Read Nguna Togoa Etafe North YOSHUA 20 Bible Online

YOSHUA 20 - Nguna Togoa Etafe North bible

YOSHUA 20

¹Go Yehovah e pasa paki Yoshua, po naga,

²P̃a vasa paki Israel natuna maga, po naga, Kuga tum̃amu manimu pitua ki natokoana maga ni nasavasiliana, waina a pasa paki mu ara pae nam̃elearu ni Moses:

³Naga tea maripunue waina e atugi te naata ragi waina e da masauna mau po da midoa ki nia mau ega sava paki asa: go euga wo manimu pei tokora ni nasavasiliana pa dua ki tea siko nada.

⁴Go ega sava paki natokoana maga wanogoe sikai kakada, go ega lawodu pisari namasova ni namata‐pua ni natokoana, po pasa navasaana aneana maga nadaliga maga ni tea matua maga ni natokoana wanogoe; go euga viragi a paki natokoana wanogoe punusi ra, po dua e tokora sikai, naga ega toko sikoti ra doko.

⁵Go tea siko nada e pe sava dausi a, euga ta pitua ki tea maripunue paki nam̃elearuna mau; nalakena e atugi tea ni m̃aladigi ki nia po da midoa ki nia mau, go nae e da pilosi a sala vea mau.

⁶Go ega toko natokoana wanogoe doko pa pa ega wo lawodu narae ni navata raki navasap̃otaeana, pa pa paki namateana ki tea viri warua liu waina ega wo doko naaleatia maga wanogoe; ragi wanogoe tea maripunue ega liliu po umai paki natokoana aneana, po paki nasum̃a aneana, paki natokoana waina e sava m̃elu dua ki nia pano.

⁷Go eu dapugoro Kedesh ni Calilea ni navanua ni tava ki Naftali, go Shekem ni navanua ni tava ki Efraim, go Kiriath‐arba (nae e pei Hebron) ni navanua ni tava ki Yudah.

⁸Go taleva kerua ni Yordan pisari Yeriko paki taleva ni elo sake, eu pitua ki Beser ni masop̃alo ni malo matemate m̃elu dua ki naworawora ni Reuben, go Ramoth ni Cilead, m̃elu dua ki naworawora ni Cad, go Colan ni Bashan, m̃elu dua ki naworawora ni Manasseh.

⁹Tea maga wanogoe eu pei natokoana noap̃otaeana maga agi Israel natuna maga mamau puti, go agi nam̃enaki waina e m̃enaki atatoko m̃aleoputo kakada, naga te naata e pe maripunue te naata ragi waina e da masauna mau ega sava paki asa, go ega ta mate pae nam̃elearu ni tea siko nada mau, pa pa ega lawodu narae ni navata.