Read Nhengatu Atu 25 Bible Online

Atu 25 - Nhengatu bible

Atu 25

¹Asui uwike rire guvernu arama tetama upe kua Festu, asui musapiri ara rire usu Sezareya sui Jeruzalẽ kiti.

²Asui kutarantu aintaumbeu ixupe puxi sese kua Paulu panye saserdutita ruixawaita yuiri kuaita judewita ruixawa yuiri, asui aintaupurandu ae.

³Aintaupurandu ae umundu arama Paulu Jeruzalẽ kiti, nyãse aintauputari aintauyuká ae uyumimisawa upe pee rupi.

⁴Maa Festu unyee ainta supe: —Prezu uiku kua Paulu Sezareya kiti, asui kutara kuri ixe yuiri hasu akiti.

⁵Asui unyee ainta supe: —Awa pruntuwaa pesuiwara usu seirumu, asui ape aikue rame puxi sese pepurandu kuri ae umbeu kuri sesewara.

⁶Asui uiku rire aintairumu uitu u dezi ara anyunte uyuiri Sezareya kiti, asui wirande kiti usu uwapika serakuenawaita uwapikawera upe, asui umundu aintaurasu ixupe kua Paulu.

⁷Asui usika rire anyunte aintaupuamu suaki kuaita judewita uriwaita Jeruzalẽ sui, asui turusu aintaumbeu sese puxuwera, maa tiaintaupuderi aintaumukame umaa supiwa aintaumbeuwaa.

⁸Maa Paulu uyumbeu sesewara, unyee: —Tihamunya puxi Deus nyenga kuximawara rese, tiyuiri hamunya puxi templu supe, tiyuiri hamunya puxuwera Sezar supe.

⁹Asui uputari resewara puranga aintaumaa ixupe Festu unyee Paulu supe: —Maitaa reputari resu Jeruzalẽ kiti aintaumbeu arama neresewara hamaawaa upe?

¹⁰Asui Paulu unyee ixupe: —Kuiri haiku aintaumaa ixe arama kuaita Sezar serakuenawaita, aintayuiri aintaurikute aintaumbeu serese, timaa hamunya puxi ainta supe kuaita judewita, rekuawate.

¹¹Ape hamunya rame maa puxi, hamunya rame maantu puxuwerawa peyuká arama ixe, suuri ixe hamanu arama. Maa tirame maa resewara aintaumbeu seresewara kuaita judewita, timaa awa upuderi uxari ixe aintaipu kiti umusuuri arama ainta. Haputari haxari Sezar umbeu seresewara.

¹²Asui upurungita rire aintairumu kuaita serakuenawaita Festu usuaxara ae: —Reputari resu Sezar ipiri, akiti kuri resu.

¹³Asui yepeyepe ara rire kua tuixawa Agripa asui Berenise yuiri aintausu Sezareya kiti aintaumaa arama festa.

¹⁴Uiku resewara irumu yepeyepe ara Festu umbeu tuixawa supe Paulu resewara, unyee ixupe: —Felix uxari prezu yepe apigawa,

¹⁵Asui haiku irumu Jeruzalẽ upe kuaita saserdutita ruixawa serakuenawaita yuiri judewita aintaumbeu ixe arama puxi sese, asui aintauputari haxari puxuwerawa uiku ae.

¹⁶Asui hambeu ainta supe arama kuaita Ruma suiwaraita tiarama aintauxari puxuwerawa yepe tirame umaa kuaita umbeuwaita puxi sese uyumbeu arama sesewara.

¹⁷Asui aintauyumuatiri sepiri, asui kutara wirande kiti hasu hawapika serakuenawaita uwapikawera upe asui hamundu aintaururi kua apigawa.

¹⁸Asui aintaupuamu kuaita aintaumbeuwaa puxi sese, maa tiaintaumbeu puxi sese kuaye hamanduariwaa yawe.

¹⁹Asui aintaumbeu sese puxi sesewara kua aintauruyariwaa aintapawa, asui umbeu yuiri yepe apigawa umanuwaa ae serawaa Jesus kua Paulu umbeuwaa sese upakate ae.

²⁰Asui tiresewara hapuderi hakuawa hapurandu ae hakuawa arama supiwa sese hapurandu ae uputari usu Jeruzalẽ kiti aintaumbeu arama sese akiti.

²¹Asui Paulu upurandu ixe haxari arama Sezar umbeu sese, asui hamundu aintaumprezure ae ate hamundu ae Sezar ipiri.

²²Asui Agripa umbeu Festu supe: —Ixe yuiri haputari hasendu ixupe. Asui usuaxara ae: —Wirande kuri resendu ixupe.

²³Asui wirande kiti Agripa uri kua Berenise yuiri aintayara purangawa irumu, asui aintauwike aintaumuatiriwerawaa kuaita kumandanti kuaita yuiri serakuenawaita aintarendawa upe. Asui Festu umundu aintaururi aintapiri Paulu.

²⁴Asui Festu umbeu: —Inde tuixawa Agripa, panye penye yuiri penye uyatiriwaita yaneirumu pemaa kua apigawa, sesewara panye kuaita judewita siyawaita aintauri sepiri Jeruzalẽ kiti ike yuiri kua tendawa, aintaumbeu ixe arama tipuranga upaka kua apigawa.

²⁵Maa timaa hawasemu puxi sese umanu arama maa ae sesewara, ape upurandu sesewara haxari arama Sezar usendu ixupe asui haputari hamundu ae.

²⁶Maa timaa hakuawa mayetaa kuri hampinima seruixawa supe sese, asui haruri ae pesendu arama ixupe penye, inde yuiri inde tuixawa Agripa asui yasendu rire kuri ae hakuawa hampinima sesewara.

²⁷Nyãse hamanduari timaa puranga hamundu yepe prezu tirame hambeu yuiri maa resewarataa aintaumbeu puxi sese.