Read Nhengatu Juão 20 Bible Online

Juão 20 - Nhengatu bible

Juão 20

¹Asui kuemaite mitu rame Maria Madalena usu iwi kuara kiti asui umaa aintaumutirikana isui kua ita.

²Asui uyuiri uyana Simão Pedru piri, ipiri yuiri kua amu Jesus umbuewaa ugustariwaa, unyee ainta supe: —Aintauyuka yaneruixawa iwi kuara sui tiyakuawa maa kititaa aintauxari ae.

³Asui Pedru usemu ukara kiti irumu kua amu umbuewaa, asui aintausu iwi kuara kiti.

⁴Asui aintauyana kuaita mukuĩwaita, maa kua amu umbuewaa uyana Pedru runde asui ae usika primeru iwi kuara kiti.

⁵Asui uyawika umaa iwi kuara kiti asui umaa kua fazenda, maa tiuwike iwi kuara kiti.

⁶Asui Simão Pedru usika sakakuera asui uwike iwi kuara kiti, asui umaa kua fazenda,

⁷Asui umaa kua lensu uikuwaa Jesus iakanga rese uiku amu kitiana fazenda sui.

⁸Asui kua umbuewaa usikawaa primeru iwi kuara kiti uwike yuiri asui umaa supiwa asui uruyari ae.

⁹Nyãse tire aintaukuawa mayesawataa kua Deus nyenga umbeuwaa, urikute upuamu manusawa sui.

¹⁰Asui kuaita umbuewaita aintauyuiri uka kiti.

¹¹Maa Maria uikure iwi kuara rukena ruaki, uyaxiu uiku. Asui uyaxiu irumu uyawika umaa iwi kuara kiti.

¹²Asui umaa mukuĩ anjuita murutingawaa aintarupa, aintauwapika Jesus ipira uikuwaa kuera akiti, yepe uwapika iakanga sui amu uwapika ipi banda sui.

¹³Asui aintaupurandu ae: —Kunya marantaa reyaxiu? Asui usuaxara ainta, unyee: —Aintaurasu seruixawa tihakuawa maa kititaa aintauxari ae.

¹⁴Asui umbeu irumu yawe uyereu umaa Jesus upuamu, maa tiukuawa Jesus ae.

¹⁵Asui Jesus unyee ixupe: —Kunya marantaa reyaxiu? Awataa resikari? Asui umaite usaruwaa iwi kuara ae, unyee ixupe: —Hasikari seruixawa, rerasu rame ae rembeu hasendu mametaa rexari ae harasu arama kuri ae.

¹⁶Asui Jesus unyee ixupe: —Maria. Asui uyereu unyee ixupe ebrewita nyenga rupi, rabuni, yawesawa umbuesara ae.

¹⁷Asui Jesus unyee ixupe: —Terepisika ixe, nyãse tire hasu sepaya ipiri, maa resu seanamaita ipiri rembeu ainta supe arama, hasu sepaya ipiri pepaya ipiri yuiri, hasu seDeus ipiri peDeus ipiri yuiri.

¹⁸Asui Maria Madalena usu umbeu ainta supe kuaita umbuewaita: —Hamaawana yaneruixawa! Asui umbeu ainta supe arama panye umbeuwaa ixupe.

¹⁹Asui karuka rame mitu rame aintausikindawa irumu panye ukena mame aintauyumuatiriwaa kuaita umbuewaita nyãse aintausikie judewita sui, asui Jesus uri upuamu aintapiterupi, unyee ainta supe: —Timaarese peiku.

²⁰Umbeu irumu ainta supe kua inyenga umukame aintaumaa ipu iarukanga yuiri. Asui suuri kuaita umbuewaita nyãse aintaumaawana aintaruixawa.

²¹Asui Jesus unyee yuiri ainta supe: —Timaarese peiku. Kuaye sepaya umunduwaa yawe ixe yawete yuiri hamundu penye.

²²Asui umbeu rire kua inyenga upeyu aintarese unyee ainta supe: —Pereseberi kua Espiritu Santu pepia upe.

²³Awa kuri peperduari isui ipekadu usasawa kuri isui ae, tirame peperduari ipekadu uiku kuri sese ipekadu.

²⁴Asui kua Tume aintauserukawaa Didimu yepe aintasuiwara kuaita duziwaita tiyamaa aintairumu ae Jesus uri irumu aintapiri.

²⁵Asui kuaita amuita umbuewaita aintaunyee ixupe: —Yamaawana yaneruixawa. Maa usuaxara ainta, unyee ainta supe: —Tirame hamaa pregu rapee ipu rese, tirame haxari sededu ape, tirame haxari yuiri seipu iarukanga upe tikuri haruyari.

²⁶Asui uitu dia rire umbuewaita aintauyumuatiri yuiri uka upe, Tume aintairumu, aintausikindawa santa panye ukena, asui Jesus uri upuamu aintapiterupi unyee ainta supe arama: —Timaarese peiku.

²⁷Asui unyee Tume supe: —Remaa seipu, rexari nededu ape asui rexari yuiri neipu searukanga upe, tereiku tiwa uruyari yawe maa reruyari puranga.

²⁸Asui Tume usuaxara ae unyee: —Seruixawa, seDeus.

²⁹Asui Jesus unyee ixupe: —Maitaa reruyari remaa resewara ixe? Suuri kuri kuaita uruyariwaita tipukusaware aintaumaa ixe.

³⁰Jesus umunya siya xinga milagrita umbuewaita umaa arama tiwaita hampinima kua papera upe.

³¹Maa kuaita hampinimawaita hampinima ainta peruyari arama Kristu kua Jesus, Deus raira ae, periku arama kuri mundu tiwa upawa peruyari resewara sera rese.