Read Nguna Togoa Etafe North PAKI HEBERU MAGA 3 Bible Online

PAKI HEBERU MAGA 3 - Nguna Togoa Etafe North bible

PAKI HEBERU MAGA 3

¹Nalakena tea wanogoe, tai tautau maga, tea veani p̃otae nasosoana ni elagi, kuga midoaki usiusi Apostolo go Tea Viri Warua liu ni nanoasaiana anigida, Yesu;

²waina e pei lomau paki tea waina e mari a, dapala waina Moses ma e pei lomau doko nasum̃a aneana mamau.

³Nalakena nae e pei tea midoakiana naga e p̃ia ki nasamasamaana warua liu agi Moses, dapala waina tea waina e davagi nasum̃a e peani nadodomadaganiana warua liu agi nasum̃a.

⁴Nalakena sara nasum̃a e pei tea tavagiana pae te naata seara, ma tea waina e davagi naleo maga mamau puti e pei Sup̃e.

⁵Go lomau Moses e pei lomau doko nasum̃a aneana mamau dapala tea suasua sikai, naga ega vei nanoasokisokiana sikai ni tea maga waina euga wo edaku pei tea noaana;

⁶ma Kristo dapala natuna sikai, dap̃au nasum̃a aneana; go nigida tu pei nasum̃a aneana, tu pe tape soki naviviariana anigida go tea vakavakaeana ni naleogoroana anigida ega kasua pa pa paki namatap̃ago edaku.

⁷Nalakena tea wanogoe, dapala waina Naatana Tapu e noa e, e naga. Masoso ku pe rogo nadaleona,

⁸Kuga ta mari nap̃op̃omu ega kasua mau, dapala waina eu mari a ragi waina eu marip̃auluulu. Dapala waina eu mari a naaleatia ni namaridogoana masop̃alo,

⁹Tokora waina tamamu maga eu maridogo au asa, eu maridogoataep̃otae au, Po punusi nawosiana aginau maga natau rualima pati.

¹⁰Nalakena tea wanogoe a mamarago ki tagona wanogoe, Po naga, Eu do sasap̃o ki nap̃op̃oda sara ragi: Ma eu da atae napua aginau maga mau;

¹¹Dapala waina a pivisa namaetoana aginau, Naga euga wo da umai sili paki namaromaroana aginau mau.

¹²Kuga vunusi, tai maga, naga p̃op̃o sa waina e da saralomau mau, go waina e do m̃elu dua ki Sup̃e mauri pano, ega ta doko te naata sikai kakamu mau:

¹³ma kuga tum̃amu pasa paratiki mu sara naaleatia, ragi waina e do pei tea sosoana ki Masoso; naga te naata sikai kakamu ega ta pei tea mariana ega kasua ki nasurueana ni namarinaleosaana mau:

¹⁴nalakena tu pei tea veani p̃otae Kristo, tu pe tape soki naatulakeana ni navavatuana anigida ega kasua pa pa paki namatap̃ago edaku.

¹⁵Ragi waina e pei tea noaana, Masoso ku pe rogo nadaleona, Kuga ta mari nap̃op̃omu ega kasua mau, dapala waina eu mari a ragi waina eu mari p̃auluulu.

¹⁶Nalakena sei, ragi waina eu dogo, eu mari p̃auluulu? Ma tea maga mamau puti waina eu m̃elu dua ki Ityipt umai pae Moses eu da mari a kite?

¹⁷Go e mamarago ki sei maga natau rualima pati? E da pei ki tea maga waina eu mari naleo sa, waina nap̃atokoda eu dowo masop̃alo kite?

¹⁸Go e pivisa paki sei maga naga euga wo da umai sili paki namaromaroana aneana mau, e pe ta pei e paki tea maga waina eu dogopiri?

¹⁹Go tu punusi naga eu mari sa umai sili paki asa nalakena eu da saralomau mau.