Read Nguna Togoa Etafe North YOSHUA 21 Bible Online

YOSHUA 21 - Nguna Togoa Etafe North bible

YOSHUA 21

¹Go nap̃au ni tamada maga ni naworawora ni Levi eu rumai paki m̃aladigi ki Eleasar tea viri, go ki Yoshua natu ni Nun, go ki nap̃au ni tamada maga ni naworawora maga ni Israel natuna maga:

²Go eu pasa paki da Shiloh ni navanua ni Kanaan, eu naga, Yehovah e pitip̃aki pae nam̃elearu ni Moses naga euga tua gami natokoana maga naga auga toko ara doko, go napega kakada maga agi katel aginami maga.

³Go Israel natuna maga eu dua naworawora ni Levi m̃elu dua ki tea veani‐pioli‐kiana adeada, pae natip̃akiana ki Yehovah, natokoana maga waia go napega kakada maga.

⁴Go gole e magi nawora maga ni naworawora ni Kohath dave umai: go Aaron tea viri natuna maga, waina eu pei tea ni naworawora ni Levi, eu peani pae gole m̃elu dua ki naworawora ni Yudah, go m̃elu dua ki naworawora ni Simeon, go m̃elu dua ki naworawora ni Benyamin, natokoana rualima sikai tamate dolu.

⁵Go Kohath natuna p̃ota maga eu peani pae gole m̃elu dua ki nawora maga ni naworawora ni Efraim, go m̃elu dua ki naworawora ni Dan, go m̃elu dua ki namagovai ni naworawora ni Manasseh, natokoana rualima sikai.

⁶Go Cershon natuna maga eu peani pae gole m̃elu dua ki nawora maga ni naworawora ni Issakar, go m̃elu dua ki naworawora ni Asher, go m̃elu dua ki naworawora ni Naftali, go m̃elu dua ki namagovai ni naworawora ni Manasseh doko Bashan, natokoana rualima sikai tamate dolu.

⁷Merari natuna maga pae naworada maga eu peani m̃elu dua ki naworawora ni Reuben, go m̃elu dua ki naworawora ni Cad, go m̃elu dua ki naworawora ni Sebulun, natokoana rualima sikai tamate dua.

⁸Go Israel natuna maga eu dua naworawora ni Levi pae gole natokoana maga wanogoe go napega kakada maga, dapala waina Yehovah e pitip̃aki asa, pae nam̃elearu ni Moses.

⁹Go eu pitua m̃elu dua ki naworawora ni Yudah natuna maga, go m̃elu dua ki naworawora ni Simeon natuna maga, ki natokoana maga waia waina eu pei tea sosoana pae nagisada:

¹⁰Go eu pei agi Aaron natuna maga, ni nawora maga ni naworawora ni Kohath, waina eu pei Levi natuna maga seara kakada: nalakena gole vea e pei adeada.

¹¹Go eu dua ra Kiriath‐arba, Arba wanogoe e pei tama ni Anak, (nae e pei Hebron), ni navanua ni tava ki Yudah, go napega kakana maga dalivirigoro e.

¹²Ma vanua maga ni natokoana, go natokoana kiki kakana maga, eu dua Kaleb natu ni Yefuneh ara naga euga vei tea veaniana aneana.

¹³Go paki tea viri Aaron natuna maga eu pitua ki Hebron go napega kakana maga, natokoana ni nasavasiliana agi tea maripunue, go Libnah go napega kakana maga.

¹⁴Go Yattir go napega kakana maga, go Eshtemoa go napega kakana maga;

¹⁵Go Holon go napega kakana maga, go Debir go napega kakana maga;

¹⁶Go Ain go napega kakana maga, go Yuttah go napega kakana maga, go Beth‐shemesh go napega kakana maga; natokoana loveti m̃elu dua ki naworawora dua wanogoe.

¹⁷Go m̃elu dua ki naworawora ni Benyamin Cibeon go napega kakana maga, Ceba go napega kakana maga;

¹⁸Anathoth go napega kakana maga, go Almon go napega kakana maga; natokoana pati.

¹⁹Natokoana mamau puti ki Aaron natuna maga, tea viri maga, eu pei natokoana rualima sikai tamate dolu go napega kakada maga.

²⁰Go nawora ni Kohath natuna maga, naworawora ni Levi, tea p̃ota maga ni Kohath natuna maga, eu dape natokoana maga ni gole adeada m̃elu dua ki naworawora ni Efraim.

²¹Go eu dua ra Shekem go napega kakana maga ni navanua ni tava ki Efraim, natokoana ni nasavasiliana agi tea maripunue, go Ceser go napega kakana maga;

²²Go Kibsaim go napega kakana maga; go Beth‐horon go napega kakana maga; natokoana pati.

²³Go m̃elu dua ki naworawora ni Dan, Elteke go napega kakana maga, Cibbethon go napega kakana maga;

²⁴Aiyalon go napega kakana maga, Cath‐rimmon go napega kakana maga; natokoana pati.

²⁵Go m̃elu dua ki namagovai ni naworawora ni Manasseh, Taanak go napega kakana maga, go Cath‐rimmon go napega kakana maga; natokoana dua.

²⁶Natokoana mamau puti ki nawora maga ni Kohath natuna p̃ota maga eu pei rualima sikai go napega kakada maga.

²⁷Go paki Cershon natuna maga, ni nawora maga ni naworawora ni Levi, m̃elu dua ki namagovai ni naworawora ni Manasseh eu pitua ki Colan ni Bashan go napega kakana maga, natokoana ni nasavasiliana agi tea maripunue; go Be‐estera go napega kakana maga; natokoana dua.

²⁸Go m̃elu dua ki naworawora ni Issakar, Kishion go napega kakana maga, Daberath go napega kakana maga;

²⁹Yarmuth go napega kakana maga, En‐kannim go napega kakana maga; natokoana pati.

³⁰Go m̃elu dua ki naworawora ni Asher, Misal go napega kakana maga, Abdon go napega kakana maga;

³¹Helkat go napega kakana maga go Rehob go napega kakana maga; natokoana pati.

³²Go m̃elu dua ki naworawora ni Naftali, Kedesh ni Calilea go napega kakana maga, natokoana ni nasavasiliana agi tea maripunue, go Hamotdor go napega kakana maga, go Kartan go napega kakana maga; natokoana dolu.

³³Natokoana mamau puti ki naworawora ni Cershon pae naworada maga eu pei natokoana rualima sikai tamate dolu go napega kakada maga.

³⁴Go paki nawora maga ni Merari natuna maga, tea p̃ota maga ni naworawora ni Levi, m̃elu dua ki naworawora ni Sebulun, Yokneam go napega kakana maga; go Karta go napega kakana maga,

³⁵Dimnah go napega kakana maga, Nahalal go napega kakana maga; natokoana pati.

³⁶Go m̃elu dua ki naworawora ni Reuben, Beser go napega kakana maga, go Yahas go napega kakana maga,

³⁷Kedemoth go napega kakana maga, go Mefaath go napega kakana maga; natokoana pati.

³⁸Go m̃elu dua ki naworawora ni Cad, Ramoth ni Cilead go napega kakana maga, natokoana ni nasavasiliana agi tea maripunue, go Mahanaim go napega kakana maga;

³⁹Heshbon go napega kakana maga, Yaser go napega kakana maga; natokoana mamau puti eu pati.

⁴⁰Natokoana mamau puti wanogoe eu pei agi Merari natuna maga pae naworada maga, tea p̃ota maga ni nawora maga ni naworawora ni Levi; go gole adeada e pei natokoana rualima sikai tamate dua.

⁴¹Natokoana mamau puti ki naworawora ni Levi m̃aleoputo ni tea veaniana ki Israel natuna maga eu pei natokoana rualima pati tamate latolu go napega kakada maga.

⁴²Natokoana mamau puti wanogoe eu doko sikasikai go napega kakana maga dalivirigoro puti ra: e dapala nogoe nalo ni natokoana mamau puti wanogoe.

⁴³Go Yehovah e dua Israel navanua mamau waina e pivisa naga ega tua tamada maga asa; go eu peani a po doko asa doko.

⁴⁴Go Yehovah e dua ra namaromaroana daliviri dapala tea mamau puti waina e pivisa paki tamada asa: go naatam̃oli sikai ni tea kokona ki da mamau puti e da lawodu naraeda mau; Yehovah e pitua ki tea kokona ki da mamau puti paki nam̃elearuda.

⁴⁵Te navatuna ni tea wia mamau puti waina Yehovah e pasa paki nasum̃a ni Israel asa e da dowo mau. Eu rumai puti.