Read Nguna Togoa Etafe North 2 KI YOANE 1 Bible Online

2 KI YOANE 1 - Nguna Togoa Etafe North bible

2 KI YOANE 1

¹Tea matua e midiri dua nawota nagoroi matadoaana go natuna maga, waina a dodomi mu doko nalomauana; go kinau a da sikigu asa mau, ma tea maga mamau puti waina eu atae nalomauana eu dodomi mu;

²nalakena nalomauana waina e doko gida doko, go ega wo sikoti gida doko pa pa ega tu mau du.

³Nasaup̃iaana, nadodomiana, natam̃ateana m̃elu Sup̃e Tamana, go m̃elu Yesu Kristo, Natu ni Tamana, euga wo sikoti gida doko, doko nalomauana go nadodomiana.

⁴A laelaea p̃arua nalakena a pap̃ai natum̃a maga seara eu do surata nalomauana, dapala waina tu dape natip̃akiana m̃elu Tamana.

⁵Go ragi waia a pavarani ko, nawota nagoroi, e da dapala a midiri dua ko natip̃akiana vau mau, ma e pei tea waina ku dogo e pae ragi ni naatulakeana, naga tuga tum̃agida dodomi gida.

⁶Go nadodomiana e pei tea waia, naga tuga surata pae natip̃akiana aneana maga. Natip̃akiana e pei tea waia, dakiusi waina ku dogo e pae ragi ni naatulakeana, naga kuga surata asa.

⁷Nalakena tea viragisasap̃o laapa eu m̃elu paki maramana pano tea maga waina eu da noa sai naga Yesu Kristo e umai doko nap̃okasi mau. Tea wanogoe e pei tea viragi sasap̃o go tea kokona ki Kristo.

⁸Kuga tum̃amu leo paratiki mu naga kuga ta dape puoli ki naleo maga waina au p̃osiwosi ki sua ara, ma naga kuga tape namoriana mamau.

⁹Sara naata waina eu pea po da doko mau doko navasapiseikiana ki Kristo, eu da peani Sup̃e mau: tea waina e doko mau doko navasapiseikiana, nae e peani Tamana go Natuna.

¹⁰Te naata e pe umai punusi mu, go e pe ta dape navasapiseikiana wanogoe mau, kuga ta piragi a paki ekopu ni nasum̃a animu mau, go kuga ta noa ki nia naga ega laelaea mau:

¹¹nalakena tea waina e noa ki nia naga ega laelaea e saisaipeani nawosiana sa aneana maga.

¹²Nalakena a peani naleo laapa waina aga midiri dua mu ara, a da masauna naga aga midiri ra pae tusi go noai loa mau: ma a leogoro naga aga valoti punusi mu, po pasa nawoka paki nawoka, naga nalaelaeaana animu ega vei tea vakavuroana.

¹³Taim̃a matadoaana natuna maga eu pasadodomi ko.