Read Nhengatu Juão 12 Bible Online

Juão 12 - Nhengatu bible

Juão 12

¹Asui seis ara paskua rundere Jesus usika Betania kiti Lazaru uikuwaa akiti kua usupiriwaa manusawa sui.

²Asui aintaumunya aintaumbau aramawaa Jesus irumu, Marta uajudari ainta maa Lazaru uwapika aintapiterupi meza ruaki Jesus irumu.

³Asui Maria upisika meiu litru sakuenawaa serawaa nardu sipiwasuwaa ae, asui uyusena ae Jesus ipi rese, asui umutikanga ipi iawa irumu, asui aintaupuderi aintausetuna kua sakuenawaa panye uka upe.

⁴Maa kua Juda Iskariute yepe aintasuiwara kuaita umbuewaita kua uentregari aramawaa Jesus suanyanaita supe, unyee:

⁵—Marantaa tiyavenderi kua sakuenawaa trezentu dinyeru sikuyara asui yamee arama kua dinyeru pirasuawaita supe arama?

⁶Yawe unyee tiresewara umanduari pirasuawaita nyãse mundawasu resewara ae, aete usaruwaa aintadinyeru asui uyuka ixupe arama panye aintauxariwaa usaru.

⁷Asui Jesus unyee: —Pexari kua kunya, yawe umunya ixe arama senundere aintaumburi ixe iwi kuara kiti,

⁸Nyãse perumuarate kuaita pirasuawaita yawewarawate, maa ixe timaa perumuara ixe yawewarawate.

⁹Asui aintausendu irumu apete Jesus kuaita judewita aintauri siya ipiri, maa tisesewara anyu aintauri maa aintauputari yuiri aintaumaa Lazaru kua usupiriwaa manusawa sui.

¹⁰Maa kuaita saserdutita ruixawaita aintauputari yuiri aintauyuká Lazaru.

¹¹Nyãse sesewara siya judewita aintauxari ainta aintauxari arama aintapia Jesus rese.

¹²Asui wirande kiti kuaita miraita siyawaita uriwaita aintaumaa festa kiti aintausendu Jesus uri Jeruzalẽ kiti.

¹³Asui aintaumunuka kaa asui aintausu suaxara, asui aintausasemu kirimbawa aintaunyee: —Uzana, purangawaa kua uriwaa yaneruixawa rera rese, kua Israelitaita ruixawa.

¹⁴Asui Jesus uwasemu yepe jumentu miri asui uwapika sese maye aintaumpinimawaa yawe kuxima,

¹⁵Teresikie inde sião rayera, remaa uriana kua neruixawa uwapika jumentu miri rese.

¹⁶Asui umbuewaita tiaintaukuawa mayesawataa ae, maa uyuiri rire iwaka kiti kua Jesus asui aintaumanduari kua aintaumpinimawaa kuxima sese maitaa yuiri aintaumunya ixupe panye.

¹⁷Asui aintaumbeu sese panye kuaita siyawaita umaawaita usenui irumu Lazaru iwi kuara sui usupiri ae manusawa sui.

¹⁸Sesewara kuaita siyawaita aintausu suaxara nyãse aintausendu sesewara umunya kua milagri.

¹⁹Asui kuaita farizewita aintauyupurungita, aintaunyee: —Pemaa, timaa nungara yapuderi yamunya ixupe nyãse panye kuaita miraita aintausu sakakuera.

²⁰Ape aikue yepeyepe greguita aintapiterupi kuaita usuwaita festa kiti aintaumee arama purangawaa.

²¹Asui aintausu Filipe ipiri kua Betisaida Galileya suiwara, aintaunyee ixupe arama: —Yaneanama, yaputari yamaa Jesus.

²²Asui Filipe umbeu Andre supe, asui Andre usu Filipe irumu aintaumbeu arama Jesus supe arama.

²³Asui Jesus usuaxara ainta, unyee: —Usikana sangawa aintaumee arama ixupe arama purangawaa turusu kua unaseriwaa umaa kua mundu.

²⁴Supiwa hambeu penye arama: —Tirame umanu kua awati karusu uwariwaa iwi upe uiku yepenyu, maa umanu rame uriku kuri siyapiri iya.

²⁵Awa ugustari sikuesawa ukanyemu kuri isui sikuesawa, maa awa tiugustari sikuesawa kua mundu upe uwasemu kuri sikuesawa mundu tiwa upawa kiti.

²⁶Awa upuraki ixe arama urikute usu serakakuera uiku arama kuri haikuwaa upe kua upurakiwaa ixe arama, asui sepaya urespetari kuri ae.

²⁷Kuiri sasiyara sepia, asui maitaa kuri hambeu? Maitaa hambeu, inde sepaya remukaturu ixe isui kua ura? Timaa hambeu yawe, maa hayuiri hapurara arama.

²⁸Inde sepaya, kuiri rexari purangawaa nerera resewara. Asui aintausendu yepe nyenga iwaka sui unyee: —Haxariana purangawaa serera resewara asui haxari yuiri mukuĩsawa purangawaa serera resewara.

²⁹Asui kuaita miraita apewaraita aintausendu rire kua nyenga, aintaunyee: —Tiapuana truvão. Asui amuita unyee: —Yepe anju upurungita irumu.

³⁰Asui Jesus umbeu ainta supe: —Umbaa uri seresewara kua inyenga maa uri peresewara.

³¹Kuiri usikana sangawa umbeu arama aintapekadu rese kuaita mundu puraita, kuiri umburi kuri kua mundu ruixawa.

³²Asui aintausupiri irumu kuri ixe iwi sui haxari kuri aintauri sepiri muiri ainta.

³³Yawe unyee uxari arama aintaukuawa mayetaa kuri umanu.

³⁴Asui kuaita miraita siyawaita aintaunyee ixupe: —Yasendu Muize umbeu yawewarawate kuri uiku kua Kristu, asui marantaa rembeu kuiri urikute uxari aintausupiri kua unaseriwaa umaa kua mundu? Awataa kua unaseriwaa umaa kua mundu?

³⁵Asui Jesus unyee ainta supe: —Kua turi uiku kutarantuana peirumu, pewata aikue pukusaware turi yawaite pitunawasu upisika penye, kua uwatawaa pitunawasuwaa upe tiukuawa maa kititaa usu.

³⁶Pexari pepia sese kua turi aikue pukusaware ae tairaita arama kuri penye. Asui umbeu rire kua nyenga usuana aintasui, asui uyumimi aintasui.

³⁷Umunya pukusawa siya milagri aintaumaa arama maa tiaintauxari aintapia sese.

³⁸Yawe aintaumunya; aintaumunya arama umbeuwaa yawe kua utitikawaa Izaia, yawe unyee: —Seruixawa awataa uruyari kua yambeuwaa? Awa supetaa umukame aintaumaa yaneruixawa iyuwa kirimbawawaa?

³⁹Sesewara tiaintaupuderi aintauxari aintapia sese nyãse Izaia umbeu mukuĩsawa.

⁴⁰Uxari sesaima ainta, uxari santawaa aintapia tiarama aintaumaa aintaresa irumu tiarama aintaukuawa aintapia upe yawaite aintauyereu sekiti hamukaturu arama ainta.

⁴¹Yawe unyee kua Izaia nyãse umaa ukuawasawa asui umbeu sesewara.

⁴²Maa siya aintasuiwara kuaita serakuenawaita aintauxari aintapia sese, maa tiaintaumbeu aintaresewara farizewita resewara yawaite aintaumburi ainta sinaguga sui.

⁴³Nyãse aintaugustari piri apigawaita umeewaa ainta supe arama purangawaa isui kua purangawaa Deus umeewaa ainta supe arama.

⁴⁴Asui Jesus usasemu unyee: —Awa uxari ipia serese tiuxari ipia serese maa uxari ipia sese kua umunduwaa ixe.

⁴⁵Asui awa umaa ixe umaa yuiri kua umunduwaa ixe.

⁴⁶Hayuiri kua mundu kiti maye kua turi yawe tiarama aintauiku pitunawasuwaa upe panye kuaita uxariwaita aintapia serese.

⁴⁷Awa usendu kua senyenga tirame uruyari ae tikuri hambeu puxi sese, nyãse tihayuiri hambeu arama puxi aintarese kuaita mundu puraita, maa hayuiri hamukaturu arama ainta.

⁴⁸Urikute yepe umbeuwaa sese kua tiwa ureseberi ixe kua tiwa usuanti hambeuwaa, kua hambeuwaa umbeu kuri sesewara anyu aramawaa ara upe.

⁴⁹Nyãse tiserimutara hapurungita maa sepaya kua umunduwaa ixe umundu ixe mayetaa hapurungita arama senyenga yuiri.

⁵⁰Hakuawate mundu nunkawaa upawa kua umunduwaa. Ape kua hambeuwaa hambeute ae kuaye sepaya umunduwaa yawe hambeu arama.