Read Nhengatu Mateu 3 Bible Online

Mateu 3 - Nhengatu bible

Mateu 3

¹Asui Juão Batista uwata umbue kampu rupi Judeya upe.

²Umbeu ainta supe: —Petrukari pemanduariwaa pemanduari sasiyara pepekadu nyãse kuayentuana perunde pesikari arama peruixawa arama kua iwaka ruixawa.

³Aete kua umbeuwaa sese kua utitikawaa Izaia umbeu ainta supe, yepe umbeu kuri kirimbawa kampu rupi, umbeu kuri pemukaturu peruixawa rapee pemusatambika puranga peruixawa rapee.

⁴Asui kua Juão kamelu rawa suiwara irupa, asui isinturão suu pirera suiwara, umbau tukura ira yuiri.

⁵Asui aintauri ipiri kuaita Jeruzalẽwaraita, panye Judeyawaraita yuiri, panye kuaita uikuwaita Jurdão ruakintuwaita.

⁶Asui Juão ubatizari ainta Jurdão upe aintaumbeu irumu aintapekadu.

⁷Umaa rame aintauri kuaita farizewita sadusewita yuiri siyawaita ubatizari arama ainta, umbeu ainta supe: —Penye buya rairaita, awataa umundu peyawawaa pepekadu sui tiarama pepurara pepekadu resewara?

⁸Kuiri pemunya puranga yakuawa arama sasiyara pemanduari pepekadu yakuawa arama yuiri petrukariana pemanduariwaa pepekadu sui.

⁹Tepembeu purangawaa penye pepia irumu pepaya resewara kua Abraão, maa hambeu penye Deus uputari rame maa upuderi maa umunya Abraão supe arama imiraita aintairumu kua itaita.

¹⁰Kuiri pruntuana imaxadu uyutika arama mirá rapu rese, umunuka aintauwari panye kuaita tiwaita uriku iya umburi arama ainta tata kiti.

¹¹Ixe habatizari penye irumu petrukari resewara pemanduariwaa pepekadu sui, maa kirimbawa piri sesui kua uriwaa kuri serakakuera, timaa purangawaa ixe harasu arama isapatu, aete kuri ubatizari penye Espiritu Santu irumu tata irumu yuiri.

¹²Ipu upe kua utiari aramawaa utiari arama panye awati sui sawa, umuatiri arama awati suka upe, maa usapi kua sawaita kuera tata kiti tiwa uwewaa.

¹³Asui Jesus uri Galileya sui Juão ipiri Jurdão kiti uxari arama ubatizari ae.

¹⁴Maa timaa Juão uputari ubatizari ae, umbeu ixupe: —Harikute hapurandu inde rebatizari ixe, marantaa reyuiri repurandu ixe habatizari arama inde?

¹⁵Asui Jesus umbeu ixupe: —Kuiri remunya kuaye hambeuwaa yawe inde arama, nyãse yarikute yamunya panye purangawaa. Asui Juão ubatizari ae.

¹⁶Asui ubatizari rire Jesus usemu parana sui, asui iwaka uyupirari, umaa Deus iEspiritu uwiye sese kuaye pumba yawe.

¹⁷Asui usendu yepe inyenga iwaka sui, yawe umbeu: —Aete seraira haputariwaa suuri hamaa ixupe.