Read Nhengatu Rumawaraita 3 Bible Online

Rumawaraita 3 - Nhengatu bible

Rumawaraita 3

¹Maitaa aintauriku purangawaa amuita sui kuaita judewita? Maitaa uajudari ainta kua sirkunsizão?

²Supite panye maa rese. Yayupiru yambeu, nyãse Deus uxari judewita supe inyenga.

³Asui maitaa ainta tirame aintauruyari yepeyepe aintasuiwara? Maitaa tiresewara aintauruyari uxari tisupiwa kua Deus?

⁴Umbaa. Pexari supiwa kua Deus aintauganani rame maa panye apigawaita. Kuaye aintaumpinimawaa yawe kuera: "Nenyenga irumu puranga aintaumaa inde, remuserana ainta aintaumbeu irumu neresewara."

⁵Maitaa kuri yambeu yanepuxuwerasawa uxari rame yakuawa purangawaa kua Deus? Maitaa puxi Deus umunya ipiaiwa resewara umaa yande? Ixe hapurungita kuaye apigawa yawe.

⁶Umbaa. Yawe rame ape maa upuderi umbeu aintaresewara kuaita mundu puraita.

⁷Asui haganani rame uxari rame aintaukuawa supiwa kua Deus aintaumee arama ixupe arama purangawaa, ape marantaa aintaumbeu serese puxuwerawa ixe?

⁸Asui marantaa tiyamunya aintayawe yepeyepe ugananiwaita yanerese, aintaumbeu: —Yasu yamunya yanepuxuwerasawa usemu arama purangawaa isui kua yamunya. Puxi kuri Deus umaa ainta.

⁹Asui maitaa? Maitaa yariku purangawaa yande judewita aintasui kuaita amuita? Umbaa. Nyãse hamukameana aintaumaa puxuwerawaita yande panye, yawete yuiri kuaita judewita panye greguita yuiri.

¹⁰Kuaye aintaumpinimawaa yawe: "Tiyamaa purangawaa, nẽ yepe.

¹¹Tiawa ukuawa puranga, tiawa uputari Deus.

¹²Uyusupariwaa ainta panye, yepewasute aintauyumutenyuntu, tiawa umunya puranga, tiyamaa yepe purangawaa.

¹³Aintakurukawa iwi kuara rukena, aintaapeku irumu aintauganani, buya venenu uiku aintayuru upe.

¹⁴Teresemu aintayuru puxuwerawa irumu irawa irumu yuiri.

¹⁵Aintaipi kutara urasu ainta aintaumburi arama tuwi,

¹⁶aintaumuaiwa panye maa kiti aintauwata aintaupuraki yuiri.

¹⁷Tiaintaukuawa kua timaaresesawa pee.

¹⁸Tiaintausikie Deus sui."

¹⁹Kuiri pekuawa kua Deus nyenga kuximawara umbeuwaa umbeu ainta supe arama panye kuaita iwira kiti aintaukiriri arama panye, aintauriku arama kuri puxuwerawa panye kuaita mundu puraita Deus umaa.

²⁰Tiawa puranga umaa uruyari resewara kua Deus nyenga kuximawara, nyãse kua Deus nyenga Kuximawara umbeu satambika yanepuxuwerasawa rese.

²¹Maa kuiri Deus nyenga kuximawara sui Deus uxari yakuawa purangawaa ae, asui Deus nyenga kuximawara umbeu sesewara, aintayuiri kuaita utitikawaita.

²²Purangawaa Deus umaa ainta supe panye kuaita uxariwaita aintapia Jesus Kristu rese. Nyãse tiuparawaka umaa kuaita miraita.

²³Nyãse aintaumunya aintapuxuwerasawa panye, asui watari ainta supe ipurangasawa kua Deus.

²⁴Asui uxari penye purangawaa irumu kua ipurangasawa irumu kua salvasão Kristu Jesus rese.

²⁵Asui kua Deus uxariwaa upiripana yande suwi irumu yaruyari resewara ae. Yawe umunya uxari arama yakuawa purangawaa kua Deus nyãse purangawaa resewara ipia uxari yanepuxuwerasawa kuximawara usasawa yanesui.

²⁶Uputari uxari yakuawa kuiri umee kua purangawaa umee kua umpurangasara panye kuaita uruyariwaita Jesus.

²⁷Asui maitaa kuri kua yambeuwaa puranga yaneresewara? Sikuyaraimawaa ae. Maa resewarataa sikuyaraimawaa ae? Maitaa sikuyaraimawaa ae yamunyawaita resewara? Umbaa, maa sikuyaraimawaa ae sesewara kua yaruyariwaa.

²⁸Nyãse yambeu puranga Deus umaa kuaita apigawaita aintauxari resewara aintapia sese isui kua panye aintaumunyawaita.

²⁹Maitaa anyunte judewita Deus kua Deus? Maitaa tiserá aintaDeus kuaita tiwaita judeu? Ẽẽ, aete aintaDeus yuiri kuaita tiwaita judeu.

³⁰Yepenyute kua Deus. Puranga kuri umaa kuaita usirkunsidariwaita aintauxari resewara aintapia sese, asui puranga kuri umaa kuaita tiwaita usirkunsidariwaita aintauxari resewara aintapia sese.

³¹Maitaa yamutenyuntu Deus nyenga kuximawara irumu kua yaruyariwaa? Umbaa, anyunte yaxari kirimbawa ae.