Read Nguna Togoa Etafe North YOSHUA 16 Bible Online

YOSHUA 16 - Nguna Togoa Etafe North bible

YOSHUA 16

¹Go gole agi Yosef natuna maga e dave pano pae Yordan pisari Yeriko, paki noai maga ni Yeriko taleva ni elo sake, pisari masop̃alo, po sake pae Yeriko duaduru navanua ni tava paki Beth‐el.

²Go e dave pano pae Beth‐el paki Lus, po pano paki kokoi ki naka ni Arik paki Ataroth;

³Go e siwo paki taleva ni elo musu paki kokoi ki naworawora ni Yaflet, pa pa paki kokoi ni Beth‐horon ni etano, go pa pa paki Ceser: go tokora waina e liliu asa e dip̃a natasi.

⁴Go Yosef natuna dua, Manasseh go Efraim, ero dape tea veani‐pioli‐kiana adeada.

⁵Go kokoi ki Efraim natuna maga pae naworada maga e pei tea waia: kokoi ni tea veani‐pioli‐kiana adeada paki taleva ni elo sake e pei Ataroth‐addar, pa pa paki Beth‐horon ni elagi;

⁶Go kokoi e dave pano paki taleva ni elo musu pisari Mikmetat taleva ni north; go kokoi e maradoa paki taleva ni elo sake paki Taanathshiloh, po pano pae asa paki taleva ni elo sake ni Yanoah;

⁷Go e pae Yanoah siwo paki Ataroth, go paki Naarah, po pa dip̃a Yeriko, po liliu Yordan.

⁸Kokoi e pae Tappuah po pano paki taleva ni elo musu paki noaisara ni Kanah; go tokora waina e liliu asa e dip̃a natasi. Tea wanogoe e pei tea veani‐pioli‐kiana ki naworawora ni Efraim natuna maga pae naworada maga;

⁹Go natokoana maga waina eu magi Efraim natuna maga pei tea wotaelua‐ana m̃aleoputo ni tea veani‐pioli‐kiana ki Manasseh natuna maga, natokoana mamau puti go natokoana kiki kakada maga.

¹⁰Go eu da kopasi lua naworawora ni Kanaan waina eu doko Ceser doko mau: ma naworawora ni Kanaan eu doko m̃aleoputo ni Efraim doko pa pa paki naaleatia waia, po pei tea suasua maga naga euga vitua ki nawosiana ni nasautoga.