Read Nguna Togoa Etafe North YOSHUA 19 Bible Online

YOSHUA 19 - Nguna Togoa Etafe North bible

YOSHUA 19

¹Go gole kerua e magi Simeon dave umai, agi naworawora ni Simeon natuna maga pae naworada maga: go tea veani‐pioli‐kiana adeada e doko m̃aleoputo ni tea veani‐pioli‐kiana ki Yudah natuna maga.

²Go eu peani doko tea veani‐pioli‐kiana adeada, Beer‐sheba, kite Sheba, go Moladah;

³Go Hasar‐shual, go Balah, go Esem;

⁴Go Eltolad, go Bethul, go Hormah;

⁵Go Siklak, go Bethmarakaboth, go Hasar‐susa;

⁶Go Bethlebaoth, go Saruhen; natokoana rualima sikai tamate dolu go natokoana kiki kakada maga:

⁷Ain, Rimmon, go Eter, go Ashan; natokoana pati go natokoana kiki kakada maga:

⁸Go natokoana kiki mamau puti waina eu doko dalivirigoro natokoana maga wanogoe pa pa paki Baalathbeer, Ramah ni Sauth. Tea wanogoe e pei tea veani‐pioli‐kiana ki naworawora ni Simeon natuna maga pae naworada maga.

⁹Tea veani‐pioli‐kiana ki Simeon natuna maga e m̃elu dua ki matele rowogiana ki Yudah natuna maga: nalakena matele ki Yudah natuna maga e p̃arua liu ra: go Simeon natuna maga eu dape tea veani‐pioli‐kiana m̃aleoputo ni tea veani‐pioli‐kiana adeada.

¹⁰Go gole ketolu e magi Sebulun natuna maga sake umai pae naworada maga: go kokoi ni tea veani‐pioli‐kiana adeada e doko pa pa paki Sarid:

¹¹Go kokoi adeada e sake paki taleva ni elo musu, paki Maralah, po pa dip̃a Dabbeset; go e pa dip̃a noaisara waina e one narae ni Yokneam;

¹²Go e maradoa pae Sarid paki taleva ni elo sake paki kokoi ni Kisloth‐tabor; go e dave pano paki Daberath, po sake paki Yafia;

¹³Go e pae tokora wanogoe po pano paki taleva ni elo sake paki Cathhefer, paki Et‐kasin; go e liliu Rimmon waina e pei tea midiridawona‐kiana paki Neah;

¹⁴Go kokoi e maradoa dalivirigoro e taleva ni north paki Hannaton: go tokora waina e liliu asa e dip̃a nap̃aloa ni Iftah‐el;

¹⁵Go Kattath, go Nahalal, go Shimron, go Idalah, go Bethlehem: natokoana rualima sikai tamate dua go natokoana kiki kakada maga.

¹⁶Tea wanogoe e pei tea veani‐pioli‐kiana ki Sebulun natuna maga pae naworada maga, natokoana maga wanogoe go natokoana kiki kakada maga.

¹⁷Gole kevati e magi Issakar dave umai, agi Issakar natuna maga pae naworada maga.

¹⁸Go kokoi adeada e doko paki Yesreel, go Kesullot, go Shunem;

¹⁹Go Hafaraim, go Shion, go Anaharat;

²⁰Go Rabbit, go Kishion, go Ebes;

²¹Go Remet, go En‐kannim, go En‐haddah, go Beth‐passes;

²²Go kokoi e pa dip̃a Tabor, go Sahasuma, go Beth‐shemesh; go tokora waina kokoi adeada e liliu asa e dip̃a Yordan: natokoana rualima sikai tamate latesa go natokoana kiki kakada maga.

²³Tea wanogoe e pei tea veani‐pioli‐kiana ki naworawora ni Issakar natuna maga pae naworada maga, natokoana maga go natokoana kiki kakada maga.

²⁴Go gole kelima e magi naworawora ni Asher natuna maga dave umai pae naworada maga.

²⁵Go kokoi adeada e pei Helkat, go Hali, go Beten, go Aksaf;

²⁶Go Allamelek, go Amad, go Misal; go e pa dip̃a Karmel paki taleva ni elo musu, go Sihor‐libnat;

²⁷Go e maradoa paki elo sake paki Beth‐dakon po pa dip̃a Sebulun, go nap̃aloa ni Ifta‐el paki north paki Beth‐emek, go Neiel; go e pano duaduru paki Kabul taleva ni mawiri,

²⁸Go Ebron, go Rehob, go Hammon, go Kanah, pa pa paki Sidon warua;

²⁹Go kokoi e maradoa paki Ramah go pa pa paki natokoana ni p̃aaka ni Tair; go kokoi e maradoa paki Hosah; go tokora waina e liliu asa e dip̃a natasi pae Hebel paki Aksib:

³⁰Go Ummah, go Afek, go Rehob: natokoana rualima dua tamate dua go natokoana kiki kakada maga.

³¹Tea wanogoe e pei tea veani‐pioli‐kiana ki naworawora ni Asher natuna maga pae naworada maga, natokoana maga wanogoe go natokoana kiki kakada maga.

³²Go gole kelatesa e magi Naftali natuna maga dave umai, magi Naftali natuna maga pae naworada maga.

³³Go kokoi adeada e doko pae Helef, pae oak ni Saananim, go Adaminekeb, go Yabneel, pa pa paki Lakkum; go tokora waina e liliu asa e dip̃a Yordan;

³⁴Go kokoi e maradoa paki taleva ni elo musu paki Asnoth‐tabor, po pae tokora wanogoe pano duaduru paki Hukkok; go e pa dip̃a Sebulun taleva ni sauth, po pa dip̃a Asher taleva ni elo musu, go Yudah taleva ni Yordan paki elo sake.

³⁵Go natokoana ni p̃aaka maga eu pei Siddim, Ser, go Hammat, Rakkat, go Kinnereth;

³⁶Go Adamah, go Ramah, go Hasor;

³⁷Go Kedesh, go Edrei, go En‐hasor;

³⁸Go Airon, go Mikdal‐el, Horem, go Beth‐anath, go Beth‐shemesh; natokoana rualima sikai tamate loveti go natokoana kiki kakada maga.

³⁹Tea wanogoe e pei tea veani‐pioli‐kiana ki naworawora ni Naftali natuna maga pae naworada maga, natokoana maga go natokoana kiki kakada maga.

⁴⁰Gole kelarua e magi naworawora ni Dan natuna maga dave umai pae naworada maga.

⁴¹Go kokoi ni tea veani‐pioli‐kiana adeada e pei Sorah, go Eshtaol, go Ir‐semes;

⁴²Go Saalabin, go Aiyalon, go Itla;

⁴³Go Elon, go Timna, go Ekron;

⁴⁴Go Elteke, go Cibbethon, go Baalath;

⁴⁵Go Yehud, go Bene‐berak, go Cath‐rimmon;

⁴⁶Go Me‐yarkon, go Rakkon, pilake kokoi kivea ki Yoppa.

⁴⁷Go kokoi ki Dan natuna maga e dave pano paki uvea ki da: go Dan natuna maga eu sake pano po mari navakalo paki Lesem, po puati a, po atugi a ki nawoka ni lova, po peani a, po doko asa doko, po soso Lesem ki Dan, pae nagisa ni tamada Dan.

⁴⁸Tea wanogoe e pei tea veani‐pioli‐kiana ki naworawora ni Dan natuna maga pae naworada maga, natokoana maga wanogoe go natokoana kiki kakada maga.

⁴⁹Go eu dap̃otawotae sua navanua naga ega vei tea veani‐pioli‐kiana pae kokoi kakana maga; go Israel natuna maga eu pitua ki tea veani‐pioli‐kiana sikai paki Yoshua natu ni Nun, m̃aleoputo kakada:

⁵⁰Eu dua e pae natip̃akiana ki Yehovah natokoana waina e datago asa, Timnathserah ni navanua ni tava ki Efraim: go e davagi natokoana wanogoe, po doko asa doko.

⁵¹Tea maga wanogoe eu pei tea veani‐pioli‐kiana maga, waina Eleasar tea viri, go Yoshua natu ni Nun, go nap̃au ni tea matua maga ni naworawora maga ni Israel natuna maga eu dap̃otawotae ra naga euga vei tea veani‐pioli‐kiana pae gole Shiloh narae ni Yehovah, pisari namata ni tap̃aup̃au ni nasaisaiana. Go eu dap̃otawotae sua navanua.