Read Nhengatu Mateu 8 Bible Online

Mateu 8 - Nhengatu bible

Mateu 8

¹Uwiye irumu iwitera sui siya miraita uri sakakuera.

²Asui yepe lepruzu uri suaki umunya ixupe benditu umbeu ixupe: —Seruixawa sã reputari rame rexari ikiaima ixe.

³Asui Jesus uxari sese ipu umbeu: —Ẽẽ haputari ikiaimawaa inde. Asui aramete ikiaima ae lepra sui.

⁴Asui Jesus umbeu ixupe: —Terembeu nẽ awa supe, maa resu nerapee rupi remukame nepira saserduti umaa, remee prezenti Deus supe kuaye Muize umunduwaa yawe aintaumee aintaukuawa arama nerese kuaita miraita.

⁵Asui Jesus uwike irumu Kafarnaum kiti yepe suraraita ikapitão uri ipiri upurandu arama irumu.

⁶Umbeu ixupe: —Inde seruixawa yepe sekriadu imembekawaa ipira uyenu uiku seruka upe upurara turusu.

⁷Asui Jesus umbeu ixupe: —Hasu kuri hamukaturu ae inde arama.

⁸Asui kua suraraita kapitão umbeu: —Seruixawa, timaa purangawaa ixe rewike arama seruka upe, anyunte rembeu yepe inyenga asui kuri purangana kua kurumiwasu.

⁹Ixete serakuenawaa supe aramawaa, ixete suraraita ruixawa, hamundu rame yepe arama urikute usu, asui hamundu rame yepe uri sepiri uri sepiri, hamundu rame sekriadu, remunya ae, asui umunya ae.

¹⁰Asui Jesus usendu irumu inyenga iakayemu umaa ixupe umbeu ainta supe kuaita uriwaita sakakuera: —Supiwa hambeu penye arama: "Umbaare hawasemu yepe aintasuiwara kuaita Israelitaita uruyariwaa kirimbawa iyawe kua apigawa".

¹¹Asui hambeu penye arama: —Aintauri kuri siyawaita tumasawaa sui yapira sui yuiri, aintauwapika kuri meza ruaki aintairumu kuaita Abraão Izaki yuiri Jaku yuiri aintaruixawa irumu kuri kua iwaka ruixawa.

¹²Maa Deus imiraita kuerawaa yepe aintaumburi kuri isui ainta pitunawasuwaa kiti, aintauyaxiu kuri aintausuu kuri aintaranya aintapiaiwasawa irumu.

¹³Asui Jesus umbeu ixupe: —Kua suraraita kapitão, resuana nerapee rupi hamunya kuri inde arama maye reruyariwaa yawe nepia upe. Asui aramete ikatuana kua ikriadu.

¹⁴Asui Jesus uwike irumu Pedru ruka upe umaa isugra uyenu uiku saku ipira takua irumu.

¹⁵Asui upisika ipu, asui takua uxari ae. Asui Pedru sugra upuamu umunya timbiu aintaumbau arama.

¹⁶Asui karuka rame aintaururi ipiri siya demuniu upukuariwaita asui inyenga irumute umburi aintasui kuaita demuniwita, umukaturu yuiri kuaita imãsiwaita panye.

¹⁷Jesus umunya kuaye utitikawaa yawe kua Izaia yawe umbeu: —Aepawate uyuka yanesui yanepituasawa, aepawate yuiri urasu yanesui kua mãsi.

¹⁸Asui Jesus umaa irumu siya miraita umundu aintausu lagu ruaxara kiti.

¹⁹Asui yepe umpinimawaa uri Jesus ipiri umbeu ixupe: —Inde umbuesarawaa hasu kuri nerakakuera maa kiti resuwaa.

²⁰Jesus unyee ixupe: —Kuaita paka aintaurikute aintaruka iwi upe, kuaita yuiri wiraita aintaurikute aintaninyu, maa kua unaseriwaa umaa kua ara timaa uriku upituwaa rendawa.

²¹Asui yepe umbuewaa umbeu ixupe: —Seruixawa, rexarire hasaru hamaa umanu kua sepaya.

²²Asui Jesus umbeu ixupe: —Reyuiriana serakakuera, rexari umanuwaita umburi kuaita umanuwaita aintasuiwara.

²³Asui uwiye igara upe asui umbuewaita aintauwiye irumu.

²⁴Asui anyunte kirimbawawaa iwitu upeyu aintarese gapenu upeteka uwike aintaigara kiti lagu turusuwaa piterupi, maa Jesus ukiri uiku.

²⁵Asui umbuewaita aintaumbaka ae aintaumbeu ixupe: —Yaneruixawa, remukaturu yande aiwana yayupipika.

²⁶Asui umbeu ainta supe: —Marantaa pesikie penye kuairawaita peruyari? Asui upuamu umbeu kirimbawawaa inyenga irumu iwitu supe parana supe yuiri, asui upitu iwitu gapenu yuiri.

²⁷Asui aintaakayemu aintaumaa kuaita apigawaita, aintauyupurungita aintapawa, aintaunyee: —Awataa kua apigawa aintauruyari arama inyenga iwitu parana yuiri?

²⁸Asui usikana lagu ruaxara kiti aintarendawa upe kuaita Gadarenuwaita asui mukuĩ apigawa urikuwaita demuniu aintapia upe aintauri semiteriu sui ipiaiwawaita ainta ape tiawa upuderi usasawa pee rupi.

²⁹Asui aintaumaa irumu Jesus anyunte aintausasemu kirimbawa aintaumbeu: —Maataa resikari yaneirumu inde Deus raira? Maitaa reyuiriana rexari yapurara senundere usika yanerangawa?

³⁰Ape siya tayasu umbau kampu upe kuayentu aintasui.

³¹Ape kuaita demuniwita aintaupurandu Jesus aintaumbeu ixupe: —Remburi rame yande apigawaita sui rexari yawike tayasu ipia upe.

³²Asui umbeu ainta supe: —Pesuana. Asui kuaita demuniwita aintausemu rire apigawaita sui aintauwike tayasu ipia upe panye, asui anyunte aintauyana aintauwari barera kiti lagu turusuwaa upe aintaukanyemu arama.

³³Asui kuaita usaruwaita tayasu aintauyawawa aintatawa kiti aintaumbeu arama panye kua Jesus umunyawaa aintaumbeu yuiri maye aintausasawa kuaita urikuwaita demuniu.

³⁴Asui aintauri Jesus ipiri kuaita tawa upewaita panye aintaumaa irumu ae aintaupurandu ae kirimbawa uyuiri arama aintarendawa sui.