Read Nguna Togoa Etafe North 1 SAMUEL 19 Bible Online

1 SAMUEL 19 - Nguna Togoa Etafe North bible

1 SAMUEL 19

¹Go Saul e noa ki natuna Yonathan, go ki tea suasua aneana maga mamau puti, naga euga maripunue David.

²Ma Yonathan, natu ni Saul, e dodomi p̃arua ki David. Go Yonathan e noa ki David, e naga, Tamagu Saul e do laaga naga ega maripunue ko: go tea wanogoe, a pavara ni ko, p̃a tum̃am̃a leo parati ki‐go matamai malip̃ogi, go p̃a tokoloku, po dum̃am̃a dasuru ki‐go:

³Go aga wo dave pano po lawodu pisari tamagu doko vanua waina p̃a wo doko asa, go aga wo pasa paki tamagu nalo kakam̃a; go waina a pe vunusi te navatuna, go a pe wo noa ki‐go asa.

⁴Go Yonathan e pasa p̃ia nalo ni David paki tamana Saul, po noa ki nia, e naga, Nawota ega ta mari naleo sa mau paki tea suasua aneana David; nalakena nae e da mari naleo sa paki‐go mau, go nalakena nawosiana aneana maga eu p̃ia pa paki‐go:

⁵Nalakena e doropusi namauriana aneana e doko nam̃elearuna, po atugi Filistine wanogoe, go Yehovah e piragi namautiana warua raki Israel mamau: nigo ku punusi a, go ku laelaea: go nalakena nasava p̃a wo mari naleo sa paki nada tautau, po maripunue David, nalakena e dika?

⁶Go Saul e dogo parati ki nadaleo ni Yonathan: go Saul e pivisa, po naga, Yehovah e mauri doko, go ega wo da pei tea maripunueana mau.

⁷Go Yonathan e soso David umai, go Yonathan e noakisai a naleo maga mamau puti wanogoe. Go Yonathan e piragi David umai punusi Saul, go e doko naraena dakiusi sala vea.

⁸Go navakalo e moro pakilina: go David e dave pano, po pivimari paki Filistine maga, po atugi ra, go nawokatiana e p̃arua; go eu sava pa dua ki nia pano.

⁹Go naatana sa sikai e umai doko Saul, ragi waina e dasake doko nasum̃a aneana doko, go naio aneana e doko nam̃elearuna; go David e p̃okati harp ki nam̃elearuna.

¹⁰Go Saul e laaga naga ega lawo puluti David paki namalo nasum̃a; ma e sava dua ki narae ni Saul, go naio e lawo namalo nasum̃a: go David e mauri po sava pano p̃ogi wanogoe.

¹¹Go Saul e dip̃aki lua tea tautauana maga pano paki nasum̃a ki David, naga euga leleogoro e, go naga euga maripunue a malip̃ogi: go Mikal, David anagoroi, e noa ki nia, e naga, Waina ku pe ta dum̃am̃a mauti namauriana anigo p̃ogi waia, go matamai p̃a wo pei tea maripunueana.

¹²Go tea wanogoe Mikal e doro David pakitano duaduru namata leoduru: go e sava pano po mauri.

¹³Go Mikal e dape terafim, po lesi a e one nawewele, go e doropusi waua ni nam̃au ni naninani e doko nap̃auna, po kulugoro e ki nakulukulu.

¹⁴Go ragi waina Saul e dip̃aki lua tea tautauana maga pano naga euga vuati David, nae e naga, E masake.

¹⁵Go Saul e dip̃aki lua tea tautauana maga wanogoe pa punusi David, po naga, Kuga tape a pilake nawewele umai punusi au naga aga maripunue a.

¹⁶Go ragi waina tea tautauana maga eu sili umai, kuga leo, terafim wanogoe e doko nawewele, go waua ni nam̃au ni naninani e doko nap̃auna.

¹⁷Go Saul e noa ki Mikal, e naga, Ekasana ku soro au dapala nogoe, po suasua naga tea waina a karaikita e, e mauri pano? Go Mikal e pasadara Saul, po naga, Nae e noa ki nau, e naga, P̃a suasua naga aga vano; ekasana aga maripunue ko?

¹⁸Go David e sava po mauri po umai paki Ramah punusi Samuel, po noa ki nia ki sara naleo waina Saul e mari a paki nia. Go nara ma Samuel ero pano, po doko Naioth doko.

¹⁹Go eu noa ki Saul, eu naga, P̃a leo, David e doko Naioth ni Ramah.

²⁰Go Saul e dip̃aki lua tea tautauana maga pano naga euga vuati David: go ragi waina eu punusi taua ni profeta maga eu do peanoasai, go Samuel e lawodu pei nap̃auda, Naata ni Sup̃e e puvua umai doko tea tautauana maga ki Saul, go nara ma eu peanoasai.

²¹Go ragi waina eu noakisai Saul asa, e dip̃aki lua tea tautauana p̃ota maga pano, go nara ma eu peanoasai. Go Saul e moro dip̃aki lua tea tautauana maga pano sala ketolu, go nara ma eu moro peanoasai.

²²Ragi wanogoe nae ma e paki Ramah pano, po umai pakilina m̃oru noai warua waina e doko Seku: go e pusuusu ki da, po naga, Samuel ma David nara wai? Go naatam̃oli sikai e naga, P̃a leo, ero doko Naioth ni Ramah.

²³Go e pano paki Naioth ni Ramah: go Naata ni Sup̃e e puvua umai doko asa, nae ma, go e ko pano po peanoasai, pa pa e umai pakilina Naioth ni Ramah.

²⁴Go e sawolua sugoro aneana maga, go e peanoasai narae ni Samuel, po one natano one, e m̃alam̃ala doko, naaleatia mamau wanogoe go p̃ogi mamau wanogoe. Go tea wanogoe eu naga Saul ma e pei profeta sikai kite?