Read Nguna Togoa Etafe North PAKI HEBERU MAGA 5 Bible Online

PAKI HEBERU MAGA 5 - Nguna Togoa Etafe North bible

PAKI HEBERU MAGA 5

¹Nalakena sara tea viri warua liu, waina e pei tea viragiana m̃elu dua ki naatam̃oli maga, e magi naatam̃oli maga pei tea lawokiana nalo ni naleo maga waina eu pei tea ki Sup̃e, naga ega vitua ki navituaana maga go naviriana maga nalakena namarinaleosaana maga:

²waina e mari atae mari malemale tea maga waina eu pei sap̃o go tea maga waina eu sasap̃o, nalakena nae ma e pei tea taligoroana ki namanainaiana;

³go nalakena tea wanogoe e one asa one naga, dakiusi waina e magi narei, dapala nogoe ega tum̃ana maneana pitua ki naviriana maga nalakena namarinaleosaana maga.

⁴Go te naata sikai e da dum̃ana maneana dape nadodomadaganiana wanogoe mau, ma ragi waina e pei tea sosoana pae Sup̃e, dakiusi waina Aaron e pei tea sosoana.

⁵Dapala nogoe Kristo ma e da dum̃ana samasamani a mau naga ega vei tea mariana ega vei tea viri warua liu sikai, ma tea waina e pasa paki nia, e naga, Nigo ku pei Natugu, Kinau a pesi ko masoso:

⁶Dapala waina e noa e tokora p̃ota sikai, e naga, Nigo ku pei tea viri sikai pa pa ega tu mau du Pae natakiusiana ni Melkisedek.

⁷Waina naaleatia maga ni nap̃okasina, ragi waina e pitua ki sua natapasavasaana maga go navavaraniana maga pilake naviosoana kasua maga go naririmata maga paki tea waina e mari atae mautipauri a m̃elu dua ki namateana, go ragi waina e pei tea rogosuaana nalakena natapep̃iaana aneana,

⁸go nae e pei Natuna sikai, ma e ataedogo narogoparatikiana pae tea sa maga waina e sua ra;

⁹go ragi waina e pei tea mariana e p̃ia lua sua, e magi tea maga mamau puti waina eu dogo paratiki nia pei nalakena ni namautipauriana waina e du mau du; e

¹⁰pei tea sosoana pae Sup̃e ki tea viri warua liu sikai pae natakiusiana ni Melkisedek.

¹¹Waina nalo kakana au peani naleo laapa waina auga noa ra, go waina nanoap̃otaeana kakada e kasua, nalakena ku daliali dorogo.

¹²Nalakena ragi waina e one mu one naga kuga vei tea vasa piseiki maga nalakena ragi, ku moro pei sap̃o dapala te naata sikai ega vasa piseiki mu tea vea maga ni naatulakeana ni navasaana maga ki Sup̃e, go ku po pei tea waina milk e p̃ia ki mu, go navinaga kasua e da p̃ia ki mu mau.

¹³Nalakena sara naata waina e munu milk e pei navinaga aneana, e da atae p̃arua ki navasaana ni namarinaleoleanaana mau; nalakena e pei pipia.

¹⁴Ma navinaga kasua e pei agi tea matua maga, agi tea maga waina nalakena natomariana eu peani namidoakiataeana adeada maga eu pei tea marimauana naga euga midoakip̃otae tea wia go tea sa.