Read Nguna Togoa Etafe North TEA VASAP̃OTAE MAGA 6 Bible Online

TEA VASAP̃OTAE MAGA 6 - Nguna Togoa Etafe North bible

TEA VASAP̃OTAE MAGA 6

¹Go Israel natuna maga eu mari tea waina e sa namata maga ni Yehovah: go Yehovah e pitua ki da paki nam̃elearu ni Midian natau larua.

²Go nam̃elearu ni Midian e marimatua dip̃a Israel: go nalakena Midian, Israel natuna maga eu dum̃ada madeada mari nap̃aloa maga waina eu doko tava maga, go valea maga, go p̃aaka maga.

³Go doko ragi waina Israel eu sapura ki sua, naga Midian eu sake umai, go Amalek, go tea ni nalauna p̃ota maga ni ist; eu sake umai dip̃a ra;

⁴Go eu m̃enakigoro ra, po mari sa ki navinaga ni navanua, pa pa ku umai paki Casa, go eu da doropusi te navatuna waina e silae namauriana doko Israel mau, go te shiip, kite oks kite ass mau.

⁵Nalakena eu sake umai nara go katel adeada maga go tap̃aup̃au adeada maga, eu rumai dapala midiri maga nalo ni nalaapaana; go nara go kamel adeada maga eu mari sa pei tea veveana: go eu rumai paki navanua naga euga mari sa ki nia.

⁶Go Israel e pei tea viragiana pakitano p̃arua nalakena Midian; go Israel natuna maga eu pioso paki Yehovah.

⁷Go e pakilina, ragi waina Israel natuna maga eu pioso paki Yehovah nalakena Midian,

⁸Naga Yehovah e dip̃aki lua profeta sikai umai punusi Israel natuna maga: go e noa ki da, e naga, Yehovah, Sup̃e ki Israel, e noa dapala nea, e naga, Kinau a piragi lua mu pae Ityipt sake umai, po piragi lua mu m̃elu dua ki nasum̃a ni naviti maga;

⁹Go a pualua mu m̃elu dua ki nam̃elearu ni naka ni Ityipt, go m̃elu dua ki nam̃elearu ni tea mamau puti waina eu diesoki mu, go a kopasi lua ra pa dua ki naraemu, po dua mu navanua adeada;

¹⁰Go a noa ki mu, a naga, Kinau a pei Yehovah Sup̃e animu; kuga ta matau ki sup̃e maga ki naworawora ni Amor mau, waina nimu ku doko navanua adeada doko: ma ku da dogo parati ki nadaleogu mau.

¹¹Go agelo ki Yehovah e umai, po dasake etano ni oak waina e doko Ofrah, waina e pei agi Yoash nawora ni Abieser: go natuna Cideon e do p̃okalesue whiit m̃oru ni navasokiana ni nawa ni vaine, naga ega tasuru ki nia padua ki narae ni Midian.

¹²Go agelo ki Yehovah e pakilina ki nia, po noa ki nia, e naga, Yehovah e sikoti ko naatam̃oli marimatua ni navakalo.

¹³Go Cideon e noa ki nia, e naga, A pavara, nawota aginau O, Yehovah e pe sikoti gami, ekasana tea mamau puti waia eu pakilina ki gami? Go nawosiana ni namagaana aneana mamau puti wai waina tamagami maga eu dogorogo ki nia paki gami, po naga, Yehovah e da piragi lua gida pae Ityipt sake umai, kite? Ma ragi waia Yehovah e po doropusi gami, po pitua ki gami paki nam̃elearu ni Midian.

¹⁴Go Yehovah e dum̃ana doa e paki nia, po noa ki nia, e naga, Pa vano doko nakasuaana anigo waia, go p̃a mauti Israel m̃elu dua ki nam̃elearu ni Midian: kinau a da dip̃aki lua ko mau, kite?

¹⁵Go e noa ki nia, e naga, A pavara, Nawota O, aga wo mauti Israel dapale sava? Pa leo, naworagu eu pei tea tika p̃arua liu ni Manasseh, go kinau a pei tea kiki sa ni nasum̃a ki tamagu.

¹⁶Go Yehovah e noa ki nia, e naga, Nalakena aga wo sikoti ko, go p̃a wo atugi Midian dapala naatam̃oli sikai maau.

¹⁷Go e noa ki nia, e naga, A pavara ni ko, a pe vap̃ai nasaup̃iaana namatam̃a, p̃a maginau mari navaivaiana sikai naga e pei nigo waina ku do pasa ki nau.

¹⁸P̃a ta m̃elu dua ki tokora waia pano mau, a pavara ni ko asa, pa pa aga wo umai punusi ko, po dape navituaana aginau dave umai, po doropusi a naraem̃a. Go e noa naga, Kinau aga wo doko pa pa p̃a wo moro umai.

¹⁹Go Cideon e paki ekopu, po mari usi peni naninani natuna sikai po dao ni keke maga waina leven e dika ara ni efah sikai ni flaur: e doropusi nap̃okasi e doko nala sikai, go e doropusi nasua e doko pot sikai, go e dape a dave punusi a paki etano ni oak, po pitua ki nia.

²⁰Go agelo ki Sup̃e e noa ki nia, e naga, P̃a tape nap̃okasi go keke maga waina leven e dika ara, go p̃a toropusi ra vatu laketoko waia, go p̃a taki ni nasua. Go e mari dapala nogoe.

²¹Go agelo ki Yehovah e sai ki namatap̃ago ni tiko waina e doko nam̃elearuna, po kisidogo nap̃okasi go keke maga waina leven e dika ara; go nakapu vavaga e sake m̃elu vatu laketoko, po gani nap̃okasi go keke maga waina leven e dika ara; go agelo ki Yehovah e pano pa dua ki namatana.

²²Go Cideon e punusi naga nae e pei agelo ki Yehovah; go Cideon e noa, Ako, Nawota Yehovah O! Nalakena waia a po punusi agelo ki Yehovah naraegu paki naraena.

²³Go Yehovah e noa ki nia, e naga, Natam̃ateana ega vei anigo; p̃a ta mataku mau: p̃a wo da mate mau.

²⁴Go Cideon e magi Yehovah davagi wede ni naviriana sikai tokora wanogoe, po soso e ki Yehovah‐salom: e ko doko Ofrah ki naworawora ni Abieser pa pa paki naaleatia waia.

²⁵Go e pakilina nap̃ogiana wanogoe naga Yehovah e noa ki nia, e naga, P̃a vuati kau anoai waina e pei agi tamam̃a, go kau anoai kerua ni natau larua, go p̃a rakai wede ni naviriana ki Baal waina tamam̃a e peani a, go p̃a taelua Asherah waina e pisari a:

²⁶Go p̃a magi Yehovah Sup̃e anigo davagi wede sikai ni naviriana nap̃au ni p̃aaka waia, ega vei tea ovarakiana, go p̃a vuati kau anoai kerua po pitua ki naviriana tap̃arakiana sikai ki nakau ni Asherah waina p̃a wo daelua e.

²⁷Go Cideon e piragi naatam̃oli rualima sikai ni tea suasua aneana maga, po mari dapala waina Yehovah e noa ki nia asa: go e pakilina, nalakena e matau ki tea ni nasum̃a ki tamana go ki naatam̃oli maga ni natokoana, dapala e mari sa mari a aleati, naga e mari a p̃ogi.

²⁸Go ragi waina naatam̃oli maga ni natokoana eu duleana malip̃ogi loaloa, p̃a leo, wede ni naviriana ki Baal e pei tea rakaiana, go Asherah waina e pisari a e pei tea taeluaana, go kau anoai kerua e pei tea vituakiana one wede ni naviriana waina e pei tea tavagiana.

²⁹Go eu dum̃ada noa ki da, eu naga, Sei e po mari naleo waia? Go ragi waina eu pusuusu po laaga, eu naga, Cideon natu ni Yoash e po mari naleo waia.

³⁰Go naatam̃oli maga ni natokoana eu noa ki Yoash, eu naga, P̃a viragi natum̃a paki katama, naga ega mate: nalakena e po dakai wede ni naviriana ki Baal, go nalakena e po daelua Asherah waina e pisari a.

³¹Go Yoash e noa ki tea mamau puti waina eu lawodu dip̃a e, e naga, Nimu kuga wo magi Baal pululu, kite? Kite nimu kuga wo mauti a? Naata waina ega wo maneana pululu ega vei tea maripunueana ragi waina e ko pei malip̃ogi; nae e pe vei sup̃e sikai ega tum̃ana maneana pululu, nalakena naata sikai e po dakai wede ni naviriana aneana.

³²Go e soso e naaleatia wanogoe ki Yerubbaal, po naga, Baal ega vululu dip̃a e, nalakena e po dakai wede ni naviriana aneana.

³³Go Midian mamau puti go Amalek go tea ni nalauna p̃ota maga ni ist eu dum̃ada saisai ki da; go eu duagoto po m̃enaki nap̃aloa ni Yesreel.

³⁴Ma Naata ni Yehovah e sili Cideon; go e sui paiga sikai; go Abieser eu pei tea soso‐saisai‐kiana dausi a.

³⁵Go e dip̃aki lua tea tautauana maga eu pa usuraki Manasseh mamau; go nara ma eu pei tea soso‐saisai‐kiana dausi a: go e dip̃aki lua tea tautauana maga paki Asher, go paki Sebulun, go paki Naftali; go eu sake umai naga euga sua ra.

³⁶Go Cideon e noa ki Sup̃e, e naga, Ku pe wo mauti Israel pae nam̃elearugu, dapala waina ku po pasa asa,

³⁷P̃a leo, kinau aga wo doropusi nalolu mamau ni shiip sikai ega one malo wokalesue; nasovaki e pe toko nalolu mamau ni shiip wanogoe sikina, go nagaragaraana e pe toko natano mamau, go aga wo atae naga p̃a wo mauti Israel pae nam̃elearugu, dapala waina ku po pasa asa.

³⁸Go e pakilina dapala nogoe: go e duleana malip̃ogi loaloa matamai ki nia, po m̃oligoro nalolu mamau ni shiip, po m̃olidauna ki nasovaki m̃elu dua ki nalolu mamau ni shiip, lasa sikai e pura ki noai.

³⁹Go Cideon e noa ki Sup̃e, e naga, Namaetoana anigo ega ta pavaga dip̃a au mau, go aga wo moro pasa paka sikai maau waia: aga maridogo, a pavara ni ko asa, paka sikai maau waia ki nalolu mamau ni shiip; nagaragaraana, a pavara ni ko, ega toko nalolu mamau ni shiip ega sikina, go nasovaki ega toko natano mamau.

⁴⁰Go Sup̃e e mari dapala nogoe nap̃ogiana wanogoe: go nagaragaraana e doko nalolu mamau ni shiip sikina, go nasovaki e doko natano mamau.