Read Nhengatu 1 Kurintuwaraita 5 Bible Online

1 Kurintuwaraita 5 - Nhengatu bible

1 Kurintuwaraita 5

¹Kuxima hasendu sesewara yepe pesuiwara umunya puxuwerawa ipira irumu. Umunya puxuwera piri tiwaita judeu sui; tiawa upuderi uiku ipaya rimiriku irumu aintasuiwara kuaita tiwaita judeu.

²Asui pemanduari puranga penye amuita sui. Marantaa tisasiyara penye? Marantaa tipetiari pesui kua umunyawaa ipuxuwerasawa turusu?

³Timaa haiku pepiterupi sepira irumu maa hamanduari penye sepia upe, ape hambeu penye kuaye hambeuwaa yawe haiku rame maa peirumu, hambeu maitaa kuri pemunya arama ixupe kua umunyawaa puxuwerawa.

⁴Yaneruixawa Jesus rera rese hamanduarisawa pemanduarisawa irumu kua Jesus yaneruixawa kirimbawasawa rupi,

⁵Perikute pexari kua apigawa Yurupari supe umukanyemu arama kuri ipira maa umukaturu kuri ipia uri rame kuri kua yaneruixawa.

⁶Timaa supiwa kua pembeuwaa perese. Tiserá pekuawa kuaira kua maniaka ambeka saiwaa ae uxari sai panye aintaukitikawaa.

⁷Ape petiari pesui kua maniaka ambeka kuximawara pisasua arama kuri penye, nyãse maniaka ambeka saiwaa usasawana pesui. Kuxima aintauyuká yaneresewara yanekurderu Kristu.

⁸Ape pexari yau Deus irumu kua seẽwaa purangawaa supiwa, timaa irumu kua maniaka ambeka kuximawara uxariwaa yamunya panye yanepuxuwerasawa.

⁹Kuxima hampinima penye arama sepapera upe tiarama peajudari kuaita umunyawaita tenyuntu ipira irumu.

¹⁰Tihambeu aintaresewara kuaita tiwaita uruyari umunyawaita tenyuntu, tiyuiri umuasiwaita, tiyuiri mundawasuita, tiyuiri uruyariwaita idulu yawaite perikute pesu kua mundu sui.

¹¹Maa hampinima penye arama tiarama peajudari kua ingreja supe arama umunyawaa tenyuntu ipira irumu, umuasiwaa yuiri, upuranduwaa idulu irumu, upurungitawaa marandua puxuwerawa, ukauwaa yuiri, mundawasu yuiri. Tepembau irumu kua umunyawaa yawewaa.

¹²Tiyambeu aintaresewara kuaita tiwaita yanerumuaraita, maa yambeu arama aintaresewara kuaita ingreja supe arama.

¹³Nyãse Deus kuri umbeu aintarese kuaita tiwaita uruyari yaneirumu. Kuiri petiari pesui kua umunyawaa puxuwerawa.