Read Nguna Togoa Etafe North YOSHUA 5 Bible Online

YOSHUA 5 - Nguna Togoa Etafe North bible

YOSHUA 5

¹Go e pakilina, ragi waina nawota mamau puti ki naworawora ni Amor, waina eu doko taleva kerua ni Yordan paki taleva ni elo musu, go nawota mamau puti ki naworawora ni Kanaan, waina eu doko pisari natasi, eu dogo naga Yehovah e mari noai maga ni Yordan eu garagara pa dua ki narae ni Israel natuna maga, pa pa au duagoto sua, naga nap̃op̃oda e sara, go naatana e da moro lawodu ara mau, nalakena Israel natuna maga.

²Ragi wanogoe Yehovah e noa ki Yoshua, e naga, P̃a tum̃am̃a manigo mari masimasi maga ni vatu ni nakapu, go p̃a moro dovadavivi Israel natuna maga sala kerua.

³Go Yoshua e dum̃ana maneana mari masimasi maga ni vatu ni nakapu po dovadavivi Israel natuna maga tava ni nawili vea maga.

⁴Go tea waia e pei nalakena Yoshua e dovadavivi: narei mamau waina eu m̃elu dua ki Ityipt umai, waina eu pei naanoai, naatam̃oli mamau puti ni navakalo eu mate masop̃alo pae napua, edaku ki eu m̃elu dua ki Ityipt umai.

⁵Nalakena narei mamau waina eu m̃elu umai eu pei tea tovadaviviana: ma narei mamau waina eu pakilina masop̃alo pae napua ragi waina eu m̃elu dua ki Ityipt umai, eu da dovadavivi ara mau.

⁶Nalakena Israel natuna maga eu surata masop̃alo natau rualima pati, pa pa nalauna mamau, naatam̃oli maga ni navakalo waina eu m̃elu dua ki Ityipt umai, eu nopu, nalakena eu da dogo parati ki nadaleo ni Yehovah mau: waina Yehovah e pivisa paki da naga ega wo da pisei ki da navanua waina Yehovah e pivisa paki tamada maga naga ega wo dua gida asa, navanua sikai waina e sara ki milk go honi.

⁷Go natuda maga waina e sike ra eu du oli ra, nara Yoshua e dovadavivi ara: nalakena eu da pei tea tovadaviviana mau, nalakena eu da dovadavivi ara pae napua mau.

⁸Go e pakilina, ragi waina eu mari sua natovadaviviana ni nalauna mamau, naga eu doko naliada tokora ni nam̃enakiana, pa pa eu apu.

⁹Go Yehovah e noa ki Yoshua, e naga, Masoso a po malulua ki navasadaoana ni Ityipt m̃elu dua ki mu pano. Go nagisa ni tokora wanogoe e pei tea sosoana ki Cilcal pa pa paki naaleatia waia.

¹⁰Go Israel natuna maga eu m̃enaki Cilcal; go eu mari navakalauana naaleatia kerualima sikai tamate pati ni atelagi ragi melu malo matemate maga ni Yeriko.

¹¹Go eu gani dogo korn tuai ni navanua matamai ki nia edaku ki navakalauana, keke maga waina leven e dika ara go korn veniana, naaleatia sikai maau wanogoe.

¹²Go manna e makoto matamai ki nia edaku ki eu gani dogo sua korn tuai ni navanua; go Israel natuna maga eu da moro peani manna mau; ma eu do gani nawa ni navanua ni Kanaan natau wanogoe.

¹³Go e pakilina, ragi waina Yoshua e doko pisari Yeriko, naga e sike namatana po leo punusi, go p̃a leo, naatam̃oli sikai e lawodu kivea ki nia, go lova aneana e pei tea sailuaana doko nam̃elearuna: go Yoshua e pano punusi a, po noa ki nia, e naga, Nigo ku pei aginami, kite? Kite ku pei agi tea marimari dip̃a gami maga?

¹⁴Go e naga, Ee; ma kinau tea maraki ki taua ki Yehovah a po umai ragi waia. Go Yoshua e dowo dap̃olosiwo paki natano, po lotu, po noa ki nia, e naga, Nawota aginau ega noa ki tea suasua aneana nasava?

¹⁵Go tea maraki ki taua ki Yehovah e noa ki Yoshua, e naga, P̃a sawo lua nam̃elevasiana anigo ega m̃elu dua ki nam̃elem̃a; nalakena tokora waina nigo ku lawodu asa e dapu. Go Yoshua e mari dapala nogoe.