Read Nhengatu Mateu 1 Bible Online

Mateu 1 - Nhengatu bible

Mateu 1

¹Asui kua papera umbeu sese kua Jesus Kristu, Davi rimiariru kua Jesus, asui Abraão rimiariru kua Davi.

²Abraão raira kua Izaki, Izaki raira kua Jaku, Jaku raira kua Judá, kuaita yuiri Judá imuita.

³Judá rimiriku kua Tamara asui tairaita kua Periz Zeraa yuiri, Periz raira Esirumi, Esirumi raira kua Arão.

⁴Arão raira kua Aminadabi, Aminadabi raira Nasumi, Nasumi raira kua Salmõ,

⁵Asui Salmõ raira kua Buazi irumu kua ximiriku Raabi, Buazi raira kua Ubedi ximiriku Ruti irumu, Ubedi raira kua Jese,

⁶Jese raira kua aintaruixawa Davi. Asui aintaruixawa raira kua Salumão irumu kua Uria ambira rimiriku.

⁷Asui Salumão raira kua Rubuão, Rubuão raira kua Abia, Abia raira kua Aza,

⁸Aza raira kua Juzafa, Juzafa raira kua Jurão, Jurão raira kua Uzia.

⁹Asui Uzia raira kua Jutão, Jutão raira kua Akazi, Akazi raira kua Ezekia,

¹⁰Asui Ezekia raira kua Manase, Manase raira kua Amom, Amom raira kua Juzia.

¹¹Asui Juzia raira kua Jekunia imuita yuiri aintaruanyanaita aintaurasu irumu ainta Babilunia kiti.

¹²Asui aintaurasu rire ainta Babilunia kiti Jekunia raira Salatiel unaseri, Salatiel raira kua Zurubabel.

¹³Zurubabel raira kua Abiude, Abiude raira kua Eliaki, Eliaki raira kua Azuru.

¹⁴Asui Azuru raira kua Saduki, Saduki raira kua Aki, Aki raira kua Eliude.

¹⁵Eliude raira kua Eliazaru, Eliazaru raira kua Matã, Matã raira kua Jaku.

¹⁶Asui Jaku raira Juze imena kua Maria Jesus unaseriwaa isui kua aintauserukawaa Kristu.

¹⁷Asui katurzi aintauyumukiriarisawa Abraão rakakuera senundere unaseri kua Davi, asui katurzi aintaumukiriarisawa Davi rakakuera senundere aintaruanyanaita urasu ainta Babilunia kiti, asui katurzi aintauyumukiriarisawa aintaurasu rire ainta Babilunia kiti senundere unaseri kua Kristu.

¹⁸Kuiri hambeu penye arama maye unaseri umaa ara kua Jesus Kristu. Kuxima Juze upurandu kua Maria Jesus maya aramawaa, asui uriku imembira Espiritu Santu irumu tiramere Juze usasawa irumu.

¹⁹Purangawaa umanduarisawa kua Juze ape timaa uputari aintaumanduari puxuwera sese kua kunya, kuaita miraita, ape umanduari umuyuiri kua kunya isui uyumimisawa upe miraita sui.

²⁰Asui umanduari pukusaware umuyuiri arama isui kua kunya yaneruixawa anju upuamu suaki ikerupiwaa upe umbeu ixupe: —Inde Juze Davi rimiariru teresikie reyuka kua Maria nerimiriku aramawaa, nyãse Espiritu Santu uxariwaa kua taina imarika upe.

²¹Unaseri kuri isui kua imembira asui rexari kuri sera arama Jesus, nyãse umukaturu kuri imiraita aintapekadu sui.

²²Usasawana panye kuaye umbeuwaa yawe yaneruixawa kuximare iyuru sui kua utitikawaa.

²³Yawe umbeu, uriku kuri imembira kua kunya pisasuwaa nunkarewaa usasawa apigawa irumu, unaseri kuri imembira aintaumuseruka kuri ae Emanuel, yawesawa sera, yaneirumute Deus.

²⁴Asui Juze upaka rire ikerupiwaa sui upuamu umunya kuaye yaneruixawa anju umbeuwaa yawe ixupe, asui uyuka kua kunya ximiriku arama.

²⁵Maa timaa usasawa irumu kua ximiriku senundere unaseri isui kua imembira, asui uxari sera arama Jesus.