Read Nguna Togoa Etafe North 1 KI PETERO 1 Bible Online

1 KI PETERO 1 - Nguna Togoa Etafe North bible

1 KI PETERO 1

¹Petero, apostolo sikai ki Yesu Kristo, a midiri paki tea matadoaana maga waina eu pei nam̃enaki‐atatoko maga ni Tea taperaverakiana maga ni Ponto, ni Calatia, ni Kappadokia, ni Asia, go ni Bithinia,

²pae naveaataeana ki Sup̃e Tamagida, doko namaridautaukiana ki Naatana, paki narogoparatikiana go nameseurakiana ni nada ni Yesu Kristo: nasaup̃iaana go natam̃ateana eroga manimu pei tea mariana eroga laapa.

³Sup̃e go Tama ni Nawota anigida Yesu Kristo ega vei tea vasap̃iakiana, waina dapala nadodomiana warua aneana e moro pesi gida paki naleogoroana mauri sikai pae namoroduleanaana ki Yesu Kristo m̃elu dua ki tea mate maga,

⁴paki tea veaniana sikai waina ega wo da madada mau, go waina e da pei tea mariana e loa mau, go waina ega wo da kokolo mau, waina e pei tea mautiana nakoroatelagi doko raki mu,

⁵waina ku pei tea vavaigoroana ki nakasuaana ki Sup̃e pae nasaralomauana paki namautipauriana waina e pei tea marim̃atakiana sua naga ega vei tea maripakasakiana ragi edaku mau.

⁶Waina ku laelaea p̃arua asa, ma ragi kiki waia, e pe one asa one, ku pe vei tea mariana ku do susue doko namaridogoana visarasara maga,

⁷naga namaridogoana ni nasaralomauana animu, waina e p̃ia p̃arua liu kold waina e do puoli go waina e pei tea maridogoana pae nakapu vavaga, ega vei tea vap̃aiana paki nasamaniana go nasamasamaana go nadodomadaganiana ragi ni naumaipakilinaana ki Yesu Kristo:

⁸waina ku dodomi a waina ku ko da punusi a mau; waina ku do saralomau asa waina ku da do punusi a ragi waia mau, ma ku laelaea p̃arua ki nalaelaeaana waina e mari sa pei tea vasaana go waina e pei tea samasamaniana:

⁹ku do dape tea leogoroana ni nasaralomauana animu, namautipauriana ni naatamu.

¹⁰Nalo ni namautipauriana wanogoe profeta maga eu laaga paratiki po leo usiusi paratiki, waina eu pea noa sai nalo ni nasaup̃iaana waina ega umai paki mu:

¹¹eu do leo usiusi nalo ni seve ragi kite ragi dapale sava Naata ni Kristo waina e doko ara e paivai ki nia, ragi waina e pea noa sokisoki narogokitesaana maga ki Kristo, go nasamasamaana maga waina euga rausi ra.

¹²Waina e pei tea noapakasakiana paki da, naga eu da dum̃ada madeada mau, ma eu manimu suasua tea maga wanogoe, waina eu pei tea noasaiana paki mu ragi waia pae tea maga waina eu dogorogo ki narogorogoana wia paki mu ki Naatana Tapu waina e pei tea tip̃akiluaana pae nakoroatelagi umai. Tea maga wanogoe agelo maga eu masauna naga euga leo paki da.

¹³Nalakena tea wanogoe kuga tasoki namalo ni namidodoana animu, kuga to midodoa p̃ia po do leogoro p̃ia lua raki nasaup̃iaana waina ega wo manimu pei tea tapeana umai ragi ni naumaipakilinaana ki Yesu Kristo;

¹⁴dapala natu ni narogoparatikiana maga, doko da dum̃amu mari mu kuga tapala namasauana sa animu maga ni sala vea mau ragi ni nasalup̃eana animu;

¹⁵ma dapala waina tea waina e soso mu e dautau, nimu ma kuga tautau, doko sara namariana animu;

¹⁶nalakena e pei tea midiriana, e naga, Kuga tautau; nalakena kinau a dautau.

¹⁷Go ku pe soso e ki Tamamu, waina e do pasa p̃otae pae nawosiana ki sara naatam̃oli sikasikai po da piragi narae mau, kuga to mauri ragi ni nam̃enaki‐atatokoana animu doko namatakuana:

¹⁸ku atae naga ku da pei tea tauluaana ki naleo maga waina eu madada mau, ki silver kite kold, m̃elu dua ki natomariana p̃alo animu waina e pei tea vituakiana m̃elu tamamu maga umai;

¹⁹ma ku pei tea tauluaana ki nada wia, dapala tea ni shiip natuna sikai waina e mamaau go waina te naloaana e dika asa, nada ni Kristo:

²⁰waina e pei tea vea ataeana lomau, pea ki nanadiki‐laketano‐ana ni maramana, ma e pakilina ragi edaku ni ragi maga nalakena nimu,

²¹waina ku pae asa pei tea saralomau Sup̃e, waina e sike a e duleana m̃elu dua ki tea mate maga, po dua e nasamasamaana; dapala waina nasaralomauana animu go naleogoroana animu ero doko Sup̃e.

²²Waina ku mari naatamu maga eu dautau doko narogoparatikiana ni nalomauana paki nadodomi‐taigida‐ana waina e da pei nakalep̃oana mau, kuga tum̃amu dodomi kasua ki mu m̃elu nap̃op̃omu:

²³ku pei tea moro pesiana, ku da m̃elu napati waina e madada mau, ma ku m̃elu tea waina e da madada mau, pae navasaana ki Sup̃e, waina e mauri po doko mau doko.

²⁴Nalakena, Sara nap̃okasi eu dapala nam̃enau, Go sara nasamasamaana kakana eu dapala napum̃a ni nam̃enau. Nam̃enau e kokolo, go napum̃ana e pevera:

²⁵Ma navasaana ki Yehovah e doko mau doko pa pa po du mau du. Go navasaana e pei tea waia, narogorogoana wia waina e pei tea rogorogokiana paki mu.