Read Nhengatu 2 Kurintuwaraita 2 Bible Online

2 Kurintuwaraita 2 - Nhengatu bible

2 Kurintuwaraita 2

¹Hamanduari ixe arama sepia upe, tikuri hamaa pepiri sasiyara rame hamanduari penye.

²Hamusasiyara rame penye awataa kuri upuderi umusuuri ixe? Anyunte kuaita hamusasiyarawaita.

³Hampinima penye arama papera tiarama aintaumusasiyara ixe kuaita urikuwaita umusuuri arama ixe hayuiri rame hamaa pepiri, nyãse kuiri kuri hamanduari puranga penye suuri arama kuri penye seirumu kuaye seyawe.

⁴Kuxima hampinima penye arama sepia sui sasiyara hapurara rame, hayaxiu irumu turusu hampinima penye arama, timaa hamusasiyara arama penye, maa pekuawa arama hagustari penye turusu.

⁵Maa yepe umusasiyara rame ixe timaa umusasiyara ixenyu, maa penye yuiri yepeyepe, kuaye hanyee yawaite kirimbawa hambeu perese penye.

⁶Ape usikana, aintaupuderiana aintauxari upurara kuaita siyawaita.

⁷Ape kuiri peperduari peirumu ae pemusuuri ae tiarama sasiyarasawa uyuká ae.

⁸Ape kirimbawa hambeu penye, pexari ukuawa mukuĩsawa pegustari ae.

⁹Ape hampinima penye arama hamaa arama maitaa peruyari kua hambeuwaa panye penye arama.

¹⁰Awa peperduari peirumu, haperduari yuiri seirumu ae, haperduari rame awantu haperduari seirumu ae peresewara Kristu umaa.

¹¹Tiarama kuri Yurupari umuserana yande nyãse yakuawa mayetaa uganani miraita.

¹²Asui hayuiri irumu Truadi kiti hambeu penye arama kua inyenga purangawaa Kristu rese, hawasemu turusu kua semuraki.

¹³Maa timaarese haiku nyãse tihawasemu kua semu Titu akiti, ape hambeu seresewara hayuiri aintasui hasu arama Masedunia kiti.

¹⁴Kuiri hamee purangawaa Deus supe, nyãse Kristu irumu uxari yamuserana Yurupari yawewarawate, asui uxari aintaukuawa arama yaneyuru sui panye kua inyenga sakuenawaa Kristu rese panye aintarendawa upe.

¹⁵Nyãse yandete kua sakuenawaa Kristu rese Deus umaa aintapiterupi kuaita umukaturuwaita aintapiterupi yuiri kuaita ukanyemuwaita.

¹⁶Yaxari aintaukuawa umanu kuri ainta Deus sui Kuaita tiwaita uruyari. Yaxari aintaukuawa upaka kuri ainta kuaita uruyariwaita. Awataa upuderi umunya panye maa kuayewaa?

¹⁷Timaa aintayawe yande kuaita siyawaita uganyariwaita aintamaa arama Deus inyenga rese, maa yambue kua Deus inyenga supiwa kuaye umunduwaa yawe yande umaa arama kua Deus, yambeu inyenga kuaye Kristu uxariwaa yawe.