Read Nhengatu Atu 18 Bible Online

Atu 18 - Nhengatu bible

Atu 18

¹Asui arire Paulu usu Atena sui, Kurintu kiti.

²Asui uwasemu yepe apigawa serawaa Akila judeu ae Puntu suiwara ae irumute kua ximiriku serawaa Prisila, amu kuese rupire usika Italia sui nyãse aintaruixawa Klaudiu umundu panye judewita aintausu arama Ruma sui. Asui Paulu umusuaki ainta.

³Nyãse aintayuiri upurakiwaita, aintaumunya baraka enseradu suiwara, asui uiku aintairumu.

⁴Asui muiri sauru uyupurungita aintairumu aintasinaguga upe, asui umuserana siya judewita greguita yuiri.

⁵Asui Paulu umbue kua nyenga Sila Timuteu aintauri irumu Masedunia sui, umbeu ainta supe kuaita judewita Kristu kua Jesus.

⁶Asui aintaumuruanyana irumu ae aintaukasuari yuiri ae apete umutumu ipupekawa asui umbeu ainta supe: —Penyete periku kulpa, ixe tihariku kulpa, kuiri hasu hambue kuaita tiwaita judeu.

⁷Asui utirika aintaruka sui usu yepe apigawa ipiri serawaa Tisiu Justu umanduariwaa kua Deus supiwa, sinaguga ruakintu suka.

⁸Asui Krispu kua usaruwaa aintasinaguga uxari ipia yaneruixawa rese panye kuaita suka puraita yuiri, asui siya Kurintu upewaraita aintauxari aintapia yaneruixawa rese aintausendu rire inyenga, asui aintaubatizari ainta.

⁹Asui yepe pituna rame Yaneruixawa umbeu Paulu supe ikerupiwaa upe: —Teresikie rembeu ainta supe terekiriri maa rembeu.

¹⁰Nyãse neirumute ixe, tikuri awa upisika inde uyuká arama inde, nyãse hariku siya semiraita aramawaa ike kua tetama upe.

¹¹Asui uiku aintairumu yepe akayu asui seis yasi yuiri umbue ainta Deus nyenga rese.

¹²Maa aintaruixawa rame kua Galiu Akaia upe asui panye kuaita judewita aintaupisika Paulu asui aintaurasu ae serakuenawaita ipiri.

¹³Aintaumbeu: —Kua apigawa umuserana kuaita apigawaita aintauruyari arama Deus amu kiti Deus nyenga kuximawara sui.

¹⁴Asui Paulu uputari irumu umbeu asui kua Galiu umbeu ainta supe kuaita judewita: —Penye judewita, umunya rame maa puxuwerawa hasendu maa penye arama,

¹⁵Maa kuiri peyumaramunya retentu nyenga irumu amu rera rese yuiri kua penyenga kuximawara rese yuiri, haxari penyepawate pemaa maye pemunya ixupe arama sesewara.

¹⁶Asui umundu aintauyuiri isui.

¹⁷Asui muiri ainta aintaupisika Susteni yepe usaruwaa sinaguga asui aintaunupa ae ukara kiti, maa timaa arama ixupe arama ae kua Galiu.

¹⁸Maa Paulu uikure aintairumu siya ara yawewaa rire, asui umbeu sesewara asui usu Siria kiti, urasu irumu kuaita Prisila Akila yuiri. Asui Senkreia upe uxari aintauyapina isui iawa nyãse yawe umbeu Deus supe.

¹⁹Asui usika Efezu kiti asui uxari ainta ape, asui uwike sinaguga kiti umbue kuaita judewita.

²⁰Asui aintauputari uikure aintairumu maa tiuputari.

²¹Maa umbeuwaa irumu sesewara umbeu ainta supe: —Deus uputari rame hayuiri mukuĩsawa pepiri. Asui uwiye naviu upe usu arama Efezu sui.

²²Asui uyari irumu Sezareya upe usemu umaa kuaita ingreja puraita asui usuana Antiukia kiti.

²³Asui uiku rire aintairumu yepeyepe ara usu aintasui usu arama umaa ainta panye aintaretama yaweyawe Galasia upe Frijia upe yuiri asui umukirimbawa panye uruyariwaita.

²⁴Asui yepe apigawa usika Efezu kiti Alexandria suiwara ae serawaa Apulu, judeu ae, puranga umbue Deus nyenga rese kirimbawa.

²⁵Aintaumbuewaa ae yaneruixawa rapee rese kirimbawa umanduari ipia upe, asui umbue ainta satambika Jesus rese, maa anyunte ukuawa kua Juão batizmu rese.

²⁶Asui uyupiru umbue ainta sinaguga upe tiutiĩ, asui Prisila usendu ae Akila yuiri asui aintaurasu ae aintairumu asui aintaumbeu ixupe satambika sese kua yaneDeus rapee.

²⁷Asui kuaita uruyariwaita aintaumusuuri ae nyãse uputari uyasawa Akaia kiti, asui aintaumpinima papera ainta supe kuaita uruyariwaita apewaraita aintausuanti arama ae puranga. Asui usika rame akiti uajudari ainta puranga kuaita uxariwaita aintapia Deus rese igrasa resewara.

²⁸Asui kirimbawa umuserana kuaita judewita aintaumaawaa upe panye, uxari aintaukuawa Deus nyenga irumu Kristu kua Jesus.