atae m̃ata ki nia naga naaleatia ki Nawota ega wo umai dapala waina tea vanako sikai e umai p̃ogi.

³Ragi waina euga wo do naga, Natam̃ateana go natokop̃iaana, ragi wanogoe namarisakiana m̃araverave ega wo pakilina ki da, dakiusi waina navitinuana ni navisolaana e pakilina ki nagoroi waina e diena; go euga wo da sava pano mau.

⁴Ma nimu, tai maga, ku da doko namaligo mau, naga naaleatia wanogoe ega va paratiki mu dapala tea vanako sikai.

⁵Nalakena nimu mamau puti ku pei namarama natuna maga, go aleati natuna maga: tu da pei tea ni p̃ogi mau, go tu da pei tea ni namaligo mau;

⁶nalakena tea wanogoe tuga ta maturu mau, dapala tea p̃ota maga, ma tuga to leleogoro po midodoa p̃ia.

⁷Nalakena tea maga waina eu maturu eu maturu p̃ogi; go tea maga waina eu matamaloku eu matamaloku p̃ogi.

⁸Ma nigida, waina tu pei tea ni aleati, tuga to midodoa p̃ia, doko suni sua kororum̃a ni nasaralomauana go ni nadodomiana; go kalup̃au ni vatu, naleogoroana ni namautipauriana.

⁹Nalakena Sup̃e e da dawona ki gida paki namaetoana mau, ma e dawona ki gida paki nataluaana ni namautipauriana pae Nawota anigida Yesu Kristo,

¹⁰waina e mate oli gida, naga, tu pe leleogoro kite tu pe maturu, tu pe mamau mauri sikoti a.

¹¹Nalakena tea wanogoe kuga tum̃amu pasapakavakale mu, go kuga tum̃amu davagi mu sikai ega tavagi sikai, ega takiusi waina ku do mari a.

¹²Ma au pavarani mu, tai maga, naga kuga atae tea maga waina eu do p̃osiwosi‐mawosa m̃aleoputo kakamu, po do lawodu naraemu doko Nawota, po do dapavanau mu;

¹³go naga kuga midoa ki da naga eu p̃ia p̃arua ki nadodomiana nalakena nawosiana adeada. Kuga tam̃ate dum̃amu paki mu.

¹⁴Ma au pasa paratiki mu, tai maga, kuga tapavanau tea noginogi maga, kuga vasapakavakale tea p̃op̃otoro maga, kuga silae tea manainai maga, kuga vei maritasoki‐parau paki tea maga mamau puti.

¹⁵Kuga vunusi naga te naata ega ta lagati dua te naata tea sa dip̃a tea sa mau; ma sara ragi kuga sava dausi tea waina e p̃ia, dum̃amu paki mu, go paki tea maga mamau puti.

¹⁶Kuga laelaea sara ragi;

¹⁷kuga tapasavasa ega ta makoto mau;

¹⁸kuga vasadodom̃ata ki nalo ni sara naleo: nalakena tea wanogoe e pei namasauana ki Sup̃e doko Kristo Yesu paki mu.

¹⁹Kuga ta pue punue Naatana mau;

²⁰kuga ta midoa ki p̃alo ki naveanoasaiana maga mau;

²¹kuga mari dogo naleo maga mamau puti; kuga tape soki tea waina e p̃ia;

²²kuga tum̃amu mauti mu ki sara namarinaleosaana visarasara.

²³Go Sup̃e ni natam̃ateana nae ega maridautau ki mu usuraki; go naatamu go namauriana animu go nap̃atokomu euga vei tea vavaigoroana euga vei tea mamau, euga ta pei tea vasadip̃aana mau ragi ni naumaiana ki Nawota anigida Yesu Kristo.

²⁴Tea waina e soso mu e pei lomau, go nae ega wo mari a.

²⁵Tai maga, kuga maginami dapasavasa.

²⁶Kuga vasadodomi taigida maga mamau puti ki natum̃iliana tautau sikai.

²⁷A maripivisa ki mu pae Nawota naga epistole waia ega vei tea veveana paki taigida maga mamau puti.

²⁸Nasaup̃iaana ki Nawota anigida Yesu Kristo ega sikoti mu.