Read Nhengatu Marku 16 Bible Online

Marku 16 - Nhengatu bible

Marku 16

¹Asui sauru rire kua Maria Madalena kuawaa yuiri kua amu Maria Tiagu imaya kuawaa yuiri Salume, aintausu aintaupiripana pusanga sakuenawaa aintauxari arama Jesus rese.

²Asui kurasi usemu irumu mitu rame aintausu iwi kuara kiti.

³Asui aintaupurungita aintapawa, aintaunyee: —Awataa kuri umutirika yande arama kua ita turusuwaa ita kuara rukena sui?

⁴Asui apekatu suire aintaumaa kua ita turusuwaa uyenuana amu kiti nyãse turusuwaa ae.

⁵Asui aintauwike iwi kuara kiti aintaumaa yepe kurumiwasu uwapika katusawa banda sui iwi kuara upe, murutingawaa ipupekawa ipukuwaa, asui turusu aintaakayemu aintaumaa.

⁶Asui umbeu ainta supe: —Tepeakayemu hakuawate pesikari Jesus Nazare suiwara aintaupregariwaa uyari kurusa rese, usemuana, tiana yamaa ae ike, pemaa sendawa mame aintauxariwaa uyenu.

⁷Pesuana pembeu umbuewaita supe arama Pedru supe yuiri usu arama perunde Galileya kiti akiti kuri pemaa ae kuaye umbeuwaa yawe penye arama.

⁸Asui aintausemu aintauyawawa iwi kuara sui, asui aintauyupiru aintauriri aintausikie resewara, asui tiawa supe aintaumbeu aintausikie resewara.

⁹Asui usemu rire iwi kuara sui mitu kuemaite uyupiru uyukuawa ixupe kua Maria Madalena, kua umburiwaa kuera isui seti demuniu.

¹⁰Asui usu umbeu ainta supe kuaita Jesus rumuaraita kuera sasiyara rame kuera ainta aintauyaxiu.

¹¹Aintausendu rame upaka ae uxari yuiri umaa timaa aintauruyari inyenga kua kunya.

¹²Asui yawewaa rire uyukuawa ainta supe amu yawe kuaita mukuĩwaita aintausuwaa upe uiku kampu kiti.

¹³Asui aintausu aintaumbeu amuita supe arama yuiri, maa timaa aintauruyari aintanyenga kuaita mukuĩwaita.

¹⁴Asui anyu arama Jesus uyukuawa ainta supe kuaita unziwaita aintauwapikawaa upe meza ruaki, asui umbeu ainta nyãse tiaintauruyari santa yuiri aintapia nyãse timaa aintauruyari aintaumbeuwaa kuaita umaawaita ae uyuiri rire upaka.

¹⁵Asui umbeu ainta supe: —Pesuana panye kua mundu upe pembue arama ainta panye ainta supe kua inyenga purangawaa.

¹⁶Kua uxariwaa ipia serese uxari yuiri aintaubatizari ae hamukaturu kuri ae, maa kua tiwa uruyari ipuxuwerasawa uiku kuri sese.

¹⁷Asui kuaita uruyariwaita kuri aintaumunya kuri tiwaita yamunya, aintaumburi kuri demuniwita serera rupi, aintaupurungita apekatuwaraita inyenga rupi,

¹⁸Aintaupisika buya aintaipu irumu, aintauu rame venenu timaa kuri umunya ainta supe puxuwera, aintauxari rame aintaipu aintarese kuaita mãsiweraita ikatu kuri ainta.

¹⁹Ape upurungita rire yaneruixawa Jesus uyusupiri ae iwaka kiti uwapika arama Deus katusawa upe.

²⁰Asui aintausu aintaumbue panye mundu upe, yaneruixawa uajudari ainta, asui umukirimbawa ainta supe inyenga aintaumunya pukusawa milagri aintaukuawa arama supiwa ae.