Read Nhengatu Atu 3 Bible Online

Atu 3 - Nhengatu bible

Atu 3

¹Asui karuka rame Pedru Juão yuiri aintausu templu kiti aintaupurandu arama Deus irumu.

²Asui amuita aintaurasu yepe alejaduwaa unaseri, aintauxariwaa muiri ara templu rukena upe serawaa Purangawaa upurandu arama esmula aintairumu kuaita uwikewaita akiti.

³Asui umaa irumu Pedru Juão yuiri aintauwike templu kiti upurandu aintairumu esmula.

⁴Asui Pedru umaa ixupe satambika Juão yuiri, asui umbeu ixupe: —Remaa yande arama.

⁵Asui umaa ainta supe puranga, usaru aintaumee ixupe esmula.

⁶Maa Pedru umbeu ixupe: —Tihariku prata nẽ uru maa haxari inde arama kua harikuwaa; repuamu rewata sera rese kua Jesus Kristu Nazare suiwara.

⁷Asui upisika ae ipu katusawa irumu asui usupiri ae, asui apete kirimbawa ipi uyumuapirisawa yuiri.

⁸Asui upuri upuamu asui uwike aintairumu templu kiti, asui upuri umee purangawaa Deus supe.

⁹Asui panye mira aintaumaa ae uwata umee purangawaa Deus supe.

¹⁰Asui aintaukuawa aete ae kua uwapikawaa upurandu esmula aintairumu templu rukena upe serawaa Purangawaa, asui aintaakayemu aintaumaa maye kua usasawawaa sese.

¹¹Umusuaki irumu Pedru Juão yuiri, panye kuaita miraita aintaakayemu aintaumaa, asui aintauyana aintapiri kupiara kiti serawaa Salumão.

¹²Asui Pedru umaa irumu ainta, umbeu ainta supe kuaita miraita: —Penye israelitaita, marantaa peakayemu pemaa sese kua? Maitaa pemaa yande nyãse yaxari uwata kua apigawa yakuawasawa irumu u yanepurangasawa irumu?

¹³Kua Abraão Deus, Izaki Deus, Jaku Deus yuiri, aintaDeus yuiri kuaita yaneramunyaita uxariana yakuawa purangawaa sese kua Taira Jesus, kua pexariwaa suanyanaita supe, kua pemburiwaa Pilatu umaa uputariwaa irumu uyurawa ae.

¹⁴Maa pemburiana kua ikiaimawaa ipia, kua purangawaa, asui pepurandu uyurawa penye arama yepe uyukáwaa mira.

¹⁵Asui peyuká kua uyupiruwaa uxari yapaka, asui Deus usupiri ae manusawa sui ape yambeu sesewara nyãse yamaa ae.

¹⁶Asui yaxari resewara yanepia sera rese, uxari kirimbawa kua apigawa pekunyeseriwaa, yaxari resewara yanepia sese purangate kua apigawa pemaawaa upe muiri penye.

¹⁷Kuiri penye semuita, hakuawa pemunya ae tiresewara pekuawa, yawete yuiri kuaita umunduwaita penye.

¹⁸Maa usasawa panye kua Deus umbeuwaa aintayuru sui panye kuaita utitikawaita upurara arama kua Kristu kua Deus yara.

¹⁹Pemanduari sasiyara pepekadu petrukari pemanduariwaa uperduari arama pesui pepekadu.

²⁰Yaneruixawa uxari arama pepitu kuri puranga umundu arama kuri penye arama kua Kristu kua Jesus aintaumbeuwaa sese penye arama.

²¹Maa urikute uiku iwaka kiti Deus umunya arama panye kua umbeuwaa aintayuru sui kuaita utitikawaita purangawaita.

²²Supiwa Muize umbeuwaa kuera: "Yaneruixawa Deus usupiri kuri yepe utitikawaa peimuita pitera sui kuaye usupiriwaa yawe ixe, pesendu kuri ixupe panye umbeuwaa.

²³Ape kuri panye kuaita tiwaita usendu ixupe kua utitikawaa aintaukanyemu kuri aintapitera sui kuaita miraita."

²⁴Asui muiri kuaita utitikawaita kuera aintaumbeu, Samuel umbeu, asui muiri kuaita sakakuerawaraita yuiri aintaumbeu sese kua ara kuiriwaa.

²⁵Penyete aintarairaita kuaita utitikawaita kuera, penyete periku aramawaita kua Deus umbeuwaa peramunyaita supe umbeu irumu Abraão supe: —Nerimiariru irumu haabensuari kuri panye kuaita miraita kua mundu upe.

²⁶Asui Deus usupiri Taira asui uyupiru umundu ae pepiri uabensuari arama penye peyereu irumu pepuxuwerasawa sui.